‘ನಮ್ಮ ಸರಕಾರ ಬಂದ ನಂತರ ಜಮ್ಮು ಕಾಶ್ಮೀರದಲ್ಲಿನ ಮಹಾರಾಷ್ಟ್ರ ಭವನ ಮುಚ್ಚುತ್ತಾರಂತೆ !

ಓಮರ್ ಅಬ್ದುಲ್ಲ ಇವರ ಬೆದರಿಕೆ !

ಶ್ರೀನಗರ (ಜಮ್ಮು ಕಾಶ್ಮೀರ) – ಮಹಾರಾಷ್ಟ್ರ ಸರಕಾರದಿಂದ ಜಮ್ಮು ಕಾಶ್ಮೀರದಲ್ಲಿ ‘ಮಹಾರಾಷ್ಟ್ರ ಭವನ’ ಕಟ್ಟಲು ಅನುಮತಿ ದೊರೆತಿದೆ. ಕಾಶ್ಮೀರದ ಬಡಗಾಮದಲ್ಲಿ ಎರಡುವರೆ ಎಕರೆ ಭೂಮಿಯಲ್ಲಿ ಈ ಭವನ ಕಟ್ಟುವರು. ಶ್ರೀನಗರ ವಿಮಾನ ನಿಲ್ದಾಣದ ಹತ್ತಿರ ಈ ಜಾಗ ಇದೆ. ಇಲ್ಲಿ ರಾಜ್ಯದ ಭವನ ಕಟ್ಟುವ ಮಹಾರಾಷ್ಟ್ರ ಇದು ಮೊದಲನೆಯ ರಾಜ್ಯವಾಗಲಿದೆ. ಮಹಾರಾಷ್ಟ್ರ ಭವನಕ್ಕೆ ಜಮ್ಮು ಕಾಶ್ಮೀರದ ಮಾಜಿ ಮುಖ್ಯಮಂತ್ರಿ ಮತ್ತು ನ್ಯಾಷನಲ್ ಕಾಂಫರೆನ್ಸ್ ನ ಉಪಾಧ್ಯಕ್ಷ ಓಮರ್ ಅಬ್ದುಲ್ಲಾ ಇವರು ವಿರೋಧಿಸಿದ್ದಾರೆ. ‘ಬರುವ ಅಕ್ಟೋಬರ್ ತಿಂಗಳಲ್ಲಿ ನಮ್ಮ ಸರಕಾರ ಅಧಿಕಾರಕ್ಕೆ ಬಂದ ನಂತರ ಈ ಭವನ ಮುಚ್ಚುವೆವು’ ಎಂದು ಅವರು ಬೆದರಿಕೆ ನೀಡಿದರು. ‘ಮಹಾರಾಷ್ಟ್ರ ಭವನದಿಂದ ಸ್ಥಳೀಯ ಹೋಟೆಲ್ ಉದ್ಯಮಿಗಳ ಉದ್ಯೋಗ ಕಸಿದುಕೊಳ್ಳಲಾಗುವುದು, ಎಂದು ಅವರು ದಾವೆ ಮಾಡಿದ್ದಾರೆ. ಕುಲಗಾಮ ಇಲ್ಲಿ ನಡೆದಿರುವ ಬಹಿರಂಗ ಸಭೆಯಲ್ಲಿ ಅವರು ಮಾತನಾಡುತ್ತಿದ್ದರು.

