ಬಾಬರಿ ಮಸೀದಿ ಕಟ್ಟುವ ಘೋಷಣೆ ಮಾಡಿದ ತೃಣಮೂಲ ಕಾಂಗ್ರೆಸ್ ಶಾಸಕ ಹುಮಾಯೂ ಕಬೀರ್ ಪಕ್ಷದಿಂದ ಅಮಾನತು – TMC MLA Humayun Kabir Suspended by the Party

ಕಬೀರ್ ಅವರ ನಿರ್ಧಾರದಿಂದ ಮಮತಾ ಬ್ಯಾನರ್ಜಿ ಅಸಂತುಷ್ಟರಾಗಿದ್ದರು

ಕೋಲಕಾತಾ – ಮುರ್ಷಿದಾಬಾದ್‌ನಲ್ಲಿ ಮುಸಲ್ಮಾನ ಆಕ್ರಮಣಕಾರ ಬಾಬರನ ಹೆಸರಿನಲ್ಲಿ ಮಸೀದಿ ಕಟ್ಟುವ ಘೋಷಣೆ ಮಾಡಿದ ತೃಣಮೂಲ ಕಾಂಗ್ರೆಸ್‌ನ ಶಾಸಕ ಹುಮಾಯೂ ಕಬೀರ್ ಅವರನ್ನು ಪಕ್ಷವು ಅಮಾನತು ಮಾಡಿದೆ. ಡಿಸೆಂಬರ್ ೬, ೧೯೯೨ ರಂದು ವಿವಾದಾತ್ಮಕ ಬಾಬರಿಯನ್ನು ಕೆಡವಲಾಯಿತು. ಆ ಹಿನ್ನೆಲೆಯಲ್ಲಿ ‘ಮುರ್ಷಿದಾಬಾದ್‌ನಲ್ಲಿ ಡಿಸೆಂಬರ್ ೬ ರಿಂದ ಬಾಬರಿ ಮಸೀದಿಯನ್ನು ಕಟ್ಟಲು ಪ್ರಾರಂಭಿಸಲಾಗುವುದು’ ಎಂದು ಕಬೀರ್ ಘೋಷಿಸಿದ್ದರು. ಅವರಿಗೆ ದೊಡ್ಡ ಪ್ರಮಾಣದಲ್ಲಿ ವಿರೋಧ ವ್ಯಕ್ತವಾಯಿತು. ಕಬೀರ್ ಅವರ ಈ ನಿರ್ಧಾರದಿಂದ ಮುಖ್ಯಮಂತ್ರಿ ಮಮತಾ ಬ್ಯಾನರ್ಜಿ ಅಸಂತುಷ್ಟರಾಗಿದ್ದರು.

೧. ಬಂಗಾಲದ ಸಚಿವ ಫಿರ್ಹಾದ್ ಹಕೀಮ್ ಅವರು, ಮುರ್ಷಿದಾಬಾದ್‌ನ ಶಾಸಕರಿಗೆ ಬಾಬರಿ ಮಸೀದಿಯನ್ನೇ ಏಕೆ ಕಟ್ಟಬೇಕಿತ್ತು? ನಾವು ಅವರಿಗೆ ಈ ಮೊದಲು ಕೂಡ ಎಚ್ಚರಿಕೆ ನೀಡಿದ್ದೆವು ಎಂದು ಹೇಳಿದರು.

೨. ಬಂಗಾಲದಲ್ಲಿ ಮುಂದಿನ ವರ್ಷ ವಿಧಾನಸಭಾ ಚುನಾವಣೆ ನಡೆಯಲಿದೆ. ಶಾಸಕ ಸ್ಥಾನಕ್ಕೆ ಅಭ್ಯರ್ಥಿಯಾಗಲು ಪಕ್ಷದ ಮೇಲೆ ಒತ್ತಡ ಹೇರಲು ಕಬೀರ್ ಅವರು ಬಾಬರಿ ಮಸೀದಿಯ ನಿರ್ಮಾಣದ ವಿಷಯವನ್ನು ಎತ್ತಿದರು; ಆದರೆ ‘ಅವರು ಹೆಣೆದ ಬಲೆ ಅವರ ಮೇಲೆಯೇ ತಿರುಗಿಬಿದ್ದಿದೆ’ ಎಂದು ಹೇಳಲಾಗುತ್ತಿದೆ.

ಶಾಸಕ ಕಬೀರ್ ಅವರು ಧಾರ್ಮಿಕ ಭಾವನೆಗಳನ್ನು ನೋಯಿಸುವ ಪಿತೂರಿ! – ರಾಜ್ಯಪಾಲರು

‘ಶಾಸಕ ಕಬೀರ್ ಅವರು ಮಸೀದಿ ಕಟ್ಟುವ ಘೋಷಣೆ ಮಾಡುವ ಮೂಲಕ ಧಾರ್ಮಿಕ ಭಾವನೆಗಳನ್ನು ನೋಯಿಸುವ ಪಿತೂರಿ ಮಾಡಿದ್ದಾರೆ. ಅಂತಹ ಮಸೀದಿ ಕಟ್ಟಲು ಯಾವುದೇ ಕಾರಣಕ್ಕೂ ಅನುಮತಿ ನೀಡಲಾಗುವುದಿಲ್ಲ’ ಎಂದು ಬಂಗಾಲದ ರಾಜ್ಯಪಾಲ ಸಿ.ವಿ. ಆನಂದ ಬೋಸ್ ಅವರು ಹೇಳಿದ್ದಾರೆ.