ಭಯೋತ್ಪಾದಕರಿಗೆ ಗ್ರೆನೇಡ್ ಪೂರೈಸುತ್ತಿದ್ದ ಗೋಪಿ ಬಿಲ್ಲಾನನ್ನು ಗುಜರಾತ್‌ನಲ್ಲಿ ಬಂಧಿಸಲಾಗಿದೆ – Gopi Billan, Supplying Grenades Arrested

ಪಾಕಿಸ್ತಾನದೊಂದಿಗೆ ನೇರ ಸಂಪರ್ಕ ಹೊಂದಿರುವುದು ಬಹಿರಂಗ

ಕರ್ಣಾವತಿ (ಗುಜರಾತ್) – ಗುಜರಾತ್ ಉಗ್ರ ನಿಗ್ರಹ ದಳವು ಪಾಕಿಸ್ತಾನದಿಂದ ಕಾರ್ಯನಿರ್ವಹಿಸುತ್ತಿರುವ ಭಯೋತ್ಪಾದಕ ಜಾಲಕ್ಕೆ ಸಂಬಂಧಿಸಿದ ಮತ್ತೊಬ್ಬ ಶಂಕಿತನನ್ನು ಬಂಧಿಸಿದೆ. ಆತನ ಹೆಸರು ಗುರುಪ್ರಿತ್‌ ಸಿಂಗ್ ಅಲಿಯಾಸ್ ಗೋಪಿ ಬಿಲ್ಲಾ ಎಂದಾಗಿದೆ. ಈತನನ್ನು ಪಂಜಾಬ್ ಪೊಲೀಸರು ಬಹಳ ಸಮಯದಿಂದ ಹುಡುಕುತ್ತಿದ್ದರು.

🚨 Gujarat ATS Arrests Major Cross-Border Arms Smuggler

Gurpreet Singh aka Gopi Billa – a key operative moving weapons for a Pakistan-backed terror network – has been arrested by Gujarat ATS following a specific alert from Punjab Police.

🔍 The investigation now confirms his… pic.twitter.com/g3lNH7YU7J

— Sanatan Prabhat (@SanatanPrabhat) November 15, 2025

೧. ವರದಿಗಳ ಪ್ರಕಾರ ಗುರುಪ್ರಿತ್‌ ಪಾಕಿಸ್ತಾನದಲ್ಲಿ ಸಕ್ರಿಯವಾಗಿರುವ ಭಯೋತ್ಪಾದಕ ಗುಂಪುಗಳೊಂದಿಗೆ ನಿರಂತರ ಸಂಪರ್ಕದಲ್ಲಿದ್ದ. ಭಾರತದಲ್ಲಿನ ಭಯೋತ್ಪಾದಕರ ಚಟುವಟಿಕೆಗಳಿಗೆ ಸಹಾಯ ಮಾಡಿದ ಆರೋಪ ಈತನ ಮೇಲಿದೆ, ಜೊತೆಗೆ ಗಡಿಯನ್ನು ದಾಟಿ ಶಸ್ತ್ರಾಸ್ತ್ರಗಳು ಮತ್ತು ಸ್ಫೋಟಕಗಳನ್ನು ಭಾರತಕ್ಕೆ ತಂದು ಭಯೋತ್ಪಾದಕ ಚಟುವಟಿಕೆಗಳಲ್ಲಿ ಭಾಗಿಯಾಗಿರುವ ಶಂಕಿತರಿಗೆ ತಲುಪಿಸಿದ ಆರೋಪವೂ ಈತನ ಮೇಲಿದೆ.

೨. ಪಂಜಾಬ್ ಪೊಲೀಸರು ಇತ್ತೀಚೆಗೆ ಬಂಧಿಸಿದ ಇಬ್ಬರು ಶಂಕಿತರಿಂದ ಗುರುಪ್ರಿತ್‌‌ನ ಹೆಸರು ಬಹಿರಂಗಗೊಂಡಿತು. ಇದರ ನಂತರ ಗುಜರಾತ್‌ನ ಭಯೋತ್ಪಾದನಾ ನಿಗ್ರಹ ದಳಕ್ಕೆ ತಕ್ಷಣವೇ ಮಾಹಿತಿ ನೀಡಲಾಯಿತು. ನಂತರ ಪಂಚಮಹಲ್ ಜಿಲ್ಲೆಯ ಹಲೋಲ್‌ನಲ್ಲಿರುವ ಒಂದು ಕಾರ್ಖಾನೆಯಲ್ಲಿ ಕಾರ್ಮಿಕನಾಗಿ ಕೆಲಸ ಮಾಡುತ್ತಿದ್ದ ಗುರುಪ್ರಿತ್‌‌ನನ್ನು ಪತ್ತೆಹಚ್ಚಿ ಒಂದು ಹೊಟೇಲ್‌ನಿಂದ ವಶಕ್ಕೆ ತೆಗೆದುಕೊಳ್ಳಲಾಯಿತು.

೩. ಉಗ್ರ ನಿಗ್ರಹ ದಳವು ನೀಡಿದ ಮಾಹಿತಿಯ ಪ್ರಕಾರ, ಬಂಧನದ ನಂತರ ಗುರುಪ್ರಿತ್‌ ಗ್ರೆನೇಡ್ ದಾಳಿಯ ಸಂಚಿನಲ್ಲಿ ತಾನು ಭಾಗಿಯಾಗಿರುವುದನ್ನು ಒಪ್ಪಿಕೊಂಡಿದ್ದಾನೆ. ಅಗತ್ಯ ಪ್ರಕ್ರಿಯೆಗಳನ್ನು ಪೂರ್ಣಗೊಳಿಸಿದ ನಂತರ ಆತನನ್ನು ಪಂಜಾಬ್ ಪೊಲೀಸರ ಸುಪರ್ದಿಗೆ ಒಪ್ಪಿಸಲಾಗುವುದು. ಪಂಜಾಬ್‌ನ ಗುರುದಾಸ್‌ಪುರ ಪ್ರದೇಶದಲ್ಲಿ ಈತನ ವಿರುದ್ಧ ಈಗಾಗಲೇ ಪ್ರಕರಣಗಳು ದಾಖಲಾಗಿವೆ.