ಭಾರತದ ವಿರೋಧದ ಬಳಿಕವೂ ಚೀನಾದ ಬೇಹುಗಾರಿಕಾ ಹಡಗು ತನ್ನ ಬಂದರಿಗೆ ಬರಲು ಶ್ರೀಲಂಕಾದಿಂದ ಅನುಮತಿ.!

ಕೊಲಂಬೊ (ಶ್ರೀಲಂಕಾ) – ಶ್ರೀಲಂಕಾವು ಭಾರತದ ವಿರೋಧದ ಬಳಿಕವೂ ಚೀನಾದ ಬೇಹುಗಾರಿಕಾ ಹಡಗನ್ನು ತನ್ನ ಬಂದರಿಗೆ ಪ್ರವೇಶಿಸಲು ಅನುಮತಿ ನೀಡಿದೆ. ಶ್ರೀಲಂಕಾದ ವಿದೇಶಾಂಗ ಸಚಿವ ಅಲಿ ಸಬ್ರಿ ಇವರು ಮಾತನಾಡಿ ‘ಚೀನಾದ ‘ಕ್ಸಿ ಯಾನ್-6’ ಹಡಗು ನವೆಂಬರ್ 25 ರಂದು ಶ್ರೀಲಂಕಾದ ಹಂಬನಟೋಟಾಕ್ಕೆ ಬರಲಿದೆ.” ಎಂದು ಹೇಳಿದರು. ಭಾರತವು ಈ ಬಗ್ಗೆ ವಿರೋಧಿಸಿರುವ ವಿಷಯದ ಕುರಿತು ಅಲಿ ಸಾಬ್ರಿ ಮಾತನಾಡಿ, ನಮ್ಮ ಮೇಲೆ ಇತರ ದೇಶಗಳಿಂದಲೂ ಒತ್ತಡವಿತ್ತು; ಆದರೆ ನಾವು ಎಲ್ಲ ದೇಶಗಳೊಂದಿಗೆ ಸಮತೋಲನವನ್ನು ಕಾಯ್ದುಕೊಳ್ಳಲು ಬಯಸುತ್ತೇವೆ ಎಂದರು. (ಸಮತೋಲನ ಸಾಧಿಸುವ ಹೆಸರಿನಲ್ಲಿ ಭಾರತಕ್ಕೆ ದಕ್ಕೆಯಾಗಿದೆ, ಎಂಬುದನ್ನು ಭಾರತವು ಗಮನಕ್ಕೆ ತೆಗೆದುಕೊಂಡು ಶ್ರೀಲಂಕಾಕ್ಕೆ ತಕ್ಕ ಪಾಠ ಕಲಿಸುವುದು ಆವಶ್ಯಕವಿದೆ ! – ಸಂಪಾದಕರು)

ಚೀನಾದ ಈ ಹಡಗು ಸಂಶೋಧನೆಯ ಹೆಸರಿನಲ್ಲಿ ಬೇಹುಗಾರಿಕೆ ನಡೆಸುತ್ತದೆ. ಅದರ ಮೇಲೆ ಇರುವ ಯಂತ್ರದ ಮೂಲಕ ಬೇಹುಗಾರಿಕೆ ನಡೆಸಲಾಗುತ್ತದೆ. ಈ ವ್ಯವಸ್ಥೆಯಿಂದ ಸಿಗುವ ಮಾಹಿತಿಯನ್ನು ಉಪಗ್ರಹದ ಮೂಲಕ ಚೀನಾಕ್ಕೆ ಕಳುಹಿಸಲಾಗುತ್ತದೆ. ಈ ಹಡಗು ಶ್ರೀಲಂಕಾದಲ್ಲಿ ಬಂದು ನಿಂತ ಬಳಿಕ ದಕ್ಷಿಣ ಭಾರತದ ಕೇರಳ, ಆಂಧ್ರಪ್ರದೇಶ ಮತ್ತು ತಮಿಳುನಾಡಿನ ಕರಾವಳಿ ನಗರಗಳು ಮತ್ತು ನೌಕಾ ನೆಲೆಗಳ ಬಗ್ಗೆ ಗೌಪ್ಯ ಮಾಹಿತಿಯನ್ನು ಸಂಗ್ರಹಿಸಬಹುದು.