ಸಲೀಂ ವಾಸ್ತಿಕ್ ಮೇಲೆ ಪ್ರಾಣಾಂತಿಕ ದಾಳಿ ನಡೆಸಿದ್ದ ಗುಲ್ಫಾಮ್ ಪೊಲೀಸ ಎನ್ಕೌಂಟರ್ನಲ್ಲಿ ಸಾವು Salim Vastik Attack Gulfam Encounter

೨ ದಿನಗಳ ಹಿಂದಷ್ಟೇ ವಾಸ್ತಿಕ್ ಮೇಲೆ ದಾಳಿ ಮಾಡಿದ್ದ ಜೀಶಾನ ಇವನು ಕೂಡ ಪೊಲೀಸ್ ಕಾರ್ಯಾಚರಣೆಯಲ್ಲಿ ಹತನಾಗಿದ್ದ

ಲಕ್ಷ್ಮಣಪುರಿ (ಉತ್ತರಪ್ರದೇಶ): ಇಸ್ಲಾಂ ಧರ್ಮದ ಕುರಿತು ವಿಶ್ಲೇಷಣೆ ನಡೆಸುತ್ತಿದ್ದ ಸಲೀಂ ವಾಸ್ತಿಕ್ ಅವರ ಮೇಲೆ ಪೇಪರ್ ಕಟರ್ನಿಂದ ಪ್ರಾಣಾಂತಿಕ ದಾಳಿ ನಡೆಸಿದ್ದ ಎರಡನೇ ಆರೋಪಿ ಗುಲ್ಫಾಮ್, ಮಾರ್ಚ್ 3ರ ರಾತ್ರಿ ನಡೆದ ಪೊಲೀಸ್ ಎನ್ಕೌಂಟರ್ನಲ್ಲಿ ಹತನಾಗಿದ್ದಾನೆ. 1 ಲಕ್ಷ ರೂಪಾಯಿ ಬಹುಮಾನ ಘೋಷಿತನಾಗಿದ್ದ ಈ ಆರೋಪಿಯು ಅಪರಾಧ ವಿಭಾಗ ಮತ್ತು ಇಂದಿರಾಪುರಂ ಪೊಲೀಸ್ ಠಾಣೆಯ ತಂಡದೊಂದಿಗೆ ನಡೆದ ಗುಂಡಿನ ಚಕಮಕಿಯಲ್ಲಿ ಮೃತಪಟ್ಟಿದ್ದಾನೆ. ಈ ಎನ್ಕೌಂಟರ್ನಲ್ಲಿ ಇಬ್ಬರು ಪೊಲೀಸರು ಗಾಯಗೊಂಡಿದ್ದಾರೆ. ಕೆಲವು ದಿನಗಳ ಹಿಂದಷ್ಟೇ ಗುಲ್ಫಾಮ್ನ ಸಹೋದರ ಹಾಗೂ ದಾಳಿಯಲ್ಲಿ ಭಾಗಿಯಾಗಿದ್ದ ಜೀಶಾನ ಕೂಡ ಪೊಲೀಸ್ ಎನ್ಕೌಂಟರ್ನಲ್ಲಿ ಹತನಾಗಿದ್ದನು.

೧. ಪೊಲೀಸರ ಮಾಹಿತಿ ಪ್ರಕಾರ, ಫೆಬ್ರವರಿ 27 ರಂದು ಸಲೀಂ ವಾಸ್ತಿಕ್ ಅವರ ಮೇಲೆ ನಡೆದ ದಾಳಿಯಲ್ಲಿ ಗುಲ್ಫಾಮ್ ಮತ್ತು ಜೀಶಾನ ಸಹೋದರರು ಭಾಗಿಯಾಗಿದ್ದರು. ಘಟನೆಯ ನಂತರ ಇಬ್ಬರೂ ಮೋಟಾರ್ ಸೈಕಲ್ನಲ್ಲಿ ಹೋಗುತ್ತಿರುವ ದೃಶ್ಯಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದ್ದವು.

೨. ಈ ದಾಳಿಯ ಬಗ್ಗೆ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್ ಅವರು ತೀವ್ರ ಅಸಮಾಧಾನ ವ್ಯಕ್ತಪಡಿಸಿದ್ದರು ಮತ್ತು “ದಾಳಿಕೋರರನ್ನು ಬಿಡುವುದಿಲ್ಲ” ಎಂದು ಎಚ್ಚರಿಕೆ ನೀಡಿದ್ದರು. ಅದರ ಬೆನ್ನಲ್ಲೇ ಪೊಲೀಸರು ತ್ವರಿತ ಕ್ರಮ ಕೈಗೊಂಡು ಇಬ್ಬರೂ ಆರೋಪಿಗಳನ್ನು ಎನ್ಕೌಂಟರ್ನಲ್ಲಿ ಹೊಡೆದುರುಳಿಸಿದ್ದಾರೆ.

