IIT Mumbai Students Fined : ಮುಂಬಯಿಯ `ಐಐಟಿ’ ವಿದ್ಯಾರ್ಥಿಗಳಿಗೆ ತಲಾ 1 ಲಕ್ಷ 20 ಸಾವಿರ ದಂಡ !

ಪ್ರಭು ಶ್ರೀರಾಮ ಮತ್ತು ಸೀತಾಮಾತೆಯ ವ್ಯಂಗ ನಾಟಕ ಪ್ರಸಾರ ಮಾಡಿದ ಪ್ರಕರಣ

ಮುಂಬಯಿ – ವಾರ್ಷಿಕ ಕಲಾ ಉತ್ಸವದಲ್ಲಿ ಪ್ರಭು ಶ್ರೀರಾಮ ಮತ್ತು ಸೀತಾಮಾತೆಯನ್ನು ಅವಮಾನ ಮಾಡುವ ‘ಆರೋಹಣ’ ಈ ನಾಟಕವನ್ನು ಪ್ರದರ್ಶನ ಮಾಡಿದರು. ಈ ಪ್ರಕರಣದಲ್ಲಿ ಮುಂಬಯಿಯ ಭಾರತೀಯ ತಂತ್ರಜ್ಞಾನ ಸಂಸ್ಥೆಯ (ಐ.ಐ.ಟಿ.) ವಿದ್ಯಾರ್ಥಿಗಳಿಗೆ ಸಂಸ್ಥೆಯ ಆಡಳಿತ ಮಂಡಳಿಯು ತಲಾ 1 ಲಕ್ಷದ 20 ಸಾವಿರ ರೂಪಾಯಿ ದಂಡ ವಿಧಿಸಿದೆ. ಮಾರ್ಚ್ 31, 2024 ರಂದು ಮುಂಬಯಿಯ ಭಾರತೀಯ ತಂತ್ರಜ್ಞಾನ ಸಂಸ್ಥೆಯ ಸಭಾಗೃಹದಲ್ಲಿ ಈ ನಾಟಕವನ್ನು ಪ್ರದರ್ಶಿಸಲಾಗಿತ್ತು.

IIT Bombay Students Fined Rupees 1.2 Lakhs Each !

The Incident of Staging a Satirical Play ‘Raahovan’ on Prabhu Shri Ram and Sita Mata having derogatory references to Hindu beliefs and deities !

Additionally, the administration has denied these students the facilities provided… pic.twitter.com/G8yDcpFQMK

— Sanatan Prabhat (@SanatanPrabhat) June 20, 2024

ಈ ನಾಟಕದಲ್ಲಿ ಪ್ರಭು ಶ್ರೀರಾಮ ಮತ್ತು ಸೀತಾಮಾತೆಯ ಪಾತ್ರವನ್ನು ಆಕ್ಷೇಪಾರ್ಹವಾಗಿ ತೋರಿಸಲಾಗಿತ್ತು. ಈ ನಾಟಕದಲ್ಲಿ ಆಧುನಿಕತೆಯ ಹೆಸರಿನಡಿಯಲ್ಲಿ ಪ್ರಭು ಶ್ರೀರಾಮ ಮತ್ತು ಸೀತಾಮಾತೆಯವರ ಆಕ್ಷೇಪಾರ್ಹ ಸಂಭಾಷಣೆಗಳಿದ್ದವು. ನಾಟಕದ ಪ್ರದರ್ಶನದ ನಂತರ, ಸಾಮಾಜಿಕ ಮಾಧ್ಯಮದಿಂದ ಇದರ ‘ಕ್ಲಿಪ್’ (ಅಲ್ಪಾವಧಿಯ ವೀಡಿಯೊ) ಸಾಮಾಜಿಕ ಮಾಧ್ಯಮದಲ್ಲಿ ಪ್ರಸಾರವಾಯಿತು, ಆಗ ಈ ಘಟನೆ ಗಮನಕ್ಕೆ ಬಂತು. ಕಲಾಸ್ವಾತಂತ್ರ್ಯದ ಹೆಸರಿನಡಿಯಲ್ಲಿ ಈ ನಾಟಕದಿಂದ ಧಾರ್ಮಿಕ ಭಾವನೆಯನ್ನು ನೋಯಿಸಲಾಗಿದೆಯೆಂದು ಕೆಲವು ವಿದ್ಯಾರ್ಥಿಗಳು ಸಂಸ್ಥೆಯ ಆಡಳಿತ ಮಂಡಳಿಗೆ ದೂರು ನೀಡಿದರು. ತದನಂತರ ಸಂಸ್ಥೆಯ ಶಿಸ್ತುಪಾಲನಾ ಸಮಿತಿಯ ಸಭೆಯಲ್ಲಿ ವಿದ್ಯಾರ್ಥಿಗಳ ವಿರುದ್ಧ ಶಿಕ್ಷಾರ್ಹ ಕ್ರಮ ಕೈಗೊಳ್ಳುವ ನಿರ್ಧಾರವನ್ನು ತೆಗೆದುಕೊಳ್ಳಲಾಯಿತು. ಇದರಲ್ಲಿ ಹಿರಿಯ ವರ್ಗದ ವಿದ್ಯಾರ್ಥಿಗಳಿಂದ ತಲಾ 1 ಲಕ್ಷ 20 ಸಾವಿರ ರೂಪಾಯಿ ಮತ್ತು ಕಿರಿಯ ವರ್ಗದ ವಿದ್ಯಾರ್ಥಿಗಳಿಂದ ತಲಾ 40 ಸಾವಿರ ದಂಡ ವಿಧಿಸಲಾಗಿದೆ. ಇದರೊಂದಿಗೆ ವಸತಿಗೃಹದಲ್ಲಿ ನೀಡಲಾಗಿರುವ ಸೌಲಭ್ಯಗಳನ್ನು ಕೂಡ ಈ ವಿದ್ಯಾರ್ಥಿಗಳಿಗೆ ನಿರಾಕರಿಸಿರುವ ಮಾಹಿತಿ ಸಂಸ್ಥೆಯ ಆಡಳಿತ ದೊರಕಿದೆ.