ಮರಗಳ ಉಸಿರುಗಟ್ಟಿಸುವ ಗುತ್ತಿಗೆದಾರರ ವಿರುದ್ಧ ಕ್ರಿಮಿನಲ್ ಮೊಕದ್ದಮೆ ದಾಖಲಿಸಿ!

ಮುಂಬಯಿ – ನಗರದ 29 ಲಕ್ಷ 75 ಸಾವಿರ ಮರಗಳ ರಕ್ಷಣೆಗಾಗಿ ಮುಂಬಯಿ ಮಹಾನಗರ ಪಾಲಿಕೆಯು ಏಪ್ರಿಲ್ 1 ರಂದು ‘ವೃಕ್ಷ ಸಂಜೀವಿನಿ’ ಅಭಿಯಾನವನ್ನು ಘೋಷಿಸಿದೆ. ಇದು ಕೇವಲ ಒಂದು ದಿನದ ‘ಮೇಲ್ನೋಟದ ಚಿಕಿತ್ಸೆ’ಯಾಗಿದ್ದು, ಆಡಳಿತವು ಇದನ್ನು ಕೇವಲ ಒಂದು ‘ಇವೆಂಟ್’ (ಔಪಚಾರಿಕ ಕಾರ್ಯಕ್ರಮ) ಎಂದು ನೋಡುತ್ತಿದೆಯೇ? ಎಂದು ಹಿಂದೂ ಜನಜಾಗೃತಿ ಸಮಿತಿ ಪ್ರೇರಿತ ‘ಸುರಾಜ್ಯ ಅಭಿಯಾನ’ ಪ್ರಶ್ನೆ ಹಾಕಿದೆ. ವಿವಿಧ ನಗರಗಳಲ್ಲಿ ಸುಂದರೀಕರಣದ ಹೆಸರಿನಲ್ಲಿ ಮರಗಳ ಸುತ್ತಲೂ ಮಾಡಲಾದ ‘ಕಾಂಕ್ರೀಟ್’, ಹಾಗೂ ಮರಗಳಿಗೆ ಮೊಳೆ ಹೊಡೆದು ಹಾಕಲಾಗುವ ಜಾಹೀರಾತುಗಳಂತಹ ಕಾನೂನುಬಾಹಿರ ಕೃತ್ಯಗಳ ವಿರುದ್ಧ ಈ ಅಭಿಯಾನವು ಧ್ವನಿ ಎತ್ತಿದೆ. ಇದು ಯಾವುದೇ ಐಚ್ಛಿಕ ಸೇವೆಯಲ್ಲ, ಬದಲಿಗೆ ಮಾನ್ಯ ರಾಷ್ಟ್ರೀಯ ಹಸಿರು ನ್ಯಾಯಾಧಿಕರಣದ ಆದೇಶದಂತೆ ಮಾಡಲೇಬೇಕಾದ ಕಡ್ಡಾಯ ಕಾನೂನು ಪ್ರಕ್ರಿಯೆಯಾಗಿದೆ ಎಂದು ಅಭಿಯಾನ ಹೇಳಿದೆ.

🛑 Stop the "Strangulation" of Our Trees! 🌳@SurajyaAbhiyan has issued a strong demand to administrative officers: File criminal cases against contractors who are killing our green cover! ⚖️

🚩 The Issues Highlighted:
🏗️ Concrete Choking: Pouring concrete right up to the… pic.twitter.com/poZK7so1xL

— Sanatan Prabhat (@SanatanPrabhat) March 31, 2026

ಮರಗಳಿಗೆ ಸಾವಿರಾರು ಮೊಳೆಗಳನ್ನು ಹೊಡೆದು ಜಾಹೀರಾತುಗಳನ್ನು ಹಾಕುವುದು ಮತ್ತು ಬುಡದವರೆಗೆ ಕಾಂಕ್ರೀಟ್ ಸುರಿದು ಅವುಗಳ ಉಸಿರುಗಟ್ಟಿಸುವುದು ಹಾಗೂ ಆ ಮೂಲಕ ನೈಸರ್ಗಿಕ ಬೆಳವಣಿಗೆಯನ್ನು ತಡೆಯುವುದು, ‘ಮಹಾರಾಷ್ಟ್ರ ಮರಗಳ ಸಂರಕ್ಷಣೆ ಮತ್ತು ಪಾಲನೆ ಅಧಿನಿಯಮ, 1975’ ಸೇರಿದಂತೆ ರಾಷ್ಟ್ರೀಯ ಹಸಿರು ನ್ಯಾಯಾಧಿಕರಣದ ಸ್ಪಷ್ಟ ಆದೇಶಗಳ ನೇರ ಉಲ್ಲಂಘನೆಯಾಗಿದೆ ಎಂದು ಅಭಿಯಾನವು ತಿಳಿಸಿದೆ.

