ಮಹಾರಾಷ್ಟ್ರ ಸರಕಾರವು ಧರ್ಮದಾಯ ಆಸ್ಪತ್ರೆಗಳ ಉದ್ಧಟತನಕ್ಕೆ ಕಡಿವಾಣ ಹಾಕಲಿದೆ !

ಮುಂಬಯಿ, ಜೂನ್ 12 – ಸರಕಾರದ ವತಿಯಿಂದ ದೊಡ್ಡ ಪ್ರಮಾಣದಲ್ಲಿ ಸೌಲಭ್ಯಗಳನ್ನು ಪಡೆದು, ಅದರ ಲಾಭವನ್ನು ಬಡ ಮತ್ತು ನಿರ್ಗತಿಕ ರೋಗಿಗಳಿಗೆ ನೀಡಲು ನಿರಾಕರಿಸುವ ರಾಜ್ಯದ ಉದ್ಧಟ ಆಸ್ಪತ್ರೆಗಳನ್ನು ಸರಿದಾರಿಗೆ ತರಲು ಆಸ್ಪತ್ರೆಗಳ ನಿರ್ಗತಿಕ ನಿಧಿಗಳ ಪರಿಶೀಲನೆ ನಡೆಸಲು ಸರಕಾರ ನಿರ್ಧರಿಸಿದೆ. ಇದರೊಂದಿಗೆ, ಬಡನಿರ್ಗತಿಕರಿಗೆ ಚಿಕಿತ್ಸೆ ನೀಡುವ ಆಸ್ಪತ್ರೆಗಳ ಮುಂಭಾಗದಲ್ಲಿ ರಿಯಾಯಿತಿಗಳ ಮಾಹಿತಿ ಫಲಕಗಳನ್ನು ರಾಜ್ಯ ಸರಕಾರವೇ ಅಳವಡಿಸಲಿದೆ.

ಧಮ್ದಾಯ ಆಸ್ಪತ್ರೆಗಳ ಮೂಲಕ ರಿಯಾಯಿತಿ ದರದಲ್ಲಿ ಬಡ ಮತ್ತು ನಿರ್ಗತಿಕರಿಗೆ ಚಿಕಿತ್ಸೆ ದೊರೆಯಬೇಕು ಎಂಬುದು ಸರಕಾರದ ಯೋಜನೆಯಾಗಿದೆ; ಆದರೆ, ರಾಜ್ಯದ ಹಲವು ಧರ್ಮದಾಯ ಆಸ್ಪತ್ರೆಗಳು ಸರಕಾರದ ಕಡೆಯಿಂದ ಸೌಲಭ್ಯಗಳನ್ನು ಪಡೆದು, ವಾಸ್ತವವಾಗಿ ರೋಗಿಗಳಿಗೆ ರಿಯಾಯಿತಿಗಳನ್ನು ನೀಡುವುದಿಲ್ಲ. ಈ ಬಗ್ಗೆ ಎಲ್ಲಾ ಪಕ್ಷಗಳ ಜನಪ್ರತಿನಿಧಿಗಳು ವಿಧಾನಸಭೆಯಲ್ಲಿ ಹಲವು ಬಾರಿ ಧ್ವನಿ ಎತ್ತಿದ್ದರೂ, ಈ ಆಸ್ಪತ್ರೆಗಳು ಕಾನೂನಿಗೂ ಬಗ್ಗುವುದಿಲ್ಲ. ಆದ್ದರಿಂದ, ಮಹಾರಾಷ್ಟ್ರ ರಾಜ್ಯದ ಮುಖ್ಯಮಂತ್ರಿ ದೇವೇಂದ್ರ ಫಡ್ನವೀಸ್ ಅವರ ಆದೇಶದ ಮೇರೆಗೆ, ಧರ್ಮದಾಯ ಆಸ್ಪತ್ರೆಗಳಲ್ಲಿನ ಯೋಜನೆಗಳ ಶೇಕಡಾ ನೂರರಷ್ಟು ಲಾಭ ದೊರೆಯುವಂತೆ ಮಾಡಲು ಈ ವಿಶೇಷ ಪ್ರಯತ್ನಗಳನ್ನು ಮಾಡಲಾಗುತ್ತಿದೆ.