ಸನಾತನ ಪ್ರಭಾತ > Post Type > ವಾರ್ತೆಗಳು > ಅಂತಾರಾಷ್ಟ್ರೀಯ > ಸುಡಾನ್‌ ನಲ್ಲಿ ಭೂಕುಸಿತ; 1 ಸಾವಿರ ಜನರ ಸಾವು!

ಸುಡಾನ್‌ ನಲ್ಲಿ ಭೂಕುಸಿತ; 1 ಸಾವಿರ ಜನರ ಸಾವು!

ಖಾರಟೂಮ್ (ಸುಡಾನ್) – ಈಶಾನ್ಯ ಆಫ್ರಿಕಾದ ಸುಡಾನ್ ದೇಶ ಈಗಾಗಲೇ ಅಂತರ್ಯುದ್ಧದಿಂದ ತತ್ತರಿಸಿದೆ. ಇದರ ನಡುವೆಯೇ, ಆಗಸ್ಟ್ 31 ರಂದು ಸಂಭವಿಸಿದ ಭಾರೀ ಭೂಕುಸಿತದಿಂದ ದೇಶದ ಪಶ್ಚಿಮ ದಾರಫೂರ್ ಪ್ರಾಂತ್ಯದಲ್ಲಿರುವ ಮಾರಾ ಪರ್ವತಗಳ ತಾರಾಸೀನ್ ಗ್ರಾಮದಲ್ಲಿ 1 ಸಾವಿರಕ್ಕೂ ಹೆಚ್ಚು ಜನರು ಸಾವನ್ನಪ್ಪಿದ್ದಾರೆ.

ಇಲ್ಲಿ ಹಲವು ದಿನಗಳಿಂದ ಭಾರೀ ಮಳೆಯಾಗುತ್ತಿದ್ದು, ಭೂಕುಸಿತದಿಂದ ಇಡೀ ಗ್ರಾಮ ಮಣ್ಣು ಮತ್ತು ಅವಶೇಷಗಳ ಅಡಿಯಲ್ಲಿ ಹೂತು ಹೋಗಿದೆ. ಈ ನೈಸರ್ಗಿಕ ವಿಕೋಪದಲ್ಲಿ ಗ್ರಾಮದ ಕೇವಲ ಒಬ್ಬ ವ್ಯಕ್ತಿ ಮಾತ್ರ ಬದುಕುಳಿದಿದ್ದಾರೆ ಎಂದು ‘ಸುಡಾನ್ ಲಿಬರೇಶನ್ ಮೂವ್‌ಮೆಂಟ್’ ಮಾಹಿತಿ ನೀಡಿದೆ. ವಿಶ್ವಸಂಸ್ಥೆ ಮತ್ತು ಅಂತರಾಷ್ಟ್ರೀಯ ನೆರವು ಸಂಸ್ಥೆಗಳಿಗೆ ಮೃತದೇಹಗಳನ್ನು ಹೊರತೆಗೆಯಲು ಮತ್ತು ಪರಿಹಾರ ಕಾರ್ಯಗಳಲ್ಲಿ ನೆರವು ನೀಡುವಂತೆ ಮನವಿ ಮಾಡಲಾಗಿದೆ.

ಸಂಬಂಧಿತ ಲೇಖನಗಳು