ಯುನೂಸ್ ಸರಕಾರ ಪಾಕಿಸ್ತಾನದ ಪ್ರಭಾವದಲ್ಲಿದೆ: ಬಾಂಗ್ಲಾದೇಶಿ ನಟಿ ಪ್ರಾಚಿ

ಢಾಕಾ (ಬಾಂಗ್ಲಾದೇಶ) – ಬಾಂಗ್ಲಾದೇಶದ ನಟಿ ಪ್ರಾಚಿ ಅವರು ‘ನ್ಯೂಸ್ 18 ಇಂಡಿಯಾ’ ಸುದ್ದಿ ವಾಹಿನಿಗೆ ನೀಡಿದ ಸಂದರ್ಶನದಲ್ಲಿ ಬಾಂಗ್ಲಾದೇಶದಲ್ಲಿ ಹೆಚ್ಚುತ್ತಿರುವ ಹಿಂಸಾಚಾರ ಮತ್ತು ಭಾರತ ವಿರೋಧಿ ಭಾವನೆಗಳ ಬಗ್ಗೆ ತಮ್ಮ ಅಭಿಪ್ರಾಯವನ್ನು ಹಂಚಿಕೊಂಡಿದ್ದಾರೆ. ಪ್ರಾಚಿ ಅವರ ಪ್ರಕಾರ, ಆಗಸ್ಟ್ 5, 2024 ರಂದು ಪಾಕಿಸ್ತಾನದ ಏಜೆಂಟ್ ಡಾ. ಮೊಹಮ್ಮದ್ ಯುನೂಸ್ ಅವರು ಧಾರ್ಮಿಕ ಅಲ್ಪಸಂಖ್ಯಾತರತ್ತ ಗಮನ ಸೆಳೆಯಲು ಹಿಂಸಾಚಾರವನ್ನು ಪ್ರಚೋದಿಸಿದರು. ಇಸ್ಲಾಮಿಕ್ ಭಾವನೆಗಳನ್ನು ಒಳ್ಳೆಯ ಉದ್ದೇಶಗಳಿಗಾಗಿ ಬಳಸುವ ಬದಲು ದುರುದ್ದೇಶಗಳಿಗಾಗಿ ಬಳಸಿಕೊಳ್ಳಲಾಗಿದೆ. ಯುನೂಸ್ ಸರಕಾರವು ಪಾಕಿಸ್ತಾನದ ಪ್ರಭಾವಕ್ಕೆ ಒಳಗಾಗಿದೆ ಮತ್ತು ಅವರು ಪರಿಸ್ಥಿತಿಯನ್ನು ನಿಯಂತ್ರಿಸುವ ಬದಲು ಮತ್ತಷ್ಟು ಹದಗೆಡಿಸುತ್ತಿದ್ದಾರೆ ಎಂದು ಅವರು ಆರೋಪಿಸಿದ್ದಾರೆ.

ಹಿಂದೂಗಳು ಅಡಗಿ ಬದುಕಬೇಕಾದ ಸ್ಥಿತಿ!

ಬಾಂಗ್ಲಾದೇಶದ ಸಂಕಷ್ಟದ ಸಮಯದಲ್ಲಿ ಭಾರತವು ಸಹಾಯ ಮಾಡಿತ್ತು; ಆದರೆ ಈಗ ಪಾಕಿಸ್ತಾನವು ಈ ‘ಪರಿಸ್ಥಿತಿಯನ್ನು ಹೇಗೆ ನಿಭಾಯಿಸಬೇಕು?’ ಎಂಬುದರ ಚಿತ್ರಕಥೆ ಬರೆಯುತ್ತಿದೆ ಎಂದು ಪ್ರಾಚಿ ಹೇಳಿದರು. ಯುನೂಸ್ ಅವರ ಸಹೋದರ ಬಾಂಗ್ಲಾದೇಶದಲ್ಲಿ ಹೆಚ್ಚು ಸಕ್ರಿಯರಾಗಿದ್ದಾರೆ. ಈ ಎಲ್ಲಾ ಘಟನೆಗಳ ಹಿಂದಿನ ಉದ್ದೇಶವು ಪೂರ್ವಯೋಜಿತ ಹತ್ಯೆಯಂತಿದೆ ಮತ್ತು ಹಿಂದೂ ಅಲ್ಪಸಂಖ್ಯಾತರ ಸ್ಥಿತಿ ಅತ್ಯಂತ ಶೋಚನೀಯವಾಗಿದೆ. ಅಲ್ಪಸಂಖ್ಯಾತರು ಅಡಗಿ ಬದುಕುವಂತಾಗಿದೆ, ಕುಟುಂಬದ ಸದಸ್ಯರನ್ನು ಭೇಟಿಯಾಗುವುದು ಕಷ್ಟವಾಗಿದೆ ಮತ್ತು ಜನರು ತಮ್ಮ ಜೀವವನ್ನು ಪಣಕ್ಕಿಟ್ಟು ಹೋರಾಡುತ್ತಿದ್ದಾರೆ ಎಂದು ಅವರು ವಿವರಿಸಿದರು.