ಬ್ರೆಜಿಲ್: ಭೀಕರ ಬಿರುಗಾಳಿಗೆ ಕುಸಿದ ಸ್ವಾತಂತ್ರ್ಯ ದೇವತೆಯ ಪ್ರತಿಮೆ!

ಬ್ರೆಜಿಲಿಯಾ (ಬ್ರೆಜಿಲ್) – ದಕ್ಷಿಣ ಅಮೇರಿಕಾ ಖಂಡದ ಬ್ರೆಜಿಲ್ ದೇಶದ ರಿಯೊ ಗ್ರ್ಯಾಂಡೆ ದೋ ಸುಲ್ ರಾಜ್ಯದ ಗ್ವೈಬಾ ನಗರದಲ್ಲಿ, ಭೀಕರ ಬಿರುಗಾಳಿಗೆ ‘ಸ್ಟ್ಯಾಚ್ಯೂ ಆಫ್ ಲಿಬರ್ಟಿ’ ಅಂದರೆ ಸ್ವಾತಂತ್ರ್ಯ ದೇವತೆಯ ಪ್ರತಿಮೆಯು ಕೆಲವೇ ಸೆಕೆಂಡುಗಳಲ್ಲಿ ಕುಸಿದು ಬಿದ್ದಿದೆ. ಈ ಘಟನೆಯ ವಿಡಿಯೋ ಸಾಮಾಜಿಕ ಮಾಧ್ಯಮಗಳಲ್ಲಿ ಪ್ರಸಾರವಾಗಿದೆ. ಈ ಘಟನೆಯಲ್ಲಿ ಯಾವುದೇ ಪ್ರಾಣಹಾನಿ ಸಂಭವಿಸಿಲ್ಲ ಎಂಬ ಮಾಹಿತಿ ಹೊರಬಿದ್ದಿದೆ. ಅಲ್ಲಿನ ಹವನ್ ಮೆಗಾಸ್ಟೋರ್‌ನ ಹೊರಗೆ 24 ಮೀಟರ್ ಎತ್ತರದ ಈ ಪ್ರತಿಮೆ ಇತ್ತು. ಘಟನೆ ಸಂಭವಿಸಿದಾಗ, ಅಲ್ಲಿ ಗಾಳಿಯ ವೇಗವು ಗಂಟೆಗೆ 90 ಕಿ.ಮೀ.ಗಿಂತ ಹೆಚ್ಚಿತ್ತು. ಈ ಪ್ರತಿಮೆಯನ್ನು 2020 ರಲ್ಲಿ ಸ್ಥಾಪಿಸಲಾಗಿತ್ತು. ಇದಕ್ಕೂ ಮೊದಲು 2021 ರಲ್ಲಿ ಸಹ ಇದೇ ರೀತಿಯ ಇನ್ನೊಂದು ಪ್ರತಿಮೆ ಬ್ರೆಜಿಲ್‌ನಲ್ಲಿ ಕುಸಿದು ಬಿದ್ದಿತ್ತು. ಆಗಲೂ ಕೂಡ ಇದೇ ರೀತಿ 80 ರಿಂದ 90 ಕಿ.ಮೀ ವೇಗದಲ್ಲಿ ಗಾಳಿ ಬೀಸುತ್ತಿತ್ತು.