Simla Agreement : ಪಾಕಿಸ್ತಾನದಿಂದ ಶಿಮ್ಲಾ ಒಪ್ಪಂದ ಸ್ಥಗಿತ, ಭಾರತಕ್ಕೆ ಪಾಕಿಸ್ತಾನ ಆಕ್ರಮಿತ ಕಾಶ್ಮೀರ ವಶಪಡಿಸಿಕೊಳ್ಳುವ ದಾರಿ ಸುಗಮ!

ನವದೆಹಲಿ – ಭಾರತವು ಪಾಕಿಸ್ತಾನದ ವಿರುದ್ಧ 5 ಕಠಿಣ ನಿರ್ಧಾರಗಳನ್ನು ತೆಗೆದುಕೊಂಡ ನಂತರ, ಪಾಕಿಸ್ತಾನವು ಭಾರತದೊಂದಿಗಿನ ದ್ವಿಪಕ್ಷೀಯ ಸಂಬಂಧಗಳನ್ನು ರದ್ದುಗೊಳಿಸಿದೆ. 1972 ರಲ್ಲಿ ನಡೆದ ಶಿಮ್ಲಾ ಒಪ್ಪಂದವನ್ನು ಸ್ಥಗಿತಗೊಳಿಸುವುದಾಗಿ ಅದು ಘೋಷಿಸಿದೆ. ವಿಶೇಷವೆಂದರೆ, ಈ ಒಪ್ಪಂದದಲ್ಲಿ ವಾಸ್ತವಿಕ ನಿಯಂತ್ರಣ ರೇಖೆಯನ್ನು (ಎಲ್‌ಒಸಿ – ಲೈನ್ ಆಫ್ ಕಂಟ್ರೋಲ್) ಶಾಶ್ವತ ಗಡಿ ಎಂದು ನಿರ್ಧರಿಸಲಾಗಿತ್ತು. ಈ ಒಪ್ಪಂದವನ್ನು ಸ್ಥಗಿತಗೊಳಿಸುವ ನಿರ್ಧಾರದಿಂದಾಗಿ, ವಾಸ್ತವಿಕ ನಿಯಂತ್ರಣ ರೇಖೆಯು ಅಸ್ತಿತ್ವದಲ್ಲಿ ಇರುವುದಿಲ್ಲ. ಆದ್ದರಿಂದ, ಪಾಕಿಸ್ತಾನ ಆಕ್ರಮಿತ ಕಾಶ್ಮೀರವು ನೇರವಾಗಿ ಭಾರತದ ಕಾಶ್ಮೀರಕ್ಕೆ ಸೇರಿಕೊಳ್ಳುತ್ತದೆ ಮತ್ತು ಭಾರತವು ಅದನ್ನು ಸಂಪೂರ್ಣವಾಗಿ ವಶಪಡಿಸಿಕೊಳ್ಳಬಹುದು. ಒಪ್ಪಂದವು ಸ್ಥಗಿತಗೊಂಡಿರುವುದರಿಂದ, ಪಾಕಿಸ್ತಾನ ಆಕ್ರಮಿತ ಕಾಶ್ಮೀರವನ್ನು ವಶಪಡಿಸಿಕೊಳ್ಳುವುದು ಯಾವುದೇ ಕಾನೂನಿನ ಉಲ್ಲಂಘನೆಯಾಗುವುದಿಲ್ಲ.

1. ಭಾರತ-ಪಾಕಿಸ್ತಾನ ಗಡಿಯ ಮೇಲಿನ ‘ವಾಸ್ತವಿಕ ನಿಯಂತ್ರಣ ರೇಖೆ’ಯನ್ನು ಪಾಕಿಸ್ತಾನವು ಎಂದಿಗೂ ಪಾಲಿಸಲಿಲ್ಲ. ಕಾರ್ಗಿಲ್ ಯುದ್ಧದ ಸಮಯದಲ್ಲಿ, ಪಾಕಿಸ್ತಾನವು ಈ ಗಡಿಯ ಮಿತಿಯನ್ನು ಉಲ್ಲಂಘಿಸಿ ಭಾರತದ ಮೇಲೆ ಆಕ್ರಮಣ ಮಾಡಿತ್ತು; ಆದರೆ ಭಾರತವು ಈ ರೇಖೆಯ ಮಿತಿಯನ್ನು ದಾಟಲಿಲ್ಲ.

2. ಶಿಮ್ಲಾ ಒಪ್ಪಂದದ ಪ್ರಕಾರ, ಭಾರತವು ಬಂಧಿಸಿದ್ದ 93 ಸಾವಿರ ಪಾಕಿಸ್ತಾನಿ ಸೈನಿಕರನ್ನು ಬಿಡುಗಡೆ ಮಾಡಿತ್ತು ಮತ್ತು ಅದರಲ್ಲಿ ಇತರ ಕೆಲವು ಷರತ್ತುಗಳೂ ಇದ್ದವು. ಪಾಕಿಸ್ತಾನವು ಆಗ ಬಾಗಿತ್ತು. ಇಂದಿರಾ ಗಾಂಧಿಯವರು ಪಾಕಿಸ್ತಾನ ಆಕ್ರಮಿತ ಕಾಶ್ಮೀರೀರದ ಬಗ್ಗೆ ಒತ್ತಡ ಹೇರಿದ್ದರೆ, ಪಾಕಿಸ್ತಾನಕ್ಕೆ ಬೇರೆ ಆಯ್ಕೆಯೇ ಇರಲಿಲ್ಲ; ಆದರೆ ಹಾಗಾಗಲಿಲ್ಲ. ಇದರಿಂದ ಆಗ ಗೆದ್ದಿದ್ದರೂ ಜನರು ಭಾರತವು ಸೋತ ಭಾವನೆಯಲ್ಲಿದ್ದರು.

ಕ್ಷಿಪಣಿ ಪರೀಕ್ಷೆಯ ಪೂರ್ವ ಸೂಚನೆ ನೀಡುವ ಒಪ್ಪಂದವೂ ರದ್ದು

ಪಾಕಿಸ್ತಾನದ ನಿರ್ಧಾರದಿಂದ ಮತ್ತೊಂದು ಮಹತ್ವದ ವಿಷಯ ಸಂಭವಿಸಿದೆ. ಭಾರತ ಮತ್ತು ಪಾಕಿಸ್ತಾನದ ನಡುವೆ ಪರಮಾಣು ದಾಳಿಯನ್ನು ತಡೆಯುವ ಕುರಿತು ಒಪ್ಪಂದವಿತ್ತು. ಈ ಒಪ್ಪಂದವು ಈಗ ಸ್ಥಗಿತಗೊಂಡಿದೆ. ಬ್ಯಾಲಿಸ್ಟಿಕ್ ಕ್ಷಿಪಣಿಗಳ ಪರೀಕ್ಷೆಯ ಪೂರ್ವ ಸೂಚನೆ ನೀಡುವ ಕುರಿತಾದ ಒಪ್ಪಂದವನ್ನೂ ರದ್ದುಗೊಳಿಸಲಾಗಿದೆ.