ಬಾಂಗ್ಲಾದೇಶದಲ್ಲಿ ಚೀನಾ ವಾಯುಪಡೆ ಮತ್ತು ಜಲಾಂತರ್ಗಾಮಿ ನೆಲೆಗಳ ನಿರ್ಮಾಣ

ನವದೆಹಲಿ – ಬಾಂಗ್ಲಾದೇಶದ ವಾಯುಪಡೆಯ ‘ಲಾಲ್ಮೋನಿರಹತ್’ ವಾಯುನೆಲೆಯನ್ನು ಚೀನಾ ನಿರ್ಮಿಸುತ್ತಿದೆ. ಇದರೊಂದಿಗೆ, ಬಾಂಗ್ಲಾದೇಶದ ‘ಪೇಕುವಾ’ದಲ್ಲಿ 8 ಜಲಾಂತರ್ಗಾಮಿಗಳಿಗಾಗಿ ನೆಲೆಯನ್ನು ಸಹ ಚೀನಾ ನಿರ್ಮಿಸುತ್ತಿದೆ. ಭಾರತದ ವಿದೇಶಾಂಗ ವ್ಯವಹಾರಗಳ ಸಚಿವಾಲಯದ ಸ್ಥಾಯೀ ಸಮಿತಿಯು ಸಲ್ಲಿಸಿರುವ ವರದಿಯಿಂದ ಈ ಮಾಹಿತಿ ಹೊರಬಂದಿದೆ.

🚨China Establishing Air Force Base and Submarine Base in Bangladesh

Air Force base at Lalmonirhat – just 15 km from India
Submarine base at Pekua – capacity for 8 submarines

The Lalmonirhat base falls within range of India’s strategic Siliguri Corridor, the only land link to… pic.twitter.com/RCiCSd0rqv

— Sanatan Prabhat (@SanatanPrabhat) December 19, 2025

1. ಈ ಕುರಿತು ಭಾರತವು ಬಾಂಗ್ಲಾದೇಶದ ‘ಮಿಲಿಟರಿ ಕಾರ್ಯಾಚರಣೆಗಳ ಮಹಾನಿರ್ದೇಶಕರನ್ನು’ ಪ್ರಶ್ನಿಸಿದಾಗ, “ಈ ರನ್-ವೇಯನ್ನು ಮಿಲಿಟರಿ ಕಾರ್ಯಾಚರಣೆಗಳಿಗಾಗಿ ಬಳಸಲಾಗುವುದಿಲ್ಲ” ಎಂದು ಅವರು ಸ್ಪಷ್ಟನೆ ನೀಡಿದ್ದಾರೆ. (ಬಾಂಗ್ಲಾದೇಶದ ಭಾರತ ವಿರೋಧಿ ಚಟುವಟಿಕೆಗಳನ್ನು ಗಮನಿಸಿದರೆ ಇದನ್ನು ಯಾರು ತಾನೇ ನಂಬುತ್ತಾರೆ? – ಸಂಪಾದಕರು)

2. ಬಾಂಗ್ಲಾದೇಶದ ನೌಕಾಪಡೆಯು ಪ್ರಸ್ತುತ ಎರಡು ಜಲಾಂತರ್ಗಾಮಿಗಳನ್ನು ಹೊಂದಿದೆ. ಬಾಂಗ್ಲಾದೇಶವು ಇದೇ ವರ್ಷ ಮಾರ್ಚ್‌ನಲ್ಲಿ ಚೀನಾದೊಂದಿಗೆ ತಿಳುವಳಿಕಾ ಒಪ್ಪಂದಕ್ಕೆ ಸಹಿ ಹಾಕಿದೆ. ಈ ಒಪ್ಪಂದದ ಪ್ರಕಾರ, ಬಾಂಗ್ಲಾದೇಶದ ‘ಮೊಂಗ್ಲಾ’ ಬಂದರಿನ ವಿಸ್ತರಣೆಯನ್ನು ಚೀನಾ ಮಾಡಿಕೊಡಲಿದೆ.

3. ಬಾಂಗ್ಲಾದೇಶದಲ್ಲಿ ಚೀನಾದಂತಹ ದೇಶವು ನೆಲೆಯೂರುವುದು ಭಾರತದ ಭದ್ರತೆಗೆ ಗಂಭೀರ ಬೆದರಿಕೆಯಾಗಿದೆ ಎಂದು ಭಾರತದ ವಿದೇಶಾಂಗ ವ್ಯವಹಾರಗಳ ಸಚಿವಾಲಯದ ಸ್ಥಾಯೀ ಸಮಿತಿ ತಿಳಿಸಿದೆ.

ಭಾರತಕ್ಕೆ ತಲೆನೋವು: ಬಾಂಗ್ಲಾದೇಶದ ಲಾಲ್ಮೋನಿರಹತ್ ವಾಯುನೆಲೆಯು ಭಾರತದ ಉತ್ತರ ಗಡಿಯಿಂದ ಕೇವಲ 15 ಕಿಲೋಮೀಟರ್ ದೂರದಲ್ಲಿದೆ. ಈ ವಾಯುನೆಲೆಯ ವ್ಯಾಪ್ತಿಯಲ್ಲಿ ಭಾರತದ ‘ಸಿಲಿಗುರಿ ಕಾರಿಡಾರ್’ ಬರುತ್ತದೆ. ಪ. ಬಂಗಾಳದಲ್ಲಿರುವ ಮತ್ತು ನೇಪಾಳ-ಬಾಂಗ್ಲಾದೇಶ ಗಡಿಗಳಿಗೆ ಹೊಂದಿಕೊಂಡಿರುವ ಸುಮಾರು 22 ಕಿಲೋಮೀಟರ್ ಉದ್ದದ ಅತ್ಯಂತ ಕಿರಿದಾದ ಭೂಭಾಗವೇ ‘ಸಿಲಿಗುರಿ ಕಾರಿಡಾರ್’. ಈಶಾನ್ಯದ 7 ರಾಜ್ಯಗಳನ್ನು ಭಾರತದ ಉಳಿದ ಭಾಗಗಳೊಂದಿಗೆ ಸಂಪರ್ಕಿಸುವ ಏಕೈಕ ಭೂಮಾರ್ಗ ಇದಾಗಿದೆ. ಆದ್ದರಿಂದ, ಇದು ಭಾರತದ ದೃಷ್ಟಿಯಿಂದ ಅತ್ಯಂತ ಸೂಕ್ಷ್ಮ ಪ್ರದೇಶವಾಗಿದೆ.