ಅಮೆರಿಕದಲ್ಲಿ ಚರ್ಚ್‌ನಲ್ಲಿ ಪ್ರಾರ್ಥನೆ ಮಾಡುತ್ತಿದ್ದವರ ಮೇಲೆ ಗುಂಡಿನ ದಾಳಿ, 2 ಸಾವು ! – Minneapolis Church Shooting

ಗುಂಡು ಹಾರಿಸಿದ ಯುವತಿಯಿಂದ “ಭಾರತದ ಮೇಲೆ ಅಣುಬಾಂಬ್‌ನಿಂದ ದಾಳಿ ಮಾಡಿ” ಎಂದು ಹೇಳಿಕೆ !

ವಾಷಿಂಗ್ಟನ್ (ಅಮೆರಿಕ) – ಅಮೆರಿಕದ ಮಿನಿಯಾಪೋಲಿಸ್ ನಗರದಲ್ಲಿರುವ ಕ್ಯಾಥೋಲಿಕ್ ಚರ್ಚ್‌ನಲ್ಲಿ ಪ್ರಾರ್ಥನೆ ಮಾಡುತ್ತಿದ್ದ ಮಕ್ಕಳು ಮತ್ತು ವೃದ್ಧರ ಮೇಲೆ ಗುಂಡಿನ ದಾಳಿ ನಡೆದಿದೆ. ಈ ಘಟನೆಯಲ್ಲಿ ಇಬ್ಬರು ಮಕ್ಕಳು ಸಾವನ್ನಪ್ಪಿದ್ದು, 17 ಮಂದಿ ಗಂಭೀರವಾಗಿ ಗಾಯಗೊಂಡಿದ್ದಾರೆ. ಗುಂಡು ಹಾರಿಸಿದ ಯುವತಿಯ ಹೆಸರು ರಾಬಿನ್ ವೆಸ್ಟ್‌ಮನ್ ಎಂದಾಗಿದೆ. ಆಕೆ ತನ್ನ ಮೇಲೆ ಗುಂಡು ಹಾರಿಸಿಕೊಂಡು ಆತ್ಮಹತ್ಯೆ ಮಾಡಿಕೊಂಡಳು. ಆಕೆ ಗುಂಡಿನ ದಾಳಿ ನಡೆಸುವ ಮೊದಲು ಒಂದು ವೀಡಿಯೋ ಮಾಡಿ ಅದರಲ್ಲಿ ಭಾರತದ ಹೆಸರೂ ಸೇರಿತ್ತು. ಈ ವೀಡಿಯೋದಲ್ಲಿ ಆಕೆಯ ಬಳಿ ಇದ್ದ ಶಸ್ತ್ರಾಸ್ತ್ರಗಳ ಮೇಲೆ ‘ನ್ಯೂಕ್ ಇಂಡಿಯಾ’ (ಭಾರತದ ಮೇಲೆ ಅಣುಬಾಂಬ್ ಹಾಕಿ), ‘ಕಿಲ್ ಟ್ರಂಪ್’ (ಟ್ರಂಪ್ ಅವರನ್ನು ಕೊಲ್ಲಿ) ಮತ್ತು ‘ಇಸ್ರೇಲ್ ಮಸ್ಟ್ ಫಾಲ್’ (ಇಸ್ರೇಲ್ ಸೋಲಬೇಕು) ಎಂದು ಬರೆದಿರುವುದು ಕಾಣುತ್ತದೆ. ಕೇವಲ ಭಾರತ ಮಾತ್ರವಲ್ಲದೆ, ಅನೇಕ ದೇಶಗಳ ವಿರುದ್ಧವೂ ಈ ರೀತಿಯ ಬರಹಗಳನ್ನು ಬರೆಯಲಾಗಿತ್ತು. ಟ್ರಂಪ್ ಅವರು ಈ ದಾಳಿಯನ್ನು ಮಾನವೀಯತೆಯ ಮೇಲಿನ ದಾಳಿ ಎಂದು ಕರೆದಿದ್ದಾರೆ. ಪೊಲೀಸರು ನೀಡಿರುವ ಮಾಹಿತಿಯ ಪ್ರಕಾರ, ಗುಂಡು ಹಾರಿಸಿದ ಯುವತಿ ಚರ್ಚ್‌ಗೆ ಸಂಬಂಧಿಸಿದ ಶಾಲೆಯ ಮಾಜಿ ವಿದ್ಯಾರ್ಥಿನಿ ಆಗಿದ್ದಳು.