ಪಾಕಿಸ್ತಾನ ಆಕ್ರಮಿತ ಜಮ್ಮು ಕಾಶ್ಮೀರ್ ಪಾಕಿಸ್ತಾನದ ಸಾಂವಿಧಾನಿಕ ದೃಷ್ಟಿಯಿಂದ ಭೂಪ್ರದೇಶವಲ್ಲ !

ಪಾಕಿಸ್ತಾನ ಆಕ್ರಮಿತ ಕಾಶ್ಮೀರದಲ್ಲಿ ಸಂಘಟನೆಯ ನಾಯಕರ ಸ್ಪಷ್ಟನೆ

ಇಸ್ಲಾಮಾಬಾದ (ಪಾಕಿಸ್ತಾ) – ಪಾಕಿಸ್ತಾನ ಆಕ್ರಮಿತ ಜಮ್ಮು ಕಾಶ್ಮೀರ್ ಇದು ಸಾಂವಿಧಾನಿಕ ದೃಷ್ಟಿಯಿಂದ ಪಾಕಿಸ್ತಾನದ ಭೂಪ್ರದೇಶ ಅಲ್ಲ ಎಂದು ಪಾಕಿಸ್ತಾನ ಆಕ್ರಮಿತ ಕಾಶ್ಮೀರದಲ್ಲಿನ ಪ್ರಮುಖ ನಗರ ಮೀರಪುರ ನ ಅವಾಮಿ ಕೃತಿ ಸಮಿತಿಯ ಮುಖ್ಯ ನಾಯಕ ಆರೀಫ್ ಚೌದರಿ ಅವರು ಹೇಳಿಕೆ ನೀಡಿದರು. ಅವರು ಪತ್ರಕರ್ತರ ಸಭೆಯಲ್ಲಿ ಮಾತನಾಡುತ್ತಿದ್ದರು.

ಪಾಕಿಸ್ತಾನಿ ಸರಕಾರ ಪಾಕ್ ಆಕ್ರಮಿತ ಕಾಶ್ಮೀರದಲ್ಲಿನ ಜನರ ಜೊತೆಗೆ ಒಳ್ಳೆಯ ರೀತಿಯಾಗಿ ವರ್ತಿಸುತ್ತಿಲ್ಲ ಮತ್ತು ಅವರ ಮೂಲಭೂತ ಸೌಕರ್ಯಗಳ ಕಾಳಜಿ ವಹಿಸುತ್ತಿಲ್ಲ. ಈ ಪ್ರದೇಶದಲ್ಲಿನ ಜನರು ಅನೇಕ ದಶಕಗಳಿಂದ ದಬ್ಬಾಳಿಕೆಯಲ್ಲಿ, ನಿರ್ಲಕ್ಷತೆಯಲ್ಲಿ ಮತ್ತು ತೊಂದರೆಗಳನ್ನು ಎದುರಿಸುತ್ತಿದ್ದಾರೆ. ನಮ್ಮನ್ನು ಲೂಟಿ ಮಾಡಲಾಗುತ್ತಿದೆ. ಬಲವಂತವಾಗಿ ಸ್ಥಳಾಂತರಿಸಲಾಗುತ್ತಿದೆ. ಪಾಕಿಸ್ತಾನವು ಇಲ್ಲಿನ ಜನರ ಮೇಲೆ ದೌರ್ಜನ್ಯ ನಡೆಸುತ್ತಿದೆ. ಪಾಕಿಸ್ತಾನದ ಸಂವಿಧಾನದ ಕಲಂ ೨೫೭ ರ ಪ್ರಕಾರ ಪಾಕ್ ಆಕ್ರಮಿತ ಕಾಶ್ಮೀರವು ಪಾಕಿಸ್ತಾನದ ಪ್ರದೇಶವೇ ಅಲ್ಲ. ಈ ಪ್ರದೇಶದ ಬಗ್ಗೆ ಭಾರತ ಮತ್ತು ಪಾಕಿಸ್ತಾನದ ನಡುವೆ ೧೯೪೦ ರ ದಶಕದಿಂದ ವಿಶ್ವ ಸಂಸ್ಥೆಯ ಸಭೆಯಲ್ಲಿ ಒಪ್ಪಂದ ನಡೆದಿತ್ತು. ಈ ಒಪ್ಪಂದದಂತೆ ೨೬ ಮೊಕದ್ದಮೆಗಳ ನಿರ್ಣಯ ತೆಗೆದುಕೊಳ್ಳುವ ಹಕ್ಕು ಪಾಕಿಸ್ತಾನ ಆಕ್ರಮಿತ ಕಾಶ್ಮೀರದಲ್ಲಿನ ಜನರಿಗೆ ನೀಡಲಾಗಿತ್ತು; ಆದರೆ ಇಲ್ಲಿನ ಜನರಿಗೆ ಇಲ್ಲಿಯವರೆಗೆ ಈ ಹಕ್ಕು ದೊರೆತಿಲ್ಲ ಎಂದು ಚೌದರಿ ಖೇದ ವ್ಯಕ್ತಪಡಿಸಿದರು.