‘ಭಾಜಪ ಸಂವಿಧಾನದ ಮೂಲ ಆಶಯವನ್ನು ನಾಶಪಡಿಸುತ್ತಿದೆ !’(ಅಂತೆ) – Rahul Gandhi

ಜರ್ಮನಿ ವಿದ್ಯಾರ್ಥಿಗಳ ಮುಂದೆ ಆರೋಪ ಭಾಜಪ ವಿರುದ್ಧ ಕಿಡಿಕಾರಿದ ರಾಹುಲ್ ಗಾಂಧಿ

ಬರ್ಲಿನ್ (ಜರ್ಮನಿ) – ಭಾರತೀಯ ಜನತಾ ಪಕ್ಷವು (ಭಾಜಪ) ಸಂವಿಧಾನದ ಮೂಲ ಆಶಯವನ್ನು ನಾಶಪಡಿಸುತ್ತಿದೆ ಎಂದು ಲೋಕಸಭೆಯ ವಿರೋಧ ಪಕ್ಷದ ನಾಯಕ ರಾಹುಲ್ ಗಾಂಧಿ ಆರೋಪಿಸಿದ್ದಾರೆ. ಡಿಸೆಂಬರ್ 18 ರಂದು ಬರ್ಲಿನ್‌ನ ಹರ್ಟಿ ಶಾಲೆಯಲ್ಲಿ ವಿದ್ಯಾರ್ಥಿಗಳೊಂದಿಗೆ ಸಂವಾದ ನಡೆಸುವಾಗ ಅವರು ಈ ಮಾತನ್ನಾಡಿದರು. ಈ ಸಂವಾದದ ವಿಡಿಯೋವನ್ನು ಕಾಂಗ್ರೆಸ್ ಇತ್ತೀಚೆಗೆ ಬಿಡುಗಡೆ ಮಾಡಿದ ನಂತರ ಈ ವಿಷಯ ಬೆಳಕಿಗೆ ಬಂದಿದೆ.

ರಾಹುಲ್ ಅವರು ಮುಂದೆ ಮಾತನಾಡಿ,

1. ಸಂವಿಧಾನವು ಎಲ್ಲಾ ನಾಗರಿಕರಿಗೆ ಸಮಾನ ಹಕ್ಕುಗಳನ್ನು ನೀಡುತ್ತದೆ; ಹಾಗಾಗಿ ಭಾಜಪ ಅದನ್ನು ಕೊನೆಗೊಳಿಸಲು ಬಯಸುತ್ತಿದೆ.

2. ದೇಶದ ಅನೇಕ ಸಂಸ್ಥಾತ್ಮಕ ವ್ಯವಸ್ಥೆಗಳು ಭಾಜಪಯ ನಿಯಂತ್ರಣದಲ್ಲಿವೆ ಮತ್ತು ಸರಕಾರವು ಜಾರಿ ನಿರ್ದೇಶನಾಲಯ (ED) ಮತ್ತು ಕೇಂದ್ರೀಯ ತನಿಖಾ ದಳದಂತಹ (CBI) ತನಿಖಾ ಸಂಸ್ಥೆಗಳನ್ನು ರಾಜಕೀಯ ಆಯುಧವಾಗಿ ಬಳಸುತ್ತಿದೆ.

3. ಹರಿಯಾಣ ಚುನಾವಣೆಯಲ್ಲಿ ಕಾಂಗ್ರೆಸ್ ಗೆದ್ದಿತ್ತು; ಆದರೆ ಫಲಿತಾಂಶಗಳನ್ನು ಬದಲಾಯಿಸಲಾಯಿತು. ಹಾಗೆಯೇ ಮಹಾರಾಷ್ಟ್ರದ ಚುನಾವಣೆಗಳು ನಿಷ್ಪಕ್ಷಪಾತವಾಗಿರಲಿಲ್ಲ. ದೇಶದ ಕೋಟ್ಯಂತರ ನಾಗರಿಕರ ಸಿದ್ಧಾಂತವು ಸರಕಾರ ಮತ್ತು ರಾಷ್ಟ್ರೀಯ ಸ್ವಯಂಸೇವಕ ಸಂಘಕ್ಕಿಂತ (RSS) ಭಿನ್ನವಾಗಿದ್ದರೂ, ಅವರ ಧ್ವನಿಯನ್ನು ಹತ್ತಿಕ್ಕಲಾಗುತ್ತಿದೆ.