ಮದುವೆಯ ಸಮಯದಲ್ಲಿ ‘ಖುಬೂಲ್’ ಸಾಕಾಗುವಂತೆ, ‘ಮುಬಾರಾತ್’ ಮೂಲಕ ವಿಚ್ಛೇದನ ನೀಡಬಹುದು ! – ಗುಜರಾತ್ ಉಚ್ಚ ನ್ಯಾಯಾಲಯ Gujarat High Court Order

(ಮುಬಾರಾತ್ ಎಂದರೆ ಪರಸ್ಪರ ಒಪ್ಪಿಗೆಯೊಂದಿಗೆ, ಯಾವುದೇ ಲಿಖಿತ ಒಪ್ಪಂದವಿಲ್ಲದೆ ಮೌಖಿಕವಾಗಿ ನೀಡುವ ವಿಚ್ಛೇದನ)

ಕರ್ಣಾವತಿ (ಗುಜರಾತ) – ಮುಸ್ಲಿಮರಲ್ಲಿ ಮದುವೆಯ ಸಮಯದಲ್ಲಿ ‘ಖುಬೂಲ್’ ಎಂದು ಹೇಳಿದ ತಕ್ಷಣವೇ ಮದುವೆ ಮಾನ್ಯವಾಗುವಂತೆ, ವಿಚ್ಛೇದನವನ್ನು ಕೂಡ ಮೌಖಿಕವಾಗಿ ನೀಡಬಹುದು ಎಂದು ಗುಜರಾತ್ ಉಚ್ಚ ನ್ಯಾಯಾಲಯ ತೀರ್ಪು ನೀಡಿದೆ.

ಈ ಸಂಬಂಧ ಸಲ್ಲಿಸಲಾದ ಅರ್ಜಿಯ ವಿಚಾರಣೆ ವೇಳೆ ನ್ಯಾಯಾಲಯವು, ‘ಮುಬಾರಾತ್’ ಮೂಲಕ ವಿಚ್ಛೇದನ ನೀಡಲು ಸಾಧ್ಯವಿದೆ ಎಂದು ತಿಳಿಸಿದೆ. ಕುರಾನ್ ಮತ್ತು ಹದೀಸ್ ಆಧಾರದ ಮೇಲೆ, ರಾಜಕೋಟ್ ಇಲ್ಲಿನ ಕೌಟುಂಬಿಕ ನ್ಯಾಯಾಲಯದ ಆದೇಶವನ್ನು ರದ್ದುಗೊಳಿಸಿದೆ. ಆ ಆದೇಶದಲ್ಲಿ ಮುಸ್ಲಿಂ ದಂಪತಿಯೊಬ್ಬರಿಗೆ ‘ಮುಬಾರಾತ್’ ಮೂಲಕ ವಿಚ್ಛೇದನ ಪಡೆಯಲು ಅವಕಾಶ ನಿರಾಕರಿಸಲಾಗಿತ್ತು.

ಮುಸ್ಲಿಮರಲ್ಲಿ ಪರಸ್ಪರ ಒಪ್ಪಿಗೆಯ ವಿಚ್ಛೇದನಕ್ಕೆ ಯಾವುದೇ ನೋಂದಣಿ ಅಥವಾ ಲಿಖಿತ ಒಪ್ಪಂದದ ಅಗತ್ಯವಿಲ್ಲ. ಮದುವೆಗೆ ‘ಖುಬೂಲ್’ ಸಾಕಾಗುವಂತೆ, ವಿಚ್ಛೇದನಕ್ಕೆ ‘ಮುಬಾರಾತ್’ ಸಾಕಾಗುತ್ತದೆ ಎಂದು ನ್ಯಾಯಾಲಯ ಹೇಳಿದೆ. ಆದರೆ, ಈ ಪ್ರಕರಣವನ್ನು ಮತ್ತೆ ಕೌಟುಂಬಿಕ ನ್ಯಾಯಾಲಯಕ್ಕೆ ಕಳುಹಿಸಿದ್ದು, ಮೂರು ತಿಂಗಳೊಳಗೆ ವಿಚಾರಣೆ ಮುಗಿಸುವಂತೆ ಸೂಚಿಸಿದೆ.