ಉತ್ತರ ಪ್ರದೇಶದ ಜಲಾಲಾಬಾದ ಈಗ ‘ಪರಶುರಾಮಪುರಿ’ ಎಂದು ಮರುನಾಮಕರಣ! – Jalalabad Renamed Parashurampuri

ಶಾಹಜಹಾನಪುರ (ಉತ್ತರ ಪ್ರದೇಶ) – ಜಿಲ್ಲೆಯ ಜಲಾಲಾಬಾದ ನಗರದ ಹೆಸರನ್ನು ಬದಲಾಯಿಸಿ ‘ಪರಶುರಾಮಪುರಿ’ ಎಂದು ಮರುನಾಮಕರಣ ಮಾಡಲಾಗಿದೆ. ಈ ಮಾಹಿತಿಯನ್ನು ಕೇಂದ್ರ ಗೃಹ ಸಚಿವಾಲಯವು ರಾಜ್ಯದ ಮುಖ್ಯ ಕಾರ್ಯದರ್ಶಿಗೆ ಕಳುಹಿಸಿದ ಪತ್ರದಲ್ಲಿ ತಿಳಿಸಿದೆ.

ಕೆಲವು ದಿನಗಳ ಹಿಂದೆ ಉತ್ತರ ಪ್ರದೇಶದ ಮುಖ್ಯ ಕಾರ್ಯದರ್ಶಿಗಳು ಕೇಂದ್ರ ಗೃಹ ಕಾರ್ಯದರ್ಶಿಯವರಿಗೆ ಪತ್ರ ಬರೆದಿದ್ದರು. ಅದರಲ್ಲಿ ಜಲಾಲಾಬಾದ್ ಭಗವಾನ್ ಪರಶುರಾಮರ ಜನ್ಮಸ್ಥಳವಾಗಿದೆ ಎಂದು ಹೇಳಲಾಗಿದೆ. ಅಲ್ಲಿ ಭಗವಾನ್ ಪರಶುರಾಮರ ಹಳೆಯ ಐತಿಹಾಸಿಕ ದೇವಸ್ಥಾನವೂ ಇದೆ. ಆದ್ದರಿಂದ ಜಲಾಲಾಬಾದ ನಗರಕ್ಕೆ ‘ಪರಶುರಾಮಪುರಿ’ ಎಂದು ಮರುನಾಮಕರಣ ಮಾಡಬೇಕು ಎಂದು ಮನವಿ ಮಾಡಲಾಗಿತ್ತು. ಜಲಾಲಾಬಾದ ನಗರಪಾಲಿಕೆ ಪರಿಷತ್ತು ಮಾರ್ಚ್ 2018 ಮತ್ತು ಸೆಪ್ಟೆಂಬರ್ 2023 ರಲ್ಲಿ ಈ ಬೇಡಿಕೆಗೆ ಸಂಬಂಧಿಸಿದ ಪ್ರಸ್ತಾವನೆಗಳನ್ನು ತನ್ನ ಸಭೆಗಳಲ್ಲಿ ಅಂಗೀಕರಿಸಿತ್ತು. ಭಗವಾನ್ ಪರಶುರಾಮರ ಈ ನಗರವನ್ನು ಏಪ್ರಿಲ್ 24, 2022ರಂದು ಸರಕಾರವು ‘ಪರಶುರಾಮ ಜನ್ಮಸ್ಥಳ’ ಎಂದು ಘೋಷಿಸಿತ್ತು.