ರಾಯಸೇನ (ಮಧ್ಯಪ್ರದೇಶ) ಇಲ್ಲಿ 6 ವರ್ಷದ ಬಾಲಕಿ ಮೇಲೆ ಸಲ್ಮಾನ ಹೆಸರಿನ ಯುವಕನಿಂದ ಬಲಾತ್ಕಾರ :

ರಾಯಸೇನ (ಮಧ್ಯಪ್ರದೇಶ) – ಇಲ್ಲಿ ನವೆಂಬರ್ 21 ರಂದು ಸಲ್ಮಾನ್ ಹೆಸರಿನ ಮುಸಲ್ಮಾನ ಯುವಕನು 6 ವರ್ಷದ ಬಾಲಕಿಗೆ ಆಸೆ ತೋರಿಸಿ ಕಾಡಿಗೆ ಕರೆದುಕೊಂಡು ಹೋಗಿ ಆಕೆಯ ಮೇಲೆ ಬಲಾತ್ಕಾರ ಮಾಡಿದ್ದಾನೆ. ನಂತರ ಆಕೆಯನ್ನು ಕಾಡಿನಲ್ಲಿ ಬಿಟ್ಟು ಪರಾರಿಯಾಗಿದ್ದಾನೆ. 6 ದಿನಗಳ ನಂತರವೂ ಆತನನ್ನು ಬಂಧಿಸದ ಕಾರಣ ನವೆಂಬರ್ 26 ರಂದು ಹಿಂದುತ್ವನಿಷ್ಠರು ಆಕ್ರೋಶಗೊಂಡರು ಮತ್ತು ಅವರು ಪೊಲೀಸ ಠಾಣೆಯ ಮುಂದೆ ಹಿಂಸಾತ್ಮಕ ಪ್ರತಿಭಟನೆ ನಡೆಸಿದರು. ಇದರಿಂದಾಗಿ ಪೊಲೀಸರು ಜನಸಮೂಹದ ಮೇಲೆ ಲಾಠಿ ಪ್ರಹಾರ ಮಾಡಿದರು. ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ಮುಖ್ಯಮಂತ್ರಿ ಮೋಹನ ಯಾದವ ಅವರು ಉನ್ನತ ಮಟ್ಟದ ಸಭೆ ನಡೆಸಿ ಅಧಿಕಾರಿಗಳನ್ನು ಕಠಿಣ ಪದಗಳಲ್ಲಿ ತರಾಟೆಗೆ ತೆಗೆದುಕೊಂಡರು. ಅಲ್ಲದೇ, ರಾಯಸೇನ ಪೊಲೀಸ್ ಅಧೀಕ್ಷಕ ಪಂಕಜ ಪಾಂಡೆ ಅವರನ್ನು ವರ್ಗಾವಣೆ ಮಾಡಿದ್ದಾರೆ.

1. ಆರೋಪಿ ಸಲ್ಮಾನ ಅಪರಾಧ ಮಾಡುವ 8 ದಿನಗಳ ಮುಂಚೆಯೇ ತನ್ನ ಮೊಬೈಲ್ ಫೋನ್ ಅನ್ನು ಸ್ವಿಚ್ ಆಫ್ ಮಾಡಿದ್ದನು. ಆದ್ದರಿಂದ ಈ ಘಟನೆಯನ್ನು ಮೊದಲೇ ಯೋಜಿಸಲಾಗಿತ್ತು ಎಂಬ ಸಂಶಯ ವ್ಯಕ್ತವಾಗಿದೆ. ಸಂತ್ರಸ್ತ ಬಾಲಕಿಗೆ ಭೋಪಾಲನ ಏಮ್ಸ್ ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಲಾಗುತ್ತಿದೆ.

2. ಇಲ್ಲಿನ ಮಂಡದೀಪ ಪ್ರದೇಶದ ಗೌಹರಗಂಜ ಪೊಲೀಸ್ ಠಾಣೆಯ ಹೊರಗೆ ಸತತ 5 ನೇ ದಿನವೂ ಸ್ಥಳೀಯ ನಾಗರಿಕರು, ಮಹಿಳೆಯರು ಮತ್ತು ಹಿಂದುತ್ವನಿಷ್ಠ ಸಂಘಟನೆಗಳು ಪ್ರತಿಭಟನೆ ನಡೆಸಿದರು. ಅವರು ಆರೋಪಿಯನ್ನು ಕೊಲ್ಲಬೇಕೆಂದು ಬೇಡಿಕೆ ಇಟ್ಟರು. ಸಲ್ಮಾನ್ ಬಗ್ಗೆ ಮಾಹಿತಿ ನೀಡಿದವರಿಗೆ 30 ಸಾವಿರ ರೂಪಾಯಿ ಬಹುಮಾನ ನೀಡುವುದಾಗಿ ಘೋಷಿಸಲಾಗಿದೆ.