ದೀಪಾವಳಿ ವೇಳೆಯೇ ‘ಪ್ಲೇ ಸ್ಟೋರ್‌’ನಿಂದ ಸನಾತನ ಸಂಸ್ಥೆಯ ೫ ಆಪ್ಸ್ ತೆಗೆದ ‘ಗೂಗಲ್’ !

ಮುಂಬಯಿ – ಸನಾತನ ಸಂಸ್ಥೆ ಸಾತ್ತ್ವಿಕ ಆಚಾರವನ್ನು ಪಾಲಿಸುವುದು, ಧರ್ಮಶಿಕ್ಷಣ ಮತ್ತು ಸಾಧನೆಯ ವಿಷಯದಲ್ಲಿ ಮಾರ್ಗದರ್ಶನ ಮಾಡುವ ಅನೇಕ ‘ಆಪ್ಸ್‌’ ತಯಾರಿಸಿ, ಆ ಮೂಲಕ ಕಳೆದ ಅನೇಕ ವರ್ಷಗಳಿಂದ ಅಧ್ಯಾತ್ಮದ ಪ್ರಸಾರ ಮಾಡುತ್ತಿದೆ. ಇದಕ್ಕಾಗಿ, ಈ ಆಪ್ಸ್ ಗೂಗಲ್‌ ಪ್ಲೇ ಸ್ಟೋರ್‌ನಲ್ಲಿ ಉಚಿತವಾಗಿ ಲಭ್ಯವಿವೆ; ಆದಾಗ್ಯೂ, ದೀಪಾವಳಿ ಹಬ್ಬದ ಸಮಯದಲ್ಲಿಯೇ ಅಂದರೆ ನವೆಂಬರ್‌ ೮ ರಿಂದ ಸನಾತನ ಸಂಸ್ಥೆಯ ೫ ಆಪ್ಸ್ ಅಲ್ಲಿಂದ ತೆಗೆದುಹಾಕಲಾಗಿದೆ, ಅಂದರೆ ‘ಸಸ್ಪೆಂಡ್’ ಮಾಡಲಾಗಿದೆ. ಈ ವಿಷಯದಲ್ಲಿ ‘ಗೂಗಲ್’ ಸನಾತನ ಸಂಸ್ಥೆಗೆ ಯಾವುದೇ ಮುನ್ಸೂಚನೆ ನೀಡಿಲ್ಲ. ಪ್ರಕ್ರಿಯೆಯ ನಂತರ, ಗೂಗಲ್‌ ನಿಂದ ‘ಕಂಟೆಂಟ ರಿಲೇಟೆಡ್‌ ಟು ಮೂವಮೆಂಟ್ಸ ಆರ್‌ ಅರ್ಗನೈಸೇಶನ್‌ ಅಸೋಸಿಯೇಟೆಡ್‌ ವಿತ್‌ ವಾಯಲೆನ್ಸ ಅಗೇನ್ಸ್ಟ ಸಿವಿಲಿಯನ್ಸ’ (ನಾಗರಿಕರ ವಿರುದ್ಧ ಹಿಂಸಾಚಾರದಲ್ಲಿ ತೊಡಗಿರುವ ಸಂಘಟನೆಗಳೊಂದಿಗೆ ಸಂಬಂಧಿಸಿದ ಮಾಹಿತಿ) ಇರುವುದರಿಂದ ಈ ‘ಆಪ್ಸ್‌’ ತೆಗೆಯುತ್ತಿದ್ದೇವೆ’ ಎಂದು ಇ- ಮೇಲ್‌ ಮೂಲಕ ತಿಳಿಸಲಾಗಿದೆ. ‘ಸಸ್ಪೆಂಡ್’ ಮಾಡಿರುವ ಆಪ್‌ ಗಳಲ್ಲಿ, ‘ಸನಾತನ ಚೈತನ್ಯವಾಣಿ’ ಆಪ್ಸ್ ಗೆ ೬೫ ಸಾವಿರ ಬಳಕೆದಾರರು ಇದ್ದಾರೆ. ಈ ಆಪ್‌ನಲ್ಲಿ ವಿವಿಧ ದೇವತೆಗಳ ನಾಮಜಪ, ಶ್ಲೋಕ, ಸ್ತೋತ್ರಗಳು ಮುಂತಾದವುಗಳಿವೆ. ‘ಶ್ರಾದ್ಧವಿಧಿ’ ಆಪ್‌ ನಲ್ಲಿ ಹಿಂದೂ ಧರ್ಮದ ‘ಶ್ರಾದ್ಧಕರ್ಮ’ ಈ ವಿಷಯದ ಅಧ್ಯಾತ್ಮಶಾಸ್ತ್ರದ ಮಾಹಿತಿಯನ್ನು ನೀಡಲಾಗಿದ್ದು, ಈ ವಿಷಯದಲ್ಲಿ ಸಂದೇಹ ನಿವಾರಣೆಯನ್ನು ಕೂಡ ಮಾಡಲಾಗಿದೆ. ‘ಶ್ರೀ ಗಣೇಶ ಪೂಜಾ ಮತ್ತು ಆರತಿ’ ಆಪ್‌ ನಲ್ಲಿ, ಶ್ರೀ ಗಣೇಶಪೂಜೆಯ ಬಗ್ಗೆ ವಿವರವಾದ ಅಧ್ಯಾತ್ಮಶಾಸ್ತ್ರೀಯ ಮಾಹಿತಿಯನ್ನು ನೀಡಲಾಗಿದೆ. ಈ ಆಪ್‌ ಮೂಲಕ ಸಮಾಜಕ್ಕೆ ಸಾಧನೆ ಮತ್ತು ಧಾರ್ಮಿಕ ಕೃತಿಗಳನ್ನು ಒಳ್ಳೆಯ ರೀತಿಯಲ್ಲಿ ಮಾಡಲು ಮಾರ್ಗದರ್ಶನ ಸಿಗುತ್ತಿದೆ. ‘ಈ ಆಪ್‌ ನಿಂದ ಹಿಂಸಾಚಾರಕ್ಕೆ ಪ್ರೋತ್ಸಾಹ ಹೇಗೆ ಸಿಗುತ್ತದೆ ?’ ಎಂದು ಸನಾತನ ಸಂಸ್ಥೆ ಪ್ರಶ್ನಿಸಿದೆ.

‘ಗೂಗಲ್’ ಮಾಡಿರುವ ಈ ಕ್ರಮವನ್ನು ಸನಾತನ ಸಂಸ್ಥೆಯು ಖಂಡಿಸುತ್ತದೆ. ಹಾಗೆಯೇ ಈ ವಿಷಯದಲ್ಲಿ ಕಾನೂನು ಸಲಹೆ ತೆಗೆದುಕೊಳ್ಳುತ್ತಿದೆ ಎಂದೂ ಸನಾತನ ಸಂಸ್ಥೆಯ ವತಿಯಿಂದ ತಿಳಿಸಲಾಗಿದೆ. ಆಪ್‌ ಬಳಕೆದಾರರಿಗಾಗಿ ಈ ಆಪ್‌ ಗಳಲ್ಲಿನ ಮಾಹಿತಿಯು Sanatan.orgSanatan.org ಈ ಜಾಲತಾಣದಲ್ಲಿ ಉಚಿತವಾಗಿ ಲಭ್ಯವಿದೆ ಮತ್ತು ಪ್ರತಿಯೊಬ್ಬರೂ ತಪ್ಪದೇ ಇದರ ಲಾಭವನ್ನು ಪಡೆದುಕೊಳ್ಳಬೇಕು, ಎಂದೂ ಸಂಸ್ಥೆಯ ವತಿಯಿಂದ ಕರೆ ನೀಡಲಾಗಿದೆ.