‘ಡಿಜಿಟಲ್ ಅರೆಸ್ಟ್’ಗೆ ತಡೆ ನೀಡಲು ಸಂಬಂಧಿತ ಮೊಬೈಲ್ ಫೋನ್ ಸೆಟ್ ಗಳನ್ನು ಬಂದ್ ಮಾಡಿ!

‘ವಾಟ್ಸಪ್’ಗೆ ಕೇಂದ್ರ ಸರಕಾರದ ಆದೇಶ

ನವ ದೆಹಲಿ – ದೇಶಾದ್ಯಂತ ಕಳೆದ ಕೆಲವು ವರ್ಷಗಳಿಂದ ‘ಡಿಜಿಟಲ್ ಅರೆಸ್ಟ್’ ಹೆಸರಿನಲ್ಲಿ ದೊಡ್ಡ ಪ್ರಮಾಣದ ಆರ್ಥಿಕ ವಂಚನೆಯ ಪ್ರಕರಣಗಳು ಹೆಚ್ಚುತ್ತಿವೆ. ಇದನ್ನು ಪರಿಣಾಮಕಾರಿಯಾಗಿ ತಡೆಗಟ್ಟಲು ಗೃಹ ಸಚಿವಾಲಯದ ಅಡಿಯಲ್ಲಿ ಬರುವ ‘ಇಂಡಿಯನ್ ಸೈಬರ್ ಕ್ರೈಮ್ ಕಾರ್ಡಿನೇಷನ್ ಸೆಂಟರ್’ ಕೇಂದ್ರ ಸರಕಾರಕ್ಕೆ ವರದಿಯೊಂದನ್ನು ಸಲ್ಲಿಸಿದೆ. ಈ ವರದಿಯ ಆಧಾರದ ಮೇಲೆ ಸರಕಾರವು ‘ವಾಟ್ಸಪ್’ಗೆ ನೇರ ಆದೇಶ ನೀಡಿದೆ. ಈ ವಂಚನೆಗಳಲ್ಲಿ ಬಳಸಲಾಗುವ ಮೊಬೈಲ್ ಫೋನ್ ಗಳನ್ನು ‘ವಾಟ್ಸಪ್’ನಿಂದ ಶಾಶ್ವತವಾಗಿ ‘ಬ್ಲಾಕ್’ ಮಾಡಲಾಗುತ್ತದೆ.

🚨 Big Move to Crush ‘Digital Arrest’ Scams

The Central Government has issued fresh directions to WhatsApp to tackle rising cyber frauds 👇

🔹 Fraudsters use new SIMs on the same device

🔹 Now, the entire handset used in scams may be banned

🛑 A strong step to break the cycle… pic.twitter.com/IJkPAKawt8

— Sanatan Prabhat (@SanatanPrabhat) March 21, 2026

ಸೈಬರ್ ಅಪರಾಧಿಗಳು ಪದೇ ಪದೇ ಹೊಸ ‘ಸಿಮ್ ಕಾರ್ಡ್’ ಬಳಸಿ ಅಥವಾ ನಕಲಿ ಖಾತೆ ಸೃಷ್ಟಿಸಿ ಜನರನ್ನು ವಂಚಿಸುತ್ತಾರೆ. ‘ವಾಟ್ಸಪ್’ನಿಂದ ಯಾವುದಾದರೊಂದು ಸಂಖ್ಯೆಯನ್ನು ಬಂದ್ ಮಾಡಿದರೂ, ಅದೇ ಮೊಬೈಲ್ ನಲ್ಲಿ ಹೊಸ ‘ಸಿಮ್ ಕಾರ್ಡ್’ ಮೂಲಕ ಇನ್ನೊಂದು ಖಾತೆಯನ್ನು ತೆರೆಯಲಾಗುತ್ತದೆ. ಇದಕ್ಕೆ ಶಾಶ್ವತ ಪರಿಹಾರವಾಗಿ ಸರಕಾರವು ಈಗ ನೇರವಾಗಿ ‘ಡಿವೈಸ್’ (ಉಪಕರಣ) ಮೇಲೆಯೇ ನಿಷೇಧ ಹೇರಲು ನಿರ್ಧರಿಸಿದೆ. ಇದರಿಂದ ಆ ಉಪಕರಣದ ಮೂಲಕ ಕನಿಷ್ಠ ವಾಟ್ಸಪ್‌ ನಿಂದಲಾದರೂ ಜನರನ್ನು ವಂಚಿಸಲು ಸಾಧ್ಯವಾಗುವುದಿಲ್ಲ. (ಸರಕಾರವು ಆ ಸಂಬಂಧಿತ ಮೊಬೈಲ್ ನಲ್ಲಿ ಎಲ್ಲ ‘ಆಪ್’ಗಳು ಹೇಗೆ ನಿಷ್ಕ್ರಿಯಗೊಳ್ಳುತ್ತವೆ ಎಂಬುದನ್ನು ನೋಡಿ ಆಯಾ ‘ಆಪ್’ ಗಳ ತಯಾರಕರಿಗೂ ಇಂತಹ ಆದೇಶ ನೀಡಬೇಕು. ಇಲ್ಲದಿದ್ದರೆ ನಾಳೆ ಇದೇ ಅಪರಾಧಿಗಳು ಅದೇ ಮೊಬೈಲ್ ನಿಂದ ‘ಟೆಲಿಗ್ರಾಮ್’, ‘ವೈಬರ್’ ಮುಂತಾದ ಆಪ್‌ ಗಳನ್ನು ಬಳಸಿ ಜನರನ್ನು ವಂಚಿಸಲು ಹಿಂದೆಮುಂದೆ ನೋಡುವುದಿಲ್ಲ! – ಸಂಪಾದಕರು)