‘ಸನಾತನ ರಾಷ್ಟ್ರ ಶಂಖನಾದ ಮಹೋತ್ಸವ’ದಲ್ಲಿ ‘ವಂದೇ ಮಾತರಂ’ ಕುರಿತು ಭವ್ಯ ಪ್ರದರ್ಶನ

ದೆಹಲಿ, ಡಿಸೆಂಬರ್ ೧೦ (ವಾರ್ತೆ) – ರಾಷ್ಟ್ರ ಜಾಗೃತಿಯ ಪವಿತ್ರ ಗೀತೆಯಾದ ‘ವಂದೇ ಮಾತರಂ’ ಗೆ ಈ ವರ್ಷ ೧೫೦ ವರ್ಷಗಳು ಪೂರ್ಣಗೊಳ್ಳುತ್ತಿವೆ. ರಾಷ್ಟ್ರ ರಕ್ಷಣೆ ಮತ್ತು ಧರ್ಮ ಜಾಗೃತಿಗಾಗಿ ಕಾರ್ಯನಿರ್ವಹಿಸುತ್ತಿರುವ ಸನಾತನ ಸಂಸ್ಥೆಯು ೨೫ ವರ್ಷಗಳನ್ನು ಪೂರ್ಣಗೊಳಿಸಿದೆ. ಈ ಸುವರ್ಣ ಸಂಗಮವನ್ನು ಆಧರಿಸಿ, ಕೇಂದ್ರ ಸಾಂಸ್ಕೃತಿಕ ಸಚಿವಾಲಯದ ಸಹಯೋಗದೊಂದಿಗೆ ಭಾರತ್ ಮಂಟಪಂನಲ್ಲಿ ಡಿಸೆಂಬರ್ ೧೩ ರಿಂದ ೧೫ ರವರೆಗೆ ಆಯೋಜಿಸಲಾದ ‘ಸನಾತನ ರಾಷ್ಟ್ರ ಶಂಖನಾದ ಮಹೋತ್ಸವ’ದಲ್ಲಿ ಭವ್ಯ ‘ವಂದೇ ಮಾತರಂ’ ಪ್ರದರ್ಶನ ಮತ್ತು ವಿಶೇಷ ಗೋಷ್ಠಿಯನ್ನು ಆಯೋಜಿಸಲಾಗಿದೆ.

ಈ ಪ್ರದರ್ಶನದಲ್ಲಿ ಮಾತೃಭೂಮಿಯ ಮೇಲಿನ ಪ್ರೀತಿ, ರಾಷ್ಟ್ರಕ್ಕಾಗಿ ತ್ಯಾಗ ಮತ್ತು ಭಾರತೀಯ ಸ್ವಾತಂತ್ರ್ಯ ಹೋರಾಟದಲ್ಲಿ ಅನೇಕರು ನೀಡಿದ ಅಮೂಲ್ಯ ಕೊಡುಗೆಯನ್ನು ಸಾರ್ವಜನಿಕರು ಅನುಭವಿಸಬಹುದು.

Grand ‘Vande Mataram’ Exhibition to be Organised at the Sanatan Rashtra Shankhnad Mahotsav, Delhi!

Celebrating 150 years of ‘Vande Mataram’ & 25 years of Sanatan Sanstha

Highlights:
🔸Mass singing by 1,000 participants
🔸Films on its origin, struggle & role in nation-building… pic.twitter.com/LrIZHTS28q

— Sanatan Prabhat (@SanatanPrabhat) December 10, 2025

‘ವಂದೇ ಮಾತರಂ’ ಇಡೀ ಭಾರತವನ್ನು ರಾಷ್ಟ್ರಭಾವನೆಯ ಸೂತ್ರದಲ್ಲಿ ಬಂಧಿಸಿತು. ಸ್ವಾತಂತ್ರ್ಯ ಹೋರಾಟದ ಪ್ರೇರಕ ಸ್ಮರಣೆಗಳು, ತ್ಯಾಗ, ರಾಷ್ಟ್ರಕ್ಕಾಗಿ ಸಮರ್ಪಣೆ ಮತ್ತು ಅಸಂಖ್ಯಾತ ಕ್ರಾಂತಿಕಾರಿಗಳ ಹೃದಯದಲ್ಲಿರುವ ಶಕ್ತಿಯನ್ನು ಈ ಗೀತೆ ಜೀವಂತಗೊಳಿಸಿದೆ. ಈ ಪ್ರೇರಣೆಯನ್ನು ಇಂದಿನ ಯುವ ಪೀಳಿಗೆಗೆ ತಲುಪಿಸುವುದು ನಮ್ಮ ಉದ್ದೇಶವಾಗಿದೆ ಎಂದು ಸನಾತನ ಸಂಸ್ಥೆಯ ವಕ್ತಾರರಾದ ಶ್ರೀ. ಅಭಯ ವರ್ತಕ್ ಅವರು ಹೇಳಿದರು.