ನಾಗಪುರ ಹಿಂಸಾಚಾರದ ಮಾಸ್ಟರ್ ಮೈಡ್ ಫಹೀಮ ಖಾನ ಬಂಧನ!

ಖಾನ ‘ಮೈನಾರಿಟಿ ಡೆಮಾಕ್ರಟಿಕ್ ಪಾರ್ಟಿ’ಯ ನಗರಾಧ್ಯಕ್ಷನಾಗಿದ್ದು, ನಿತಿನ್ ಗಡ್ಕರಿ ವಿರುದ್ಧ ಲೋಕಸಭಾ ಚುನಾವಣೆಯಲ್ಲಿ ಸ್ಪರ್ಧಿಸಿದ್ದನು!

ನಾಗಪುರ – ನಾಗಪುರ ಹಿಂಸಾಚಾರದ ಸೂತ್ರಧಾರ ‘ಮೈನಾರಿಟಿ ಡೆಮಾಕ್ರಟಿಕ್ ಪಾರ್ಟಿ’ಯ ನಗರ ಅಧ್ಯಕ್ಷ ಫಹೀಮ ಖಾನ ಎಂದು ಪೊಲೀಸರು ಪ್ರಾಥಮಿಕ ವರದಿಯಲ್ಲಿ ದಾಖಲಿಸಿದ್ದಾರೆ. ಈ ಪ್ರಕರಣದಲ್ಲಿ ಖಾನನನ್ನು ಬಂಧಿಸಲಾಗಿದ್ದು, ಪೊಲೀಸ್ ಕಸ್ಟಡಿಗೆ ಒಪ್ಪಿಸಲಾಗಿದೆ. ಆತ ಸುಮಾರು 500 ಜನರನ್ನು ಒಟ್ಟುಗೂಡಿಸಿ ಪ್ರಚೋದಿಸಿದ್ದಾನೆ. ಇದರಿಂದ ಗೊಂದಲ ಮತ್ತು ಹಿಂಸಾತ್ಮಕ ಸಂಘರ್ಷ ಉಂಟಾಯಿತು. ಮತಾಂಧರು ಕೊಡಲಿ, ಕಲ್ಲು, ದೊಣ್ಣೆ ಮತ್ತು ಇತರ ಆಯುಧಗಳನ್ನು ಬಳಸಿ ಭಯ ನಿರ್ಮಿಸಿದರು. ಖಾನ್‌ನ ಭಾಷಣದ ಉದ್ದೇಶ ಸಾಮಾಜಿಕ ಸೌಹಾರ್ದತೆಯನ್ನು ಹಾಳು ಮಾಡುವುದು ಮತ್ತು ಧಾರ್ಮಿಕ ಉದ್ವಿಗ್ನತೆಯನ್ನು ಸೃಷ್ಟಿಸುವುದು ಆಗಿತ್ತು, ಎಂದು ಪೊಲೀಸರು ಹೇಳಿದ್ದಾರೆ. ಪೊಲೀಸರು ಫಹೀಮ ಖಾನ್‌ನ ಭಾವಚಿತ್ರವನ್ನು ಬಿಡುಗಡೆ ಮಾಡಿದ್ದಾರೆ. ಆತ 2024 ರ ಲೋಕಸಭಾ ಚುನಾವಣೆಯಲ್ಲಿ ನಾಗಪುರ ಕ್ಷೇತ್ರದಿಂದ ಕೇಂದ್ರ ಸಚಿವ ನಿತಿನ ಗಡಕರಿ ವಿರುದ್ಧ ಸ್ಪರ್ಧಿಸಿದ್ದನು.

ಗಲಭೆಕೋರರಿಂದ ಮಹಿಳಾ ಪೊಲೀಸ್ ಅಧಿಕಾರಿಗಳ ಮೇಲೆ ಲೈಂಗಿಕ ದೌರ್ಜನ್ಯ!

ಪ್ರಾಥಮಿಕ ವರದಿಯ ಪ್ರಕಾರ, ಕತ್ತಲೆಯ ಲಾಭ ಪಡೆದು ‘ರಾಪಿಡ್ ರೆಸ್ಪಾನ್ಸ್ ಟೀಮ್’ ನ ಮಹಿಳಾ ಪೊಲೀಸ್ ಅಧಿಕಾರಿಯೊಬ್ಬರ ಸಮವಸ್ತ್ರವನ್ನು ಎಳೆಯಲು ಪ್ರಯತ್ನಿಸಲಾಯಿತು, ಇತರ ಮಹಿಳಾ ಪೊಲೀಸ್ ಅಧಿಕಾರಿಗಳನ್ನು ನೋಡಿ ಅಶ್ಲೀಲ ಹಾವಭಾವಗಳನ್ನು ಮಾಡಲಾಯಿತು ಮತ್ತು ಅವರ ಮೇಲೆ ಅವಾಚ್ಯ ಪದಗಳಿಮದ ಟೀಕಿಸಲಾಯಿತು. ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ಗಣೇಶಪೇಠ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಲಾಗಿದೆ.

ಇತರ ಘಟನೆಗಳು!

1. ನಾಗಪುರ ನಗರದಲ್ಲಿ ಕರ್ಫ್ಯೂ ಇರುವುದರಿಂದ 200 ಶಾಲೆಗಳನ್ನು ಮುಚ್ಚಲಾಗಿದೆ.

2. ಈ ಪ್ರಕರಣದಲ್ಲಿ ಪೊಲೀಸರು ಇಲ್ಲಿಯವರೆಗೆ 46 ಶಂಕಿತರನ್ನು ಬಂಧಿಸಿದ್ದಾರೆ. ಈ ಶಂಕಿತರ ವಿರುದ್ಧ ಗಣೇಶಪೇಠ ಮತ್ತು ತಹಸಿಲ್ ಪೊಲೀಸ್ ಠಾಣೆಗಳಲ್ಲಿ ವಿವಿಧ ಸೆಕ್ಷನ್‌ಗಳ ಅಡಿಯಲ್ಲಿ ಪ್ರಕರಣಗಳನ್ನು ದಾಖಲಿಸಲಾಗಿದೆ.