ಈ ಕುರಿತು ಜಳಗಾಂವ್ ಮತ್ತು ಸಾತಾರಾ ಜಿಲ್ಲಾಡಳಿತಕ್ಕೆ ಈಗಾಗಲೇ ಮನವಿ ಸಲ್ಲಿಸಲಾಗಿದೆ. ನಾಗಪುರ ಸೇರಿದಂತೆ ಮುಂಬಯಿ ಮಹಾನಗರ ಪಾಲಿಕೆಯ ಮಹಾಪೌರರು ಮತ್ತು ಪಾಲಿಕೆ ಆಯುಕ್ತರಿಗೂ ಮನವಿ ನೀಡಲಾಗಿದೆ ಎಂದು ಅಭಿಯಾನದ ಸಂಯೋಜಕರಾದ ಶ್ರೀ. ಅಭಿಷೇಕ ಮುರುಕುಟೆ ಮಾಹಿತಿ ನೀಡಿದ್ದಾರೆ.

‘ಸುರಾಜ್ಯ ಅಭಿಯಾನ’ದ ಸಂಯೋಜಕ ಶ್ರೀ. ಅಭಿಜಿತ ಮುರುಕುಟೆ ತಿಳಿಸಿದ ಅಂಶಗಳು,

1. ರಾಜ್ಯದ ಪರಿಸ್ಥಿತಿ ಅತ್ಯಂತ ಭಯಾನಕವಾಗಿದ್ದು, ಕೇವಲ ಮುಂಬಯಿಯಲ್ಲೇ ಕಳೆದ ಒಂದು ವರ್ಷದಲ್ಲಿ ಮರಗಳಿಂದ 17.43 ಕೆಜಿ ಮೊಳೆಗಳನ್ನು ಮತ್ತು 1,460 ಅಕ್ರಮ ಜಾಹೀರಾತು ಫಲಕಗಳನ್ನು ತೆಗೆಯಲಾಗಿದೆ.

2. ಮರಗಳ ಸುತ್ತಲೂ 1 ಮೀಟರ್ ಜಾಗವನ್ನು ಕಚ್ಚಾ (ಅನ್-ಪೇವ್ಡ್) ಬಿಡಬೇಕೆಂದು ಉಚ್ಚ ನ್ಯಾಯಾಲಯದ ನಿರ್ದೇಶನವಿದ್ದರೂ ಸಹ, ಅಭಿವೃದ್ಧಿ ಕಾಮಗಾರಿಗಳಲ್ಲಿ ಸಾವಿರಾರು ಮರಗಳ ಸುತ್ತಲೂ ಸಿಮೆಂಟ್ ಪದರಗಳನ್ನು ಸುರಿಯುತ್ತಿರುವುದು ಹೇಗೆ? ಇಷ್ಟು ದೊಡ್ಡ ಪ್ರಮಾಣದಲ್ಲಿ ವೃಕ್ಷಸಂಪತ್ತು ಅಪಾಯಕ್ಕೆ ಸಿಲುಕಿದ್ದರೂ ಸಹ ಜಾಹೀರಾತುದಾರರು ಅಥವಾ ಗುತ್ತಿಗೆದಾರರ ಮೇಲೆ ಸರ್ಕಾರ ಏಕೆ ಮೊಕದ್ದಮೆ ದಾಖಲಿಸುತ್ತಿಲ್ಲ? ಎಂಬುದು ಕಳವಳಕಾರಿ ಸಂಗತಿಯಾಗಿದೆ.

3. ಮರಗಳ ಬೇರುಗಳಿಗೆ ಆಮ್ಲಜನಕ ಸಿಗುವುದು ನಿಂತು ಹೋಗಿರುವುದರಿಂದ ಅವು ದುರ್ಬಲಗೊಂಡು ಮರ ಉರುಳುವ ಪ್ರಮಾಣ ಹೆಚ್ಚಾಗಿದೆ. ಇದಕ್ಕೆ ಆಡಳಿತಾತ್ಮಕ ಮಟ್ಟದ ನಿರ್ಲಕ್ಷ್ಯವೇ ಮೂಲ ಕಾರಣವಾಗಿದೆ.