muharram afghanistan : ಅಫ್ಘಾನಿಸ್ತಾನದಲ್ಲಿ ತಾಲಿಬಾನ ಸರಕಾರದಿಂದ ಮೊಹರಂಗೆ ನಿಷೇಧ!

ಕಾಬೂಲ್ – ಅಫ್ಘಾನಿಸ್ತಾನದಲ್ಲಿ ತಾಲಿಬಾನ್ ಸರಕಾರವು ಮೊಹರಂ ಮತ್ತು ಆಶುರಾ ಹಬ್ಬಗಳನ್ನು ಆಚರಿಸಲು ನಿರ್ಬಂಧಗಳನ್ನು ವಿಧಿಸಿದೆ. ಹೆರಾತ್ ಮತ್ತು ಹಲವು ಪ್ರಾಂತ್ಯಗಳಲ್ಲಿ ಮೊಹರಂ ಧ್ವಜಗಳನ್ನು ತಾಲಿಬಾನ್ ತೆಗೆದುಹಾಕಿದ್ದಾರೆ. ತಾಲಿಬಾನ್ ನ ಸಾಂಪ್ರದಾಯಿಕ 10 ದಿನಗಳ ಆಚರಣೆಗಳನ್ನು 3 ದಿನಗಳವರೆಗೆ ಕಡಿತಗೊಳಿಸಿದ್ದು, ಅದನ್ನು ಕಾಬೂಲ್‌ನ ನಿರ್ದಿಷ್ಟ ಪ್ರದೇಶಗಳಲ್ಲಿ ಸೀಮಿತ ರೂಪದಲ್ಲಿ ಆಚರಿಸಲಿದ್ದಾರೆ. ಶಿಯಾ ಧರ್ಮ ಗುರುಗಳು, ಕಾರ್ಯಕರ್ತರು ಮತ್ತು ರಾಜಕೀಯ ವ್ಯಕ್ತಿಗಳು ತಾಲಿಬಾನ್ ಈ ನಿರ್ಣಯವನ್ನು ಖಂಡಿಸಿದ್ದಾರೆ.

* ಆಶುರಾ ಹಬ್ಬ ಎಂದರೇನು?
ಪ್ರಪಂಚದಾದ್ಯಂತದ ಮುಸ್ಲಿಮರು ಜುಲೈ 16 ರಂದು ಅಶುರಾವನ್ನು ಆಚರಿಸಿದರು. ಆಶುರಾ ದಿನವನ್ನು ಎಲ್ಲಾ ಮುಸ್ಲಿಮರು ಆಚರಿಸುತ್ತಾರೆ; ಆದರೆ ಶಿಯಾ ಮುಸ್ಲಿಮರಿಗೆ ಮಾತ್ರ ಇದು ಶೋಕಾಚರಣೆಯ ದಿನವಾಗಿದೆ. ಏಳನೇ ಶತಮಾನದಲ್ಲಿ ಕರಬಲಾದ (ಈಗಿನ ಇರಾಕ್‌ನಲ್ಲಿನ ) ಯುದ್ಧದ ವಾರ್ಷಿಕೋತ್ಸವವೇ ಈ ಆಶುರಾ ದಿನವಾಗಿದೆ. ಈ ಯುದ್ಧದಲ್ಲಿ ಪ್ರವಾದಿ ಮಹಮ್ಮದ್ ಪೈಗಂಬರ್ ಅವರ ಮೊಮ್ಮಗ ಹುಸೇನ್ ಹುತಾತ್ಮರಾಗಿದ್ದರು. ಇಸ್ಲಾಮಿಕ್ ಕ್ಯಾಲೆಂಡರ್‌ನ ಮೊದಲ ತಿಂಗಳಿನಲ್ಲಿ ಮೊಹರಂನ 10 ನೇ ದಿನದಂದು ಆಶುರಾ ಹಬ್ಬವನ್ನು ಎಲ್ಲಾ ಮುಸ್ಲಿಮರು ಆಚರಿಸುತ್ತಾರೆ.