ಪಾಕಿಸ್ತಾನದಿಂದ ಬಾಂಗ್ಲಾದೇಶಕ್ಕೆ ವ್ಯಾಪಾರಿ ಬಳಕೆಗಾಗಿ ಕರಾಚಿ ಬಂದರು ಬಳಸುವ ಪ್ರಸ್ತಾಪ : Pakistan-Bangladesh Karachi Port

ಭಾರತದಿಂದ ಆಗುವ ಆಮದಿನ ಮೇಲೆ ಭಾರತ ನಿರ್ಬಂಧ ಹೇರಿದ ಲಾಭ ಪಡೆಯಲು ಪಾಕಿಸ್ತಾನದ ಯತ್ನ

ಇಸ್ಲಾಮಾಬಾದ (ಪಾಕಿಸ್ತಾನ) – ಭಾರತದೊಂದಿಗೆ ಹೆಚ್ಚಿರುವ ಉದ್ವಿಗ್ನತೆಯ ಹಿನ್ನೆಲೆಯಲ್ಲಿ ಪಾಕಿಸ್ತಾನವು ಬಾಂಗ್ಲಾದೇಶಕ್ಕೆ ಕರಾಚಿ ಬಂದರನ್ನು ಬಳಸುವ ಪ್ರಸ್ತಾಪವನ್ನು ನೀಡಿದೆ. ಪಾಕಿಸ್ತಾನವು ಸೆಣಬಿನ ಉತ್ಪನ್ನಗಳು ಮತ್ತು ಇತರ ವಸ್ತುಗಳ ರಫ್ತಿಗಾಗಿ ಕರಾಚಿ ಬಂದರನ್ನು ಬಳಸಲು ಈ ಪ್ರಸ್ತಾವನೆಯನ್ನು ನೀಡಿದೆ. ಕೆಲವು ತಿಂಗಳ ಹಿಂದೆ ಭಾರತವು ಬಾಂಗ್ಲಾದೇಶದ ಸೆಣಬಿನ ಉತ್ಪನ್ನಗಳ ಭಾರತದ ಮೂಲಕದ ಆಮದಿನ ಮೇಲೆ ನಿರ್ಬಂಧಗಳನ್ನು ವಿಧಿಸಿದೆ. ಆ ಕಾರಣದಿಂದ, ಪಾಕಿಸ್ತಾನವು ಬಾಂಗ್ಲಾದೇಶಕ್ಕೆ ಕರಾಚಿ ಬಂದರನ್ನು ಬಳಸುವ ಪ್ರಸ್ತಾಪವನ್ನು ನೀಡಿದೆ.

ಪಾಕಿಸ್ತಾನದ ಈ ನಡೆ ಕೇವಲ ವ್ಯಾಪಾರದ ದೃಷ್ಟಿಯಿಂದ ಮಾತ್ರವಲ್ಲದೆ, ಭಾರತದ ಪ್ರಭಾವಕ್ಕೆ ಪ್ರತ್ಯುತ್ತರ ನೀಡುವ ಕಾರ್ಯತಂತ್ರದ ಭಾಗವಾಗಿಯೂ ನೋಡಲಾಗುತ್ತಿದೆ. ಕರಾಚಿ ಬಂದರಿನ ಮೂಲಕ ಬಾಂಗ್ಲಾದೇಶಕ್ಕೆ ಕೊಲ್ಲಿ ರಾಷ್ಟ್ರಗಳು ಮತ್ತು ಮಧ್ಯ ಏಷ್ಯಾದೊಂದಿಗೆ ಸಮುದ್ರ ಮಾರ್ಗದ ಮೂಲಕ ಸಂಪರ್ಕ ಕಲ್ಪಿಸುವ ಹೊಸ ಮಾರ್ಗ ದೊರೆಯಬಹುದು. ಹಲವು ತಜ್ಞರ ಪ್ರಕಾರ, ಪಾಕಿಸ್ತಾನವು ರಾಜಕೀಯ ಚಾಣಾಕ್ಷತೆಯನ್ನು ಪ್ರದರ್ಶಿಸಿದ್ದರೂ, ಈ ವ್ಯವಹಾರವು ಬಾಂಗ್ಲಾದೇಶಕ್ಕೆ ಪ್ರಾಯೋಗಿಕವಾಗಿ ಅನುಕೂಲಕರವಾಗಿಲ್ಲ.