ದೇವಸ್ಥಾನದ ಘಂಟೆಯ ಸದ್ದನ್ನು ಕಡಿಮೆ ಮಾಡುವಂತೆ ಮಾಲಿನ್ಯ ನಿಯಂತ್ರಣ ಮಂಡಳಿಯ ನೊಟೀಸ್

ನೋಯ್ಡಾ (ಉತ್ತರ ಪ್ರದೇಶ) – ನಗರದ ಸೊಸಾಯಟಿಯೊಂದರಲ್ಲಿನ ದೇವಸ್ಥಾನದ ಗಂಟೆಯ ಶಬ್ದ ದೊಡ್ಡದಾಗಿ ಕೇಳಿ ಬರುತ್ತಿದೆ ಎಂದು ಉತ್ತರಪ್ರದೇಶ ಪರಿಸರ ಮಾಲಿನ್ಯ ನಿಯಂತ್ರಣ ಮಂಡಳಿಯು ಸೊಸಾಯಟಿಗೆ ನೊಟೀಸು ಕಳುಹಿಸಿ ಶಬ್ದವನ್ನು ಕಡಿಮೆ ಮಾಡುವಂತೆ ಹೇಳಿತು. ಅದರಂತೆ ಸೊಸಾಯಟಿಯು ವಾಟ್ಸಅಪ್ ಮತ್ತು ಫಲಕಗಳ ಮೂಲಕ ಈ ಸೂಚನೆಯನ್ನು ಪ್ರಸಾರ ಮಾಡಿತ್ತು; ಆದರೆ ಇದರಿಂದ ಅಲ್ಲಿನ ಜನರು ಆಕ್ರೋಶಗೊಂಡರು ಮತ್ತು ಇದನ್ನು ವಿರೋಧಿಸಿದರು. ಮಾಲಿನ್ಯ ನಿಯಂತ್ರಣ ಮಂಡಳಿಯ ವಿರುದ್ಧ ಸಾಮಾಜಿಕ ಮಾಧ್ಯಮದಲ್ಲಿ ಅಭಿಯಾನ ಮಾಡಿದ ಬಳಿಕ ಮಾಲಿನ್ಯ ನಿಯಂತ್ರಣ ಮಂಡಳಿಯು ಈ ನೊಟೀಸನ್ನು ಹಿಂಪಡೆಯಿತು. ಈ ಪ್ರಕರಣ ಗ್ರೇಟರ್ ನೋಯ್ಡಾ ಗೌರ್ ಸೌಂದರ್ಯಮ್ ಸೊಸಾಯಟಿಯಲ್ಲಿ ನಡೆದಿದ್ದು ಇಲ್ಲಿ `ಹರೇ ರಾಮಾ ಹರೇ ಕೃಷ್ಣಾ’ ದೇವಸ್ಥಾನವನ್ನು ನಿರ್ಮಿಸಲಾಗಿದೆ.

UNIFORM STANDARDS FOR NOISE POLLUTION

The Uttar Pradesh Pollution Board withdraws the noise pollution notice against a temple bell in Noida, after it faces opposition.

▫️Incident at the Gaur Saundaryam Society in Noida (Uttar Pradesh).

👉 Noise pollution is a critical issue… pic.twitter.com/45N5MwPmT0

— Sanatan Prabhat (@SanatanPrabhat) August 23, 2024

ದೇವಸ್ಥಾನದ ಗಂಟೆಯ ಶಬ್ದದ ಬಗ್ಗೆ ಬಂದ ದೂರಿನ ಬಳಿಕ ಮಾಲಿನ್ಯ ನಿಯಂತ್ರಣ ಮಂಡಳಿಯು ಗಂಟೆಯ ಸದ್ದನ್ನು ಪರಿಶೀಲನೆ ನಡೆಸಿದಾಗ, ಅದು 72 ಡೆಸಿಬಲ್ ಇರುವುದು ಬೆಳಕಿಗೆ ಬಂತು. ನಿಯಮಾನುಸಾರ 55 ಡೆಸಿಬಲ್ ಇರಬೇಕು. ಆ ನಂತರ ಮಂಡಳಿಯು ಈ ನೊಟೀಸ್ ಜಾರಿಗೊಳಿಸಿತ್ತು.