೩. ಸಿಸಿಟಿವಿ ದೃಶ್ಯಾವಳಿಗಳ ಆಧಾರದ ಮೇಲೆ ಪೊಲೀಸರು ಇಬ್ಬರೂ ಆರೋಪಿಗಳನ್ನು ಗುರುತಿಸಿದ್ದರು. ನಂತರ ಗುಲ್ಫಾಮ್ ಮತ್ತು ಜೀಶಾನ ಮೇಲೆ ತಲಾ 1 ಲಕ್ಷ ರೂಪಾಯಿ ಬಹುಮಾನ ಘೋಷಿಸಲಾಗಿತ್ತು.

೪. ಮಾರ್ಚ್ 1 ರಂದು ಲೋಹನಿಯಲ್ಲಿ ನಡೆದ ಎನ್ಕೌಂಟರ್ನಲ್ಲಿ ಕಿರಿಯ ಸಹೋದರ ಜೀಶಾನ ಹತನಾಗಿದ್ದನು. ಆ ಸಮಯದಲ್ಲಿ ಅಣ್ಣ ಗುಲ್ಫಾಮ್ ಕತ್ತಲ ಲಾಭ ಪಡೆದು ಪರಾರಿಯಾಗಿದ್ದನು. ಅಂದಿನಿಂದ ಪೊಲೀಸರು ಗುಲ್ಫಾಮ್ಗಾಗಿ ಹುಡುಕಾಟ ನಡೆಸುತ್ತಿದ್ದರು.

೫. ಅಪರಾಧ ವಿಭಾಗದ ಹೆಚ್ಚುವರಿ ಪೊಲೀಸ್ ಉಪ ಆಯುಕ್ತ ಪಿಯೂಷ್ ಕುಮಾರ್ ಮಾತನಾಡಿ, “ಜೀಶಾನ  ಹತನಾದ ನಂತರ ಗುಲ್ಫಾಮ್ ಗಾಗಿ ಹುಡುಕಾಟ ಮುಂದುವರಿದಿತ್ತು. ಅವನು ಇಂದಿರಾಪುರಂ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿದ್ದಾನೆ ಎಂಬ ಮಾಹಿತಿ ಲಭ್ಯವಾಗಿತ್ತು. ರಾತ್ರಿ 9:15 ರ ಸುಮಾರಿಗೆ ವಸುಂಧರಾ ವಿದ್ಯುತ್ ಕೇಂದ್ರದ ಬಳಿ ಗುಲ್ಫಾಮ್ ತನ್ನ ಸಹಚರನೊಂದಿಗೆ ಬರುತ್ತಿರುವುದು ಕಂಡುಬಂದಿತು. ಪೊಲೀಸರು ತಡೆಯಲು ಯತ್ನಿಸಿದಾಗ ಅವನು ಮೋಟಾರ್ ಸೈಕಲ್ ತಿರುಗಿಸಿ ಪರಾರಿಯಾಗಲು ಯತ್ನಿಸಿದನು. ಈ ವೇಳೆ ಮೋಟಾರ್ ಸೈಕಲ್ ಜಾರಿ ಬಿದ್ದಿದೆ, ನಂತರ ಆರೋಪಿಗಳು ಪೊಲೀಸರ ಮೇಲೆ ಗುಂಡು ಹಾರಿಸಿದ್ದಾರೆ,” ಎಂದು ತಿಳಿಸಿದ್ದಾರೆ.

೬. ಈ ಗುಂಡಿನ ಚಕಮಕಿಯಲ್ಲಿ ಹೆಡ್ ಕಾನ್ಸ್ಟೇಬಲ್ ಪುಷ್ಪೇಂದ್ರ ಕುಮಾರ್ ಶುಕ್ಲಾ ಮತ್ತು ಸಂದೀಪ್ ಕುಮಾರ್ ಗಾಯಗೊಂಡಿದ್ದಾರೆ. ಪೊಲೀಸರು ಆತ್ಮರಕ್ಷಣೆಗಾಗಿ ನಡೆಸಿದ ಪ್ರತಿಯಾಕ್ರಮಣದಲ್ಲಿ ಗುಲ್ಫಾಮ್ನ ಎದೆಗೆ ಗುಂಡು ತಗುಲಿ ಮೃತಪಟ್ಟಿದ್ದಾನೆ.

೭. ಎರಡು ದಿನಗಳ ಹಿಂದೆ ಹತನಾದ ಜೀಶಾನನ ಸಾಮಾಜಿಕ ಮಾಧ್ಯಮ ಖಾತೆಗಳನ್ನು ಅಪರಾಧ ವಿಭಾಗವು ಪರಿಶೀಲಿಸಿದೆ. ಅದರಲ್ಲಿ ಭಯೋತ್ಪಾದಕ ಸಿದ್ಧಾಂತಕ್ಕೆ ಸಂಬಂಧಿಸಿದ ಅನೇಕ ವಿಡಿಯೋಗಳು ಪತ್ತೆಯಾಗಿದ್ದು, ಅವುಗಳ ತನಿಖೆ ನಡೆಯುತ್ತಿದೆ.