ಭುವನೇಶ್ವರ (ಒಡಿಶಾ)ದಲ್ಲಿ ಸರಕಾರಿ ಇಂಜಿನಿಯರ್ ಬಳಿ ಅಕ್ರಮ 2 ಕೋಟಿ ರೂಪಾಯಿಗಳ ನಗದು ಪತ್ತೆ

ವಿಜಿಲೆನ್ಸ್ ಅಧಿಕಾರಿಗಳನ್ನು ನೋಡುತ್ತಿದ್ದಂತೆ ನೋಟುಗಳ ಕಟ್ಟುಗಳನ್ನು ಕಿಟಕಿಯಿಂದ ಹೊರಗೆ ಎಸೆದನು!

ಭುವನೇಶ್ವರ (ಒಡಿಶಾ) – ಇಲ್ಲಿ ವಿಜಿಲೆನ್ಸ್ (ಲೋಕಾಯುಕ್ತ) ವಿಭಾಗದ ಅಧಿಕಾರಿಗಳು ಒಡಿಶಾ ಸರಕಾರದ ಗ್ರಾಮೀಣಾಭಿವೃದ್ಧಿ ಇಲಾಖೆಯ ಮುಖ್ಯ ಇಂಜಿನಿಯರ್ ವೈಕುಂಠನಾಥ ಸಾರಂಗಿ ಅವರ 7 ಸ್ಥಳಗಳಲ್ಲಿ ದಾಳಿ ನಡೆಸಿ, 2 ಕೋಟಿ ರೂಪಾಯಿಗಳಿಗಿಂತ ಅಧಿಕ ಅಕ್ರಮ ನಗದು ವಶಪಡಿಸಿಕೊಂಡಿದ್ದಾರೆ. ಇದರಲ್ಲಿ ಲಕ್ಷಾಂತರ ರೂಪಾಯಿ ಮೌಲ್ಯದ ಚಿನ್ನಾಭರಣಗಳು ಮತ್ತು ದುಬಾರಿ ಬಟ್ಟೆಗಳೂ ಸಿಕ್ಕಿವೆ. ಈ ವೇಳೆ, ಅಧಿಕಾರಿಗಳನ್ನು ನೋಡುತ್ತಿದ್ದಂತೆ ಇಂಜಿನಿಯರ್ ತನ್ನ ಮನೆಯ ಕಿಟಕಿಯಿಂದ 500 ರೂಪಾಯಿಗಳ ನೋಟುಗಳ ಕಟ್ಟುಗಳನ್ನು ಹೊರಗೆ ಎಸೆಯಲು ಪ್ರಾರಂಭಿಸಿದನು. ಅಧಿಕಾರಿಗಳು ಆ ಹಣವನ್ನೂ ವಶಪಡಿಸಿಕೊಂಡಿದ್ದಾರೆ.