ಪಾಕಿಸ್ಥಾನದಿಂದ ಬಾಂಗ್ಲಾದೇಶಕ್ಕಾಗಿ ೪೦ ‘ಹೈದರ್ ಟ್ಯಾಂಕ್’ ಗಳ ನಿರ್ಮಾಣ

ಇಸ್ಲಾಮಾಬಾದ್ (ಪಾಕಿಸ್ತಾನ) – ಪಾಕಿಸ್ತಾನದ ಸಂಸ್ಥೆ ‘ಹೆವಿ ಇಂಡಸ್ಟ್ರೀಸ್ ಟಾಕ್ಸಲಾ’ ವು ಬಾಂಗ್ಲಾದೇಶದ ಸೇನೆಗಾಗಿ ೪೦ ಯುದ್ಧ ಟ್ಯಾಂಕ್‌ಗಳನ್ನು ನವೀಕರಿಸುವ ಪ್ರಸ್ತಾವನೆಯನ್ನು ನೀಡಿದೆ. ಈ ಟ್ಯಾಂಕ್‌ಗಳು ಪಾಕಿಸ್ತಾನದ ‘ಹೈದರ್’ ಮಾದರಿಯಂತೆಯೇ ಇರುತ್ತವೆ. ಅದರಲ್ಲಿ ಹೊಸ ೧೨೫ ಮಿ.ಮೀ. ಫಿರಂಗಿ, ಬಲಿಷ್ಠವಾದ ಸಂಯೋಜಿತ ರಕ್ಷಾಕವಚ ಮತ್ತು ಗುರಿ ನಿರ್ದೇಶನ ವ್ಯವಸ್ಥೆ ಇರಲಿವೆ. ಇದಲ್ಲದೆ ಪಾಕಿಸ್ತಾನ ಬಾಂಗ್ಲಾದೇಶಕ್ಕೆ ‘ಅಬ್ದಾಲಿ’ ಬ್ಯಾಲಿಸ್ಟಿಕ್ ಕ್ಷಿಪಣಿಗಳನ್ನು ಹಸ್ತಾಂತರಿಸುವ ಕುರಿತು ಚಿಂತನೆ ನಡೆಸಿದೆ. ಈ ಕ್ಷಿಪಣಿ ೧೮೦ ಕಿ.ಮೀ. ದೂರದವರೆಗೆ ಹೊಡೆಯುವ ಸಾಮರ್ಥ್ಯ ಹೊಂದಿದೆ.

ನವೆಂಬರ್ ೨೦೨೫ ರಲ್ಲಿ ಹೆಚ್.ಐ.ಟಿ.ಯ ಅಧ್ಯಕ್ಷ ಲೆಫ್ಟಿನೆಂಟ್ ಜನರಲ್ ಶಾಕಿರ್ ಉಲ್ಲಾ ಖಟ್ಟಕ್ ಅವರು ಢಾಕಾಗೆ ಭೇಟಿ ನೀಡಿದ ನಂತರ ಈ ಸಹಕಾರಕ್ಕೆ ಹೊಸ ವೇಗ ಸಿಕ್ಕಿದೆ. ಅವರು ಬಾಂಗ್ಲಾದೇಶದ ಸೇನಾ ಮುಖ್ಯಸ್ಥರಾದ ಜನರಲ್ ವಕಾರ್-ಉಜ್-ಜಮಾನ್ ಅವರನ್ನು ಭೇಟಿ ಮಾಡಿದರು. ಟ್ಯಾಂಕ್‌ಗಳ ನವೀಕರಣ, ಶಸ್ತ್ರಸಜ್ಜಿತ ವಾಹನಗಳು ಮತ್ತು ಜಂಟಿ ಉತ್ಪಾದನೆಯ ಬಗ್ಗೆ ಚರ್ಚೆ ನಡೆಸಿದರು. ಪಾಕಿಸ್ತಾನವು ಈಗಾಗಲೇ ಬಾಂಗ್ಲಾದೇಶಕ್ಕೆ ಮದ್ದುಗುಂಡುಗಳ ಯುದ್ಧಸಾಮಗ್ರಿ, ತರಬೇತಿ ಮತ್ತು ಅಂತರ್- ಸೇವಾ ಕಾರ್ಯಾಗಾರಗಳಲ್ಲಿ ಸಹಾಯ ಮಾಡುತ್ತಿದೆ.