370 ನೇ ವಿಧಿಯನ್ನು ಮರಳಿ ತರಲು ಸತತ ನಾಲ್ಕನೆಯ ದಿನವೂ ಪ್ರಯತ್ನ!

ಜಮ್ಮು-ಕಾಶ್ಮೀರ ವಿಧಾನಸಭೆಯಲ್ಲಿ ಕೋಲಾಹಲ

ಶ್ರೀನಗರ (ಜಮ್ಮು-ಕಾಶ್ಮೀರ) – ನವೆಂಬರ್ 8 ರಂದು, ಅಂದರೆ ಸತತ ನಾಲ್ಕನೇ ದಿನವೂ ಜಮ್ಮು-ಕಾಶ್ಮೀರ ವಿಧಾನಸಭೆಯಲ್ಲಿ ಭಾರಿ ಕೋಲಾಹಲ ನಡೆದಿದೆ. ಅವಾಮಿ ಇತ್ತೆಹಾದ್ ಪಕ್ಷದ ಶಾಸಕ ಖುರ್ಷಿದ್ ಅಹ್ಮದ್ ಶೇಖ್ ಅವರು 370 ನೇ ವಿಧಿಯನ್ನು ಪುನಃ ಮರಳಿ ತರುವುದಕ್ಕಾಗಿ ಫಲಕವನ್ನು ಎತ್ತಿ ತೋರಿಸಲು ಪ್ರಯತ್ನಿಸಿದರು. ಅವರನ್ನು ವಿರೋಧ ಪಕ್ಷದ ನಾಯಕರು ಕೂಡಲೇ ತಡೆದರು. ಈ ಸಂದರ್ಭದಲ್ಲಿ ಶಾಸಕರ ನಡುವೆ ಹಿಂದಿನ ದಿನದಂತೆ ಈ ಬಾರಿಯೂ ವಾಗ್ವಾದ ನಡೆದಿದೆ. ಒಬ್ಬ ಶಾಸಕರು ಮೇಜಿನ ಮೇಲೆ ಹತ್ತಿದರು. ಭದ್ರತಾ ಸಿಬ್ಬಂದಿಯವರು ಖುರ್ಷಿದ್ ಅಹ್ಮದ್ ಅವರನ್ನು ಹೊರಗೆಳೆದರು. ಆನಂತರ ಭಾಜಪದ ಎಲ್ಲ ನಾಯಕರು ಸಭಾತ್ಯಾಗ ಮಾಡಿದರು.