ನೇಪಾಳದಲ್ಲಿ ಹಿಮಪಾತ: ೭ ಪರ್ವತಾರೋಹಿಗಳ ಸಾವು Nepal Avalanche Mountaineers Dead

ಕಾಠ್ಮಂಡು – ನವೆಂಬರ್ ೩ ರಂದು ನೇಪಾಳದ ಯಾಲುಂಗ್ ರಿ ಶಿಖರದಲ್ಲಿ ಸಂಭವಿಸಿದ ಹಿಮಪಾತದಲ್ಲಿ ೭ ಪರ್ವತಾರೋಹಿಗಳು ಸಾವನ್ನಪ್ಪಿದ್ದಾರೆ ಹಾಗೂ ೪ ಜನರು ಕಾಣೆಯಾಗಿದ್ದಾರೆ. ೫ ಸಾವಿರದ ೬೩೦ ಮೀಟರ್ ಎತ್ತರದಲ್ಲಿರುವ ‘ಬೇಸ್ ಕ್ಯಾಂಪ್’ ಸಮೀಪ ಈ ದುರಂತ ಸಂಭವಿಸಿದೆ. ಮೃತರ ಪೈಕಿ ಅಮೆರಿಕದ ೩, ಕೆನಡಾ ಮತ್ತು ಇಟಲಿಯ ತಲಾ ೧ ಹಾಗೂ ನೇಪಾಳದ ೨ ನಾಗರಿಕರು ಸೇರಿದ್ದಾರೆ.

ಪೊಲೀಸ್ ಮತ್ತು ತುರ್ತು ಪರಿಸ್ಥಿತಿ ತಂಡಗಳು ಕಾಣೆಯಾದವರಿಗಾಗಿ ಶೋಧ ಕಾರ್ಯ ನಡೆಸುತ್ತಿವೆ. ಪ್ರತಿಕೂಲ ಹವಾಮಾನದಿಂದಾಗಿ ರಕ್ಷಣಾ ಕಾರ್ಯಾಚರಣೆಗೆ ಅಡಚಣೆಯಾಗುತ್ತಿದೆ. ಯಾಲುಂಗ್ ರಿ ಇದು ‘ಟ್ರಕ್ಕಿಂಗ್’ ಗಾಗಿ (ಚಾರಣಕ್ಕಾಗಿ) ವಿಶೇಷ ಅನುಮತಿ ಅಗತ್ಯವಿರುವ, ತಾಂತ್ರಿಕವಾಗಿ ಸವಾಲಿನ ಮತ್ತು ಹಿಮಪಾತಕ್ಕೆ ಒಳಗಾಗುವ ಪ್ರದೇಶವೆಂದು ಪರಿಗಣಿಸಲಾಗಿದೆ. ೧೫ ಜನರ ತಂಡವು ಗೌರಿಶಂಕರ ಮತ್ತು ಯಾಲುಂಗ್ ರಿ ಕಡೆಗೆ ಹೋಗುತ್ತಿರುವಾಗ ಬೇಸ್ ಕ್ಯಾಂಪ್ ಸಮೀಪ ಹಿಮಪಾತ ಸಂಭವಿಸಿದೆ. ಈ ಪ್ರದೇಶದಲ್ಲಿ ಈ ಮೊದಲು ಕೂಡ ಹಲವಾರು ಬಾರಿ ಅಪಘಾತಗಳು ಸಂಭವಿಸಿದ್ದು ಅದರಲ್ಲಿ ಕೆಲವು ನಾಗರಿಕರು ಸಾವನ್ನಪ್ಪಿದ್ದಾರೆ.