ಅಮೆರಿಕದ ಸಂಸ್ಥೆಯು ಆಹಾರ ಪದಾರ್ಥಗಳಲ್ಲಿ ಗೋಮಾಂಸದ ಬಳಕೆಯ ಉಲ್ಲೇಖ ಮಾಡದ ‘ಕೆಲ್ಲಾಗ್ಸ್’! : Beef In Kellogg’s

ಅಮೆರಿಕದಲ್ಲಿ ಹಿಂದೂಗಳ ತೀವ್ರ ವಿರೋಧ!

ನ್ಯೂಯಾರ್ಕ್ (ಅಮೆರಿಕ) – ಅಮೆರಿಕದಲ್ಲಿ ಆಹಾರ ಪದಾರ್ಥಗಳನ್ನು ತಯಾರಿಸುವ ‘ಡಬ್ಲ್ಯೂ ಕೆ ಕೆಲ್ಲಾಗ್ಸ್’ ಸಂಸ್ಥೆಯು ತನ್ನ ಆಹಾರ ಪದಾರ್ಥಗಳಲ್ಲಿ ಗೋಮಾಂಸದ ಇರುವಿಕೆಯನ್ನು ಸ್ಪಷ್ಟವಾಗಿ ನಮೂದಿಸಿರಲಿಲ್ಲ. ಈ ವಿಷಯ ತಿಳಿದುಬರುತ್ತಿದ್ದಂತೆ ಅಮೆರಿಕದಲ್ಲಿನ ಹಿಂದೂಗಳು ಇದಕ್ಕೆ ತೀವ್ರ ವಿರೋಧ ವ್ಯಕ್ತಪಡಿಸಿದ್ದಾರೆ. ಆಕ್ರೋಶಿತ ಹಿಂದೂಗಳು, ಸಂಸ್ಥೆಯು ಹಿಂದೂಗಳ ಕಣ್ಣಿಗೆ ಮಣ್ಣೆರಚಿದಕ್ಕಾಗಿ ಸಾರ್ವಜನಿಕವಾಗಿ ಕ್ಷಮೆಯಾಚಿಸಬೇಕು ಎಂದು ಒತ್ತಾಯಿಸಿದ್ದಾರೆ.

ಅಮೆರಿಕದಲ್ಲಿನ ಹಿಂದುತ್ವನಿಷ್ಠರು,

೧. ದಶಕಗಳಿಂದ ಸೇವಿಸುತ್ತಿರುವ ಕೆಲ್ಲಾಗ್ಸ್‌ನ ಜನಪ್ರಿಯ ಆಹಾರ ಪದಾರ್ಥ ‘ಕೆಲ್ಲಾಗ್ಸ್ ಫ್ರಾಸ್ಟೆಡ್ ಮಿನಿ-ವೀಟ್ಸ್’ ನಲ್ಲಿ ಗೋಮಾಂಸವಿದೆ ಎಂದು ತಿಳಿದು ನಮ್ಮ ಸಮಾಜವು ತೀವ್ರ ಆಘಾತಕ್ಕೆ ಒಳಗಾಗಿದೆ. ಉತ್ಪನ್ನದ ಪ್ಯಾಕೇಜಿಂಗ್ ಮೇಲೆ ಇರುವ ಪದಾರ್ಥಗಳ ಪಟ್ಟಿಯಲ್ಲಿ ಗೋಮಾಂಸದ ಉಲ್ಲೇಖವಿಲ್ಲ. ಇದರ ಜೊತೆಗೆ, ಕೇವಲ ‘ಜೆಲಾಟಿನ್’ ಎಂಬುದನ್ನು ಉಲ್ಲೇಖಿಸಲಾಗಿದ್ದು, ಅದರ ಮೂಲವಾದ ಗೋಮಾಂಸದ ಉಲ್ಲೇಖವನ್ನು ಅನುಕೂಲಕರವಾಗಿ ತಪ್ಪಿಸಲಾಗಿದೆ.

೨. ಹಿಂದುತ್ವನಿಷ್ಠರು ಸಂಪರ್ಕಿಸಿದಾಗ, ‘ಕೆಲ್ಲಾಗ್ಸ್’ ನ ಲೈಸೆಲ್ ಎ. ಎಂಬ ಅಧಿಕಾರಿಯೊಬ್ಬರು, ಈ ಉತ್ಪನ್ನದಲ್ಲಿ ಗೋಮಾಂಸವನ್ನು ಬಳಸಿ ತಯಾರಿಸಿದ ಜೆಲಾಟಿನ್ ಇದೆ ಎಂಬುದನ್ನು ಒಪ್ಪಿಕೊಂಡಿದ್ದಾರೆ.

೩. ಪಾರದರ್ಶಕತೆ, ಗುಣಮಟ್ಟ ಮತ್ತು ಸುರಕ್ಷತೆಯಂತಹ ಬದ್ಧತೆಗಳನ್ನು ಹೇಳಿಕೊಳ್ಳುವ ಈ ಪ್ರಮುಖ ಸಂಸ್ಥೆಯಿಂದ ಇಂತಹ ಕೃತ್ಯ ಮಾಡುವುದು ಅತ್ಯಂತ ಖಂಡನೀಯ.

೪. ‘ಕೆಲ್ಲಾಗ್ಸ್’ ಜೆಲಾಟಿನ್‌ನ ಮೂಲವನ್ನು ಸ್ಪಷ್ಟವಾಗಿ ನಮೂದಿಸದ ಎಲ್ಲಾ ಉತ್ಪನ್ನಗಳನ್ನು ತಕ್ಷಣವೇ ಹಿಂದಕ್ಕೆ ಪಡೆಯಬೇಕು, ಹಾಗೆಯೇ ಹೊಸ ಉತ್ಪನ್ನಗಳನ್ನು ಮಾರಾಟ ಮಾಡುವಾಗ ಅದರ ಮೇಲೆ ಜೆಲಾಟಿನ್‌ನ ಮೂಲವನ್ನು ದಪ್ಪ ಅಕ್ಷರಗಳಲ್ಲಿ ನಮೂದಿಸಬೇಕು.