ತ್ರಿವಳಿ ತಲಾಖ್ ವಿರೋಧಿ ಕಾನೂನು ಆಗಿ 5 ವರ್ಷಗಳು ಪೂರ್ಣಗೊಂಡರೂ ಘಟನೆಗಳಲ್ಲಿ ಕಾಣದ ಇಳಿಕೆ !

ಕಳೆದ 5 ವರ್ಷಗಳಲ್ಲಿ, 13 ಲಕ್ಷದ 7 ಸಾವಿರಕ್ಕೂ ಹೆಚ್ಚು ಮುಸ್ಲಿಂ ಮಹಿಳೆಯರಿಗೆ ತ್ರಿವಳಿ ತಲಾಖ್ !

ನವದೆಹಲಿ – ಕೇಂದ್ರ ಸರಕಾರವು ಮುಸ್ಲಿಂ ಮಹಿಳೆಯರಿಗಾಗಿರುವ ‘ತ್ರಿವಳಿ ತಲಾಖ್’ (ಮೂರು ಬಾರಿ ‘ತಲಾಖ್ ತಲಾಖ್ ತಲಾಕ್’ ಎಂದು ಹೇಳುವ ಮೂಲಕ ವಿಚ್ಛೇದನ) ಅನ್ನು ಕಾನೂನು ಮೂಲಕ ರದ್ದುಗೊಳಿಸಿದೆ. ಇದು ಈಗ 5 ವರ್ಷ ಪೂರ್ಣಗೊಂಡಿದೆ; ಆದರೆ ಇನ್ನೂ ತ್ರಿವಳಿ ತಲಾಖ್ ಪ್ರಕರಣಗಳು ಕಡಿಮೆಯಾಗಿಲ್ಲ. ಕೇಂದ್ರ ಕಾನೂನು ಸಚಿವಾಲಯದ ಅಂಕಿಅಂಶಗಳ ಪ್ರಕಾರ, 2023 ರಲ್ಲಿ 1 ಲಕ್ಷದ 57 ಸಾವಿರದ 725 ಮುಸ್ಲಿಂ ಮಹಿಳೆಯರಿಗೆ ತ್ರಿವಳಿ ತಲಾಖ್ ನೀಡಲಾಗಿದೆ. ಇವರಲ್ಲಿ ಹೆಚ್ಚಿನ ಮಹಿಳೆಯರು ಬಡವರಾಗಿದ್ದಾರೆ.

ಅ. ಸೆಪ್ಟೆಂಬರ್ 19, 2018 ರಂದು ಕಾನೂನು ಜಾರಿಗೆ ಬಂದ ನಂತರ, 13 ಲಕ್ಷದ 7 ಸಾವಿರಕ್ಕೂ ಹೆಚ್ಚು ತ್ರಿವಳಿ ತಲಾಖ್ ಪ್ರಕರಣಗಳು ನಡೆದಿವೆ. 2019 ರಲ್ಲಿ 2 ಲಕ್ಷ 69 ಸಾವಿರ, 2020 ರಲ್ಲಿ 95 ಸಾವಿರ, 2021 ರಲ್ಲಿ 5 ಲಕ್ಷ 41 ಸಾವಿರ ಮತ್ತು 2022 ರಲ್ಲಿ 2 ಲಕ್ಷ 45 ಸಾವಿರ ಘಟನೆಗಳು ನಡೆದಿವೆ. ಈ ಪ್ರಕರಣಗಳಲ್ಲಿ ಈ ಮಹಿಳೆಯರಿಗೆ ವಿವಿಧ ಸರಕಾರಿ ಪ್ರಾಧಿಕರಣಗಳ ಮೂಲಕ ಕಾನೂನು ನೆರವು ನೀಡಿದರು.

ಆ. ಸುಪ್ರೀಂ ಕೋರ್ಟ್ ನ ಮಾಜಿ ನ್ಯಾಯಮೂರ್ತಿ ಬಿ.ಎಸ್. ಚೌಹಾಣ ಇವರು, ಈ ನಿಟ್ಟಿನಲ್ಲಿ ಮುಸ್ಲಿಮರ ದೊಡ್ಡ ನಾಯಕರು ಸಮಾಜದಲ್ಲಿ ಜಾಗೃತಿ ಮೂಡಿಸುವುದು ಅಗತ್ಯವಾಗಿದೆ. ಈ ಕಾಯಿದೆಯ ಕಠಿಣ ಷರತ್ತುಗಳನ್ನು ತಿಳಿಸಬೇಕು. ಅಲ್ಲದೆ ಸಂತ್ರಸ್ತೆಯ ಹೇಳಿಕೆಯನ್ನು ಕೇಳದೆ ಮಧ್ಯಂತರ ಜಾಮೀನಿನ ಮೇಲೆ ಪತಿ ವಿಚಾರಣೆ ನಡೆಸಬಾರದು. ಇದು ಜನರಲ್ಲಿ ಭಯವನ್ನು ಹುಟ್ಟುಹಾಕುತ್ತದೆ ಮತ್ತು ಅವರು ಕಾನೂನನ್ನು ಪಾಲಿಸುತ್ತಾರೆ. ನ್ಯಾಯಾಲಯಗಳು ಕೂಡ ಇಂತಹ ಪ್ರಕರಣಗಳನ್ನು ಕಟ್ಟುನಿಟ್ಟಾಗಿ ನೋಡಬೇಕು.