ಕಾಣೆಯಾದ ಶ್ರೀ ಭವಾನಿದೇವಿಯ ಚಿನ್ನದ ಕಿರೀಟ ಪತ್ತೆ !

ತುಳಜಾಪುರ (ಧಾರಾಶಿವ ಜಿಲ್ಲೆ) – ನಾಪತ್ತೆಯಾಗಿದ್ದ ತುಳಜಾಪುರ (ಜಿಲ್ಲೆ ಧಾರಾಶಿವ) ಶ್ರೀ ಭವಾನಿದೇವಿಯ ಚಿನ್ನದ ಕಿರೀಟ ಪತ್ತೆಯಾಗಿದೆ ಎಂದು ಚಿನ್ನದ ಎಣಿಕೆ ಸಮಿತಿ ಸದಸ್ಯ ಹಾಗೂ ಪೂಜಾರಿ ಮಂಡಲದ ಅಧ್ಯಕ್ಷ ಅಮರರಾಜೇ ಕದಂ ಹೇಳಿದ್ದಾರೆ. ಈ ಕಿರೀಟವು ಶ್ರೀ ತುಳಜಾಭವಾನಿ ದೇವಸ್ಥಾನದಲ್ಲಿನ ಹಿತ್ತಾಳೆಯ ಪೆಟ್ಟಿಗೆಯಲ್ಲಿ ಕಂಡುಬಂದಿದೆ ಎಂದು ಹೇಳಲಾಗುತ್ತದೆ. 826 ಗ್ರಾಂ ತೂಕದ ಚಿನ್ನದ ಕಿರೀಟ ಕಾಣೆಯಾಗಿದೆ ಎಂದು ಏಣಿಕೆ ಸಮಿತಿಯ ವರದಿಯಲ್ಲಿ ನೊಂದಾಯಿಸಿತ್ತು; ಆದರೆ ಈಗ ಅದೇ ಕಿರೀಟ ಸಿಕ್ಕಿದೆ ಎಂದು ಕದಂ ಹೇಳಿಕೊಂಡಿದ್ದಾರೆ. ಆದರೆ ಈ ಬಗ್ಗೆ ದೇವಸ್ಥಾನದ ಆಡಳಿತ ಮಂಡಳಿ ಯಾವುದೇ ಪ್ರತಿಕ್ರಿಯೆ ನೀಡಿಲ್ಲ.

2009 ರಿಂದ 2023 ರ ಅವಧಿಯಲ್ಲಿ ಶ್ರೀ ಭವಾನಿದೇವಿಗೆ ಭಕ್ತರು ಅರ್ಪಿಸಿದ ಚಿನ್ನ, ಬೆಳ್ಳಿ ಮತ್ತು ಬೆಲೆಬಾಳುವ ವಸ್ತುಗಳ ಎಣಿಕೆಯನ್ನು ಕೆಲವು ದಿನಗಳ ಹಿಂದೆ ದೇವಾಲಯ ಸಂಸ್ಥಾನದಿಂದ ಮಾಡಲಾಯಿತು. 27 ಆಭರಣಗಳ ಪೈಕಿ 4 ಆಭರಣಗಳು ನಾಪತ್ತೆಯಾಗಿರುವುದು ಪತ್ತೆಯಾಗಿತ್ತು. ಅದರಲ್ಲಿ ಮಂಗಳಸೂತ್ರ, 826 ಗ್ರಾಂ ತೂಕದ ಚಿನ್ನದ ಕಿರೀಟವೂ ಸೇರಿತ್ತು. ಈ ಕಳ್ಳತನವನ್ನು ಮರೆಮಾಡಲು ಮತ್ತೊಂದು ಕಿರೀಟವನ್ನು ಇಡಲಾಗಿದೆ ಎಂದು ವರದಿಯಾಗಿತ್ತು.