ಸ್ವದೇಶಿ ‘ಆಕಾಶ್-ಎನ್.ಜಿ.’ ಕ್ಷಿಪಣಿ ವ್ಯವಸ್ಥೆಯ ಯಶಸ್ವಿ ಪರೀಕ್ಷೆ ನಡೆಸಿದ ಭಾರತೀಯ ಸೇನೆ

ನವದೆಹಲಿ – ಭಾರತೀಯ ಸೇನೆಯು ಡಿಸೆಂಬರ್ ೨೩ ರಂದು ‘ಆಕಾಶ್ ನೆಕ್ಸ್ಟ್ ಜನರೇಶನ್’ (ಆಕಾಶ್-ಎನ್.ಜಿ.) ಎಂಬ ಕ್ಷಿಪಣಿ ವ್ಯವಸ್ಥೆಯನ್ನು ಯಶಸ್ವಿಯಾಗಿ ಪರೀಕ್ಷಿಸಿದೆ. ಈ ವ್ಯವಸ್ಥೆಯು ಎಲ್ಲಾ ಅಗತ್ಯ ಸೇವಾ ಗುಣಮಟ್ಟದ ಮಾನದಂಡಗಳನ್ನು ಪೂರೈಸಿದೆ. ಈ ವ್ಯವಸ್ಥೆಯನ್ನು ಸಂಪೂರ್ಣವಾಗಿ ಸ್ವದೇಶಿ ತಂತ್ರಜ್ಞಾನದಿಂದ ನಿರ್ಮಿಸಲಾಗಿದೆ. ಈ ಕ್ಷಿಪಣಿಯು ವೇಗವಾದ ಮತ್ತು ವಿವಿಧ ರೀತಿಯ ವಾಯು ಬೆದರಿಕೆಗಳಿಂದ ದೇಶದ ರಕ್ಷಣೆ ಮಾಡುವಲ್ಲಿ ಪ್ರಮುಖ ಪಾತ್ರ ವಹಿಸುತ್ತದೆ.

ರಕ್ಷಣಾ ಸಂಶೋಧನೆ ಮತ್ತು ಅಭಿವೃದ್ಧಿ ಸಂಸ್ಥೆ (‘ಡಿಫೆನ್ಸ್ ರಿಸರ್ಚ್ ಅಂಡ್ ಡೆವಲಪ್ಮೆಂಟ್ ಆರ್ಗನೈಜೇಷನ್’ – ಡಿಆರ್‌ಡಿಓ) ಯ ಪ್ರಕಾರ, ಪರೀಕ್ಷೆಯ ಸಮಯದಲ್ಲಿ ‘ಆಕಾಶ್-ಎನ್.ಜಿ.’ ಆಕಾಶದಲ್ಲಿ ವಿವಿಧ ದೂರ ಮತ್ತು ಎತ್ತರದಲ್ಲಿರುವ ಗುರಿಗಳನ್ನು ನಿಖರವಾಗಿ ನಾಶಪಡಿಸಿದೆ. ಗಡಿಯ ಸಮೀಪ ಕಡಿಮೆ ಎತ್ತರದಲ್ಲಿ ಹಾರುವ ಮತ್ತು ದೂರದ ಹೆಚ್ಚು ಎತ್ತರದ ಗುರಿಗಳನ್ನು ಈ ಕ್ಷಿಪಣಿ ನಾಶಪಡಿಸಿತು. ಈ ನೂತನ ಕ್ಷಿಪಣಿಯ ವ್ಯಾಪ್ತಿ ೩0 ಕಿಲೋಮೀಟರ್‌ಗಳವರೆಗಿದ್ದು ೧೮ ಕಿಲೋಮೀಟರ್ ಎತ್ತರದವರೆಗೆ ಶತ್ರುಗಳ ವಾಯು ಬೆದರಿಕೆಗಳನ್ನು ತಡೆಯಬಲ್ಲದು.