ಮಹಮ್ಮದ್ ಯುನೂಸ್ ಅವರು ಪಾಕಿಸ್ತಾನದ ಸೇನಾ ಮುಖ್ಯಸ್ಥರಿಗೆ ಉಡುಗೊರೆಯಾಗಿ ನೀಡಿದ ಬಾಂಗ್ಲಾದೇಶದ ನಕ್ಷೆಯಲ್ಲಿ ಭಾರತದ ೭ ರಾಜ್ಯಗಳನ್ನು ತೋರಿಸಲಾಗಿದೆ! : Mohammed Yunus

ಢಾಕಾ (ಬಾಂಗ್ಲಾದೇಶ) – ಪಾಕಿಸ್ತಾನದ ಜನರಲ್ ಸಾಹಿರ್ ಶಮ್ಶಾದ್ ಮಿರ್ಜಾ ಅವರಿಗೆ ಬಾಂಗ್ಲಾದೇಶದ ಮಧ್ಯಂತರ ಸರಕಾರದ ಮುಖ್ಯಸ್ಥರಾದ ಮಹಮ್ಮದ್ ಯುನೂಸ್ ಅವರು ಒಂದು ನಕ್ಷೆಯನ್ನು ಉಡುಗೊರೆಯಾಗಿ ನೀಡಿದ್ದಾರೆ. ಈ ನಕ್ಷೆಯಲ್ಲಿ, ಭಾರತದ ಈಶಾನ್ಯ ರಾಜ್ಯಗಳನ್ನು ಬಾಂಗ್ಲಾದೇಶದ ಭಾಗವೆಂದು ತೋರಿಸಲಾಗಿದೆ. ಯುನೂಸ್ ಅವರು ಮಿರ್ಜಾ ಅವರಿಗೆ ‘ದಿ ಆರ್ಟ್ ಆಫ್ ಟ್ರಯಂಫ್’ (The Art of Triumph) ಎಂಬ ಪುಸ್ತಕವನ್ನು ಉಡುಗೊರೆಯಾಗಿ ನೀಡಿದರು. ಪುಸ್ತಕದ ಮುಖಪುಟದಲ್ಲಿ ಬಾಂಗ್ಲಾದೇಶದ ನಕ್ಷೆಯನ್ನು ಮುದ್ರಿಸಲಾಗಿದೆ. ಇದರಲ್ಲಿ ಭಾರತದ ಈಶಾನ್ಯದ ೭ ರಾಜ್ಯಗಳನ್ನು ಬಾಂಗ್ಲಾದೇಶದ ಭಾಗವೆಂದು ತೋರಿಸಲಾಗಿದೆ. ಈ ನಕ್ಷೆಯನ್ನು ಕಟ್ಟರ ಧಾರ್ಮಿಕ ಇಸ್ಲಾಮಿಕ್ ಗುಂಪುಗಳು ‘ಗ್ರೇಟರ್ ಬಾಂಗ್ಲಾದೇಶ’ (Greater Bangladesh) ಎಂದು ಗುರುತಿಸುತ್ತವೆ. ಈ ಪ್ರಕರಣದ ಬಗ್ಗೆ ಭಾರತದ ವಿದೇಶಾಂಗ ಸಚಿವಾಲಯವು ಇನ್ನೂ ಅಧಿಕೃತವಾಗಿ ಪ್ರತಿಕ್ರಿಯಿಸಿಲ್ಲ.

ಕಳೆದ ವರ್ಷ ಡಿಸೆಂಬರ್‌ನಲ್ಲಿ, ಮಹಮ್ಮದ್ ಯುನೂಸ್ ಅವರ ಸಲಹೆಗಾರರಾದ ಮಹಫುಜ್ ಆಲಂ ಅವರು ಬಾಂಗ್ಲಾದೇಶದ ಒಂದು ತಪ್ಪಾದ ನಕ್ಷೆಯನ್ನು ಪೋಸ್ಟ್ ಮಾಡಿದ್ದರು. ಈ ನಕ್ಷೆಯಲ್ಲಿ ಮಹಫುಜ್ ಆಲಂ ಅವರು ಭಾರತದ ಪಶ್ಚಿಮ ಬಂಗಾಳ, ತ್ರಿಪುರ ಮತ್ತು ಅಸ್ಸಾಂ ರಾಜ್ಯಗಳ ಕೆಲವು ಭಾಗಗಳನ್ನು ಬಾಂಗ್ಲಾದೇಶದೊಳಗೆ ಇರುವಂತೆ ತೋರಿಸಿದ್ದರು. ಇದಕ್ಕೆ ವಿರೋಧ ವ್ಯಕ್ತವಾದ ನಂತರ, ಈ ಪೋಸ್ಟ್ ಅನ್ನು ತೆಗೆದುಹಾಕಲಾಗಿತ್ತು.