ಬಿಯರ್ ಕುಡಿಯುತ್ತಾ ಆನ್‌ಲೈನ್ ವಿಚಾರಣೆಗೆ ಹಾಜರಾದ ವಕೀಲ!

ಗುಜರಾತ ಹೈಕೋರ್ಟ್‌ನಲ್ಲಿ ವಕೀಲರ ವಿರುದ್ಧ ನ್ಯಾಯಾಂಗ ನಿಂದನೆ ಪ್ರಕರಣ

ಕರ್ಣಾವತಿ (ಗುಜರಾತ) – ಆನ್‌ಲೈನ್ ವಿಚಾರಣೆಯ ಸಮಯದಲ್ಲಿ ಹಿರಿಯ ವಕೀಲ ಭಾಸ್ಕರ್ ತನ್ನಾ ಬಿಯರ್ ಕುಡಿಯುತ್ತಿರುವುದು ಕಂಡುಬಂದ ಪ್ರಕರಣದಲ್ಲಿ, ಗುಜರಾತ ಹೈಕೋರ್ಟ್ ಅವರ ವಿರುದ್ಧ ನ್ಯಾಯಾಂಗ ನಿಂದನೆ ಆರೋಪದ ಮೇಲೆ ಕ್ರಮ ಕೈಗೊಂಡಿದೆ. ಈ ಘಟನೆ ಜೂನ್ 26 ರಂದು ನಡೆದಿದ್ದು, ಇದರ ವಿಡಿಯೋ ಈಗ ಹೊರಬಿದ್ದ ನಂತರ ಕ್ರಮ ಕೈಗೊಳ್ಳಲಾಗಿದೆ. ಈ ಕ್ರಮದ ಅವಧಿಯಲ್ಲಿ, ತನ್ನಾ ಅವರು ಆನ್‌ಲೈನ್ ಮೂಲಕ ನ್ಯಾಯಾಲಯದ ಮುಂದೆ ಹಾಜರಾಗದಂತೆ ನ್ಯಾಯಾಲಯ ಆದೇಶಿಸಿದೆ.

ನ್ಯಾಯಾಲಯವು, ಇಂತಹ ಕೃತ್ಯಗಳು ಹೊಸ ವಕೀಲರ ಮೇಲೆ ಪರಿಣಾಮ ಬೀರುತ್ತವೆ; ಏಕೆಂದರೆ ಅವರು ಹಿರಿಯ ವಕೀಲರನ್ನು ಆದರ್ಶಪ್ರಾಯವಾಗಿ ಕಾಣುತ್ತಾರೆ ಎಂದು ಹೇಳಿದೆ. ಭಾಸ್ಕರ್ ತನ್ನಾ ಅವರ ನಡವಳಿಕೆಯು ಅವರಿಗೆ ಹಿರಿಯ ವಕೀಲರಾಗಿ ನೀಡಲಾದ ವಿಶೇಷಾಧಿಕಾರಗಳನ್ನು ಅಪವಿತ್ರಗೊಳಿಸುತ್ತದೆ. ಅವರಿಗೆ ನೀಡಲಾದ ‘ಹಿರಿಯ ವಕೀಲ’ ಹುದ್ದೆಯ ಮರುಪರಿಶೀಲನೆ ಅಗತ್ಯವಿದೆ ಎಂದು ಕೋರ್ಟ್ ನುಡಿದಿದೆ.