ಶಹಡೋಲ್ (ಮಧ್ಯಪ್ರದೇಶ): ಜಿಲ್ಲಾಧಿಕಾರಿಗೆ ೨ ಲಕ್ಷ ರೂ. ದಂಡ

ಜಿಲ್ಲಾಧಿಕಾರಿಗಳ ಆದೇಶದಿಂದಾಗಿ ನಿರಪರಾಧಿ ಯುವಕನಿಗೆ ಒಂದು ವರ್ಷ ಜೈಲಿನಲ್ಲಿರಬೇಕಾಯಿತು!

ಶಹಡೋಲ್ (ಮಧ್ಯಪ್ರದೇಶ) – ಮಧ್ಯಪ್ರದೇಶ ಉಚ್ಚ ನ್ಯಾಯಾಲಯವು ಶಹಡೋಲ್‌ನ ಜಿಲ್ಲಾಧಿಕಾರಿ ಡಾ. ಕೇದಾರ್ ಸಿಂಗ್ ಅವರಿಗೆ ೨ ಲಕ್ಷ ರೂಪಾಯಿಗಳ ದಂಡ ವಿಧಿಸಿದೆ. ಈ ಹಣವನ್ನು ಡಾ. ಸಿಂಗ್ ಅವರು ಸ್ವಂತ ಜೇಬಿನಿಂದ ಪಾವತಿಸುವಂತೆ ಆದೇಶಿಸಿದ್ದು, ಜೊತೆಗೆ ಈ ಹಣವನ್ನು ಸಂತ್ರಸ್ತ ಯುವಕನಿಗೆ ನೀಡುವಂತೆ ಸಹ ಉಚ್ಚ ನ್ಯಾಯಾಲಯವು ಆದೇಶಿಸಿದೆ. ಡಾ. ಕೇದಾರ್ ಸಿಂಗ್ ಅವರು ನಿರ್ದೋಷಿ ಸುಶಾಂತ್ ಬೈಸ್ ಎಂಬ ಯುವಕನ ಮೇಲೆ ‘ರಾಷ್ಟ್ರೀಯ ಭದ್ರತಾ ಕಾಯ್ದೆ’ (National Security Act) ಅಡಿಯಲ್ಲಿ ಕ್ರಮ ಕೈಗೊಳ್ಳಲು ಆದೇಶಿಸಿದ್ದರು. ನಿರಪರಾಧಿ ಸುಶಾಂತ್ ಬೈಸ್ ಒಂದು ವರ್ಷಕ್ಕಿಂತ ಹೆಚ್ಚು ಕಾಲ ಜೈಲಿನಲ್ಲಿ ಕಳೆಯಬೇಕಾಯಿತು. ಈ ಘಟನೆ ಸಪ್ಟೆಂಬರ್ ೨೦೨೪ ರಲ್ಲಿ ನಡೆದಿತ್ತು. ಈ ಸಂಪೂರ್ಣ ಪ್ರಕರಣದ ಬಗ್ಗೆ ಉಚ್ಚ ನ್ಯಾಯಾಲಯವು ಮುಖ್ಯ ಕಾರ್ಯದರ್ಶಿಯವರಿಗೆ ಗೃಹ ಇಲಾಖೆ ಮತ್ತು ಶಹಡೋಲ್ ಜಿಲ್ಲಾಧಿಕಾರಿಗಳ ವಿರುದ್ಧ ವಿಭಾಗೀಯ ವಿಚಾರಣೆ ನಡೆಸಲು ಆದೇಶಿಸಿದೆ.

ಸಂತ್ರಸ್ತ ಸುಶಾಂತ್‌ನ ಮೂಲಭೂತ ಹಕ್ಕುಗಳ ಉಲ್ಲಂಘನೆಯನ್ನು ಗುರುತಿಸಿ ಉಚ್ಚ ನ್ಯಾಯಾಲಯವು ಜಿಲ್ಲಾಧಿಕಾರಿ ಡಾ. ಕೇದಾರ್ ಸಿಂಗ್ ಅವರಿಗೆ ಈ ದಂಡವನ್ನು ವಿಧಿಸಿತು. ಸುಳ್ಳು ದಾಖಲೆಗಳು, ಸುಳ್ಳು ಮಾಹಿತಿ ಮತ್ತು ಅದರ ಸಮರ್ಥನೆಯಲ್ಲಿ ಸುಳ್ಳು ಪ್ರಮಾಣಪತ್ರವನ್ನು (affidavit) ಸಲ್ಲಿಸಿದ್ದಕ್ಕಾಗಿ ಅವರ ವಿರುದ್ಧ ನ್ಯಾಯಾಂಗ ನಿಂದನೆ ಕ್ರಮ ಕೈಗೊಳ್ಳಲು ಸಹ ಉಚ್ಚ ನ್ಯಾಯಾಲಯವು ಆದೇಶಿಸಿದೆ. ನವೆಂಬರ್ ೨೫ ರಂದು ಜಿಲ್ಲಾಧಿಕಾರಿಗಳು ಉಚ್ಚ ನ್ಯಾಯಾಲಯದಲ್ಲಿ ಹಾಜರಿರುವಂತೆ ಸಹ ಆದೇಶ ನೀಡಲಾಗಿದೆ.

ಇದಕ್ಕೆ ಉಚ್ಚ ನ್ಯಾಯಾಲಯವು, ಹೆಚ್ಚುವರಿ ಮುಖ್ಯ ಕಾರ್ಯದರ್ಶಿಯವರ ಹೇಳಿಕೆ ಹೆಚ್ಚು ಗಂಭೀರವಾಗಿದೆ, ‘ಒಬ್ಬ ಗುಮಾಸ್ತ ಆದೇಶ ಬರೆಯುತ್ತಿದ್ದ ಮತ್ತು ನೀವು ಸಹಿ ಮಾಡುತ್ತೀರಿ’ ಎಂದು ಹೇಳಲಾಗಿದೆ. ಈಗ ಈ ಪ್ರಕರಣ ನಿಮ್ಮ ಬಳಿ ಬಂದಿದೆ, ನೀವು ಒಬ್ಬ ಗುಮಾಸ್ತನನ್ನು ‘ಬಲಿಪಶು’ವನ್ನಾಗಿ ಬಳಸುತ್ತಿದ್ದೀರಿ” ಎಂದು ನ್ಯಾಯಾಲಯ ಕಟುವಾಗಿ ಟೀಕಿಸಿದೆ.