‘ದೆಹಲಿಯಲ್ಲಿ ರಕ್ತಪಾತ ನಡೆಸಿ ಕಾಶ್ಮೀರವನ್ನು ಭಾರತದಿಂದ ಬೇರ್ಪಡಿಸುವ ಸಮಯ ಬಂದಿದೆಯಂತೆ !’

ಪಾಕಿಸ್ತಾನ ಆಕ್ರಮಿತ ಕಾಶ್ಮೀರದಲ್ಲಿ `ಹಮಾಸ್’ ಮತ್ತು ಪಾಕಿಸ್ತಾನಿ ಭಯೋತ್ಪಾದಕ ಸಂಘಟನೆಗಳ ಘೋಷಣೆ

ನವದೆಹಲಿ – ಇಸ್ರೇಲಿನಲ್ಲಿ ಭಯೋತ್ಪಾದಕ ದಾಳಿಗಳನ್ನು ನಡೆಸಿರುವ ಹಮಾಸ, ಫೆಬ್ರವರಿ 5 ರಂದು ಕಾಶ್ಮೀರದಲ್ಲಿ ಜೈಶ್-ಎ-ಮಹಮ್ಮದ್ ಮತ್ತು ಲಷ್ಕರ್-ಎ-ತೊಯಬಾದಂತಹ ಜಿಹಾದಿ ಭಯೋತ್ಪಾದಕ ಸಂಘಟನೆಗಳೊಂದಿಗೆ ಕೈಜೋಡಿಸಿದೆ. ಪಾಕಿಸ್ತಾನ ಆಕ್ರಮಿತ ಕಾಶ್ಮೀರದಲ್ಲಿನ ರಾವಲಕೋಟದಲ್ಲಿರುವ ಶಹೀದ ಸಾಬೀರ ಕ್ರೀಡಾಂಗಣದಲ್ಲಿ ಆಯೋಜಿಸಲಾದ ‘ಕಾಶ್ಮೀರ ಏಕತಾ ದಿನ’ ಮತ್ತು ‘ಹಮಾಸ್ ಆಪರೇಷನ್ ಅಲ್ ಅಕ್ಸಾ ಫ್ಲಡ್ ಕಾನ್ಫರೆನ್ಸ್’ ಕಾರ್ಯಕ್ರಮದಲ್ಲಿ ಜೈಶ್-ಎ-ಮಹಮ್ಮದನ ಭಯೋತ್ಪಾದಕನೊಬ್ಬ ವೇದಿಕೆಯಿಂದ ಕಾಶ್ಮೀರವನ್ನು ಭಾರತದಿಂದ ಬೇರ್ಪಡಿಸುವುದಾಗಿ ಘೋಷಿಸಿದನು. ಈ ಭಯೋತ್ಪಾದಕನು ಭಾರತವನ್ನು ಬೆದರಿಸುತ್ತ, ಪ್ಯಾಲೆಸ್ಟೈನ್ ಮತ್ತು ಕಾಶ್ಮೀರದ ಮುಜಾಹಿದ್ದೀನಗಳು (ಇಸ್ಲಾಂ ಧರ್ಮಕ್ಕಾಗಿ ಜಿಹಾದ ನಡೆಸುವ ಜನರು) ಈಗ ಒಂದಾಗಿದ್ದಾರೆ. ದೆಹಲಿಯಲ್ಲಿ ರಕ್ತಪಾತ ನಡೆಸಿ ಕಾಶ್ಮೀರವನ್ನು ಭಾರತದಿಂದ ಬೇರ್ಪಡಿಸುವ ಸಮಯ ಬಂದಿದೆ ಎಂದು ಹೇಳಿದರು.

ಈ ಕಾರ್ಯಕ್ರಮದಲ್ಲಿ ಜೈಶ್-ಎ-ಮಹಮ್ಮದ ಮುಖ್ಯಸ್ಥ ಮಸೂದ ಅಜಹರನ ಸಹೋದರ ತಲ್ಹಾ ಸೈಫ, ಜೈಶನ ಕಮಾಂಡರ್ ಅಸಗರ ಖಾನ ಕಾಶ್ಮೀರಿ ಮತ್ತು ಮಸೂದ ಇಲಿಯಾಸ ಮತ್ತು ಪಾಕಿಸ್ತಾನ ಸೇನೆಯ ಹಿರಿಯ ಅಧಿಕಾರಿಗಳು ಭಾಗವಹಿಸಿದ್ದರು. ಈ ಕಾರ್ಯಕ್ರಮಕ್ಕೆ ಹಮಾಸ ಭಯೋತ್ಪಾದಕ ಡಾ. ಖಾಲಿದ ಅಲ್-ಕದೌಮಿ ಕೂಡ ಉಪಸ್ಥಿತರಿದ್ದರು. ಇದು ಹಮಾಸ ಭಯೋತ್ಪಾದಕರು ಕಾಶ್ಮೀರಕ್ಕೆ ನೀಡಿದ ಮೊದಲ ಭೇಟಿಯಾಗಿತ್ತು. ಇದಲ್ಲದೆ, ಅನೇಕ ಪ್ಯಾಲೆಸ್ಟೀನಿ ನಾಯಕರೂ ಈ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದರು. ಪಾಕಿಸ್ತಾನವು ಫೆಬ್ರವರಿ 5 ರಂದು ‘ಕಾಶ್ಮೀರ ಏಕತಾ ದಿನ’ವನ್ನು ಆಚರಿಸುತ್ತದೆ.