ನ್ಯೂಜಿಲೆಂಡನಲ್ಲಿ ಹಿಂದೂ ಮತ್ತು ಸಿಖ್ ವಿರೋಧಿ ಪ್ರತಿಭಟನೆಗಳು: ‘ಓಂ’ ಇರುವ ಧ್ವಜಕ್ಕೆ ಬೆಂಕಿ!

ವೆಲ್ಲಿಂಗ್ಟನ್ (ನ್ಯೂಜಿಲೆಂಡ) – ವಿಶ್ವದಾದ್ಯಂತ ಶಾಂತಿ ಮತ್ತು ಸೌಂದರ್ಯಕ್ಕೆ ಹೆಸರುವಾಸಿಯಾದ ನ್ಯೂಜಿಲೆಂಡ ಪ್ರಸ್ತುತ ಅಶಾಂತಿಯ ಸುಳಿಯಲ್ಲಿ ಸಿಲುಕಿದೆ. ಇಲ್ಲಿನ ರಸ್ತೆಗಳಲ್ಲಿ ಪ್ರತಿಭಟನೆಗಳು ನಡೆಯುತ್ತಿದ್ದು, ಹಿಂದೂ, ಮುಸ್ಲಿಂ, ಸಿಖ್, ವಲಸಿಗರು ಮತ್ತು ಪ್ಯಾಲೆಸ್ತೀನ್ ಸಮುದಾಯಗಳನ್ನು ಗುರಿಯಾಗಿಸಲಾಗುತ್ತಿದೆ. ಈ ಪ್ರತಿಭಟನೆಗಳ ನಾಯಕತ್ವವನ್ನು ಡೆಸ್ಟಿನಿ ಚರ್ಚ್ ಎಂಬ ಸಂಸ್ಥೆಯನ್ನು ನಡೆಸುತ್ತಿರುವ ಧಾರ್ಮಿಕ ನಾಯಕ ಬ್ರಾಯಾನ ತಾಮಾಕಿ ವಹಿಸಿದ್ದಾರೆ. ಪ್ರತಿಭಟನಾಕಾರರು ಹಿಂದೂ, ಮುಸ್ಲಿಂ, ಬೌದ್ಧ, ಪ್ಯಾಲೆಸ್ತೀನ್ ಧ್ವಜಗಳನ್ನು ಸುಡುವಂತಹ ಪ್ರಚೋದನಕಾರಿ ಕೃತ್ಯಗಳನ್ನು ಎಸಗಿದ್ದಾರೆ. ಇದರಿಂದ ನ್ಯೂಜಿಲೆಂಡನ ಬಹುಸಂಸ್ಕೃತಿಯ ಪ್ರತಿಷ್ಠೆಗೆ ಧಕ್ಕೆಯಾಗಿದೆ.

ನ್ಯೂಜಿಲೆಂಡನ ಜನಸಂಖ್ಯೆ ಸುಮಾರು 53 ಲಕ್ಷವಿದ್ದು, ಈ ದೇಶ ಯಾವಾಗಲೂ ವಲಸಿಗರಿಗೆ ಮುಕ್ತವಾಗಿದೆ. ಕೋವಿಡ್-19 ಸಾಂಕ್ರಾಮಿಕದ ನಂತರ ಇಲ್ಲಿ ವಲಸಿಗರ ಸಂಖ್ಯೆ ವೇಗವಾಗಿ ಹೆಚ್ಚಾಯಿತು. ಸರಕಾರವು ಶಿಕ್ಷಕರು ಮತ್ತು ವೈದ್ಯರಂತಹ ನುರಿತ ವಲಸಿಗರಿಗೆ ಆದ್ಯತೆ ನೀಡಲು ಪ್ರಯತ್ನಿಸಿದೆ; ಆದರೆ ಸ್ಥಳೀಯರು ವಲಸಿಗರು ತಮ್ಮ ಉದ್ಯೋಗಾವಕಾಶಗಳನ್ನು ಕಸಿದುಕೊಳ್ಳುತ್ತಿದ್ದಾರೆ ಎಂದು ಭಾವಿಸಿದ್ದಾರೆ. ಈ ಪರಿಸ್ಥಿತಿಯಿಂದಾಗಿ ಪೀಡಿತ ಸಮುದಾಯಗಳಲ್ಲಿ ಆಕ್ರೋಶ ಮತ್ತು ಅಸುರಕ್ಷತೆಯ ಭಾವನೆ ಹೆಚ್ಚಾಗಿದೆ.