JKNC VP @OmarAbdullah on the construction of Maharashtra Bhavan in Kashmir-pic.twitter.com/7rcd8rCV1E

— JKNC (@JKNC_) March 18, 2024

ಓಮರ್ ಅಬ್ದುಲ್ಲ ಇವರು, ಮಹಾರಾಷ್ಟ್ರ ಭವನದ ಉಪಯೋಗ ಪ್ರವಾಸೋದ್ಯಮಕ್ಕಾಗಿ ಮಾಡಲಾಗುವುದು. ಆ ಪ್ರವಾಸಿಗರು ಈಗ ರಾಜ್ಯದಲ್ಲಿನ ಹೋಟೆಲ್‌ಗಳಲ್ಲಿ ವಾಸಿಸುತ್ತಾರೆ. ಸ್ಥಳೀಯ ಹೋಟೆಲ್ ಉದ್ಯೋಗದಿಂದ ಅವರ ದುಡಿಮೆ ಕಸಿದುಕೊಳ್ಳಲಾಗುವುದು ಎಂದು ಹೇಳಿದರು.

ಉದ್ದವ ಬಾಳಸಾಹೇಬ ಠಾಕ್ರೆ ಗುಂಪಿಗೆ ಇದು ಒಪ್ಪಿಗೆ ಇದೆಯೇ ? – ಮುಖ್ಯಮಂತ್ರಿ ಏಕನಾಥ ಶಿಂದೆ ಇವರ ಪ್ರಶ್ನೆ

ಮುಖ್ಯಮಂತ್ರಿ ಏಕನಾಥ ಶಿಂಧೆ ಇವರು, ಜಮ್ಮು ಕಾಶ್ಮೀರಕ್ಕೆ ಭೇಟಿ ನೀಡಿದ ನಂತರ ಆ ಸ್ಥಳದಲ್ಲಿ ಭೂಮಿ ಖರೀದಿ ಮತ್ತು ಪ್ರವಾಸಿಗರ ಸೌಲಭ್ಯ ನೀಡುವ ಪ್ರಕ್ರಿಯೆ ಆರಂಭವಾಗಿದೆ. ಓಮರ್ ಅಬ್ದುಲ್ಲ ಇವರ ಹೇಳಿಕೆಯ ಬಗ್ಗೆ ಮುಖ್ಯಮಂತ್ರಿ ಶಿಂದೆ ಇವರು, ಭಕ್ತರು ಅಮರನಾಥ ಯಾತ್ರೆಗೆ ಹೋಗುತ್ತಾರೆ ಆ ಯಾತ್ರಿಕರಿಗಾಗಿ ನಾನು ಸ್ವತಃ ಜಮ್ಮು ಕಾಶ್ಮೀರದ ರಾಜ್ಯಪಾಲರ ಬಳಿ ಮಹಾರಾಷ್ಟ್ರ ಭವನ ಕಟ್ಟಲು ವಿನಂತಿಸಿದ್ದೇನೆ. ಅವರು ಈ ಬೇಡಿಕೆ ಒಪ್ಪಿಗೆ ನೀಡಿದ್ದಾರೆ ಎಂದು ಹೇಳಿದರು. ಓಮರ್ ಅಬ್ದುಲ್ಲಾ ಇವರು, ‘ನಾನು ಮಹಾರಾಷ್ಟ್ರ ಭವನ ಆಗಲು ಬಿಡುವುದಿಲ್ಲ.’ ಎಂದು ಹೇಳುತ್ತಾರೆ, ಈ ದ್ವೇಷ ಉದ್ದವ ಬಾಳಾಸಾಹೇಬ ಠಾಕ್ರೆ ಇವರಿಗೆ ಒಪ್ಪಿಗೆ ಇದೆಯೇ ? ಯಾರು ‘ಮಹಾರಾಷ್ಟ್ರ ಭವನ ಆಗಲು ಬಿಡುವುದಿಲ್ಲ’ ಎಂದು ಮಾತನಾಡುತ್ತಾರೆ, ಅವರ ಹೆಗಲ ಮೇಲೆ ಕೈ ಹಾಕಿ ಯಾವ ಗುಂಪು ಕೂರುತ್ತದೆ, ಇದು ಎಷ್ಟು ನಾಚಿಕೆಗೇಡು ಮತ್ತು ದುರಾದೃಷ್ಟಕರವಾಗಿದೆ ಎಂದು ಹೇಳಿದರು.