ದುಬೈ: ಜನವರಿಯಿಂದ ಜೂನ್‌ವರೆಗೆ 3 ಸಾವಿರದ 600 ಜನರು ಇಸ್ಲಾಂಗೆ ಮತಾಂತರ!

ಸರಕಾರಿ ಸಂಸ್ಥೆಯಿಂದ ಮತಾಂತರ ಕಾರ್ಯ

ದುಬೈ – 2025ರ ಮೊದಲ ಆರು ತಿಂಗಳಲ್ಲಿ (ಜನವರಿ – ಜೂನ್) ದುಬೈನಲ್ಲಿ 3,600 ಕ್ಕಿಂತ ಹೆಚ್ಚು ಜನರು ಇಸ್ಲಾಂಗೆ ಮತಾಂತರಗೊಂಡಿದ್ದಾರೆ. ಈ ಜನರು ಯಾವ ಧರ್ಮಕ್ಕೆ ಸೇರಿದವರು ಎಂದು ತಿಳಿಸಲಾಗಿಲ್ಲ; ಆದರೆ ಅವರು ವಿವಿಧ ದೇಶಗಳಿಂದ ದುಬೈಗೆ ಬಂದವರು.

ಈ ಮತಾಂತರವನ್ನು ‘ಮೊಹಮ್ಮದ್ ಬಿನ್ ರಶೀದ್ ಸೆಂಟರ್ ಫಾರ್ ಇಸ್ಲಾಮಿಕ್ ಕಲ್ಚರ್’ ಎಂಬ ಸಂಸ್ಥೆಯು ನಡೆಸಿದೆ. ಈ ಸಂಸ್ಥೆಯು ದುಬೈ ಸರಕಾರದ ‘ಇಸ್ಲಾಮಿಕ್ ಅಫೇರ್ಸ್ ಅಂಡ್ ಚಾರಿಟಬಲ್ ಆಕ್ಟಿವಿಟೀಸ್ ಡಿಪಾರ್ಟ್‌ಮೆಂಟ್’ ಅಡಿಯಲ್ಲಿ ಕಾರ್ಯನಿರ್ವಹಿಸುತ್ತದೆ. ದುಬೈ ಸರಕಾರದ ಈ ಪ್ರಮುಖ ಸಂಸ್ಥೆಯು ಈ ಮಾಹಿತಿ ನೀಡಿದೆ. ಈ ಸಂಸ್ಥೆಯು ದುಬೈ ಸರಕಾರದ ಒಂದು ವಿಭಾಗವಾಗಿದ್ದು, ಇಸ್ಲಾಂಗೆ ಸಂಬಂಧಿಸಿದ ಎಲ್ಲಾ ಕಾರ್ಯಗಳ ಮೇಲ್ವಿಚಾರಣೆ ನಡೆಸುತ್ತದೆ.

1969ರಲ್ಲಿ ಸ್ಥಾಪನೆಯಾದ ಈ ವಿಭಾಗದ ಉದ್ದೇಶ ದುಬೈನಲ್ಲಿ ಧಾರ್ಮಿಕ ಜಾಗೃತಿ ಮತ್ತು ಇಸ್ಲಾಮಿಕ್ ಮೌಲ್ಯಗಳನ್ನು ಹೆಚ್ಚಿಸುವುದಾಗಿದೆ. ಈ ವಿಭಾಗ ಕೇವಲ ಕುರಾನ್ ಹಂಚುವುದು, ಮಸೀದಿಗಳ ಮೇಲ್ವಿಚಾರಣೆ ಮಾಡುವುದು ಅಥವಾ ಇಸ್ಲಾಮಿಕ್ ಶಿಕ್ಷಕರಿಗೆ ಪರವಾನಗಿ ನೀಡುವುದಕ್ಕೆ ಮಾತ್ರ ಸೀಮಿತವಾಗಿಲ್ಲ, ಬದಲಾಗಿ ಜಗತ್ತಿಗೆ ಇಸ್ಲಾಂನ ಬೋಧನೆಗಳನ್ನು ಪ್ರಸ್ತುತಪಡಿಸುವುದು ಸಹ ಇದರ ಕಾರ್ಯವಾಗಿದೆ.