ಶ್ರೀ ಕಾಶಿ ವಿಶ್ವನಾಥನ ಮಂಗಳಾರತಿಯ ಶುಲ್ಕ ಹೆಚ್ಚಳ !

ಭಕ್ತರು ೫೦೦ ರೂಪಾಯಿ ಪಾವತಿಸಬೇಕು !

ವಾರಾಣಸಿ (ಉತ್ತರಪ್ರದೇಶ) – ಫೆಬ್ರುವರಿ ೨೨ ರಂದು ನಡೆದಿದೆ. ‘ಶ್ರೀ ಕಾಶಿ ವಿಶ್ವನಾಥ ಮಂದಿರ ಟ್ರಸ್ಟ್ ‘ ನ ೧೦೪ ನೇ ಸಭೆಯಲ್ಲಿ ೧೨ ಜ್ಯೋತಿರ್ಲಿಂಗಗಳಲ್ಲಿ ಒಂದಾಗಿರುವ ಶ್ರೀ ಕಾಶಿ ವಿಶ್ವನಾಥನ ಮಂಗಳಾರತಿಯ ಶುಲ್ಕ ಹೆಚ್ಚಿಸುವ ನಿರ್ಣಯ ಕೈಗೊಳ್ಳಲಾಯಿತು. ಈ ಸಭೆಗೆ ದೇವಸ್ಥಾನ ಸಮಿತಿಯ ಅಧ್ಯಕ್ಷ ಪ್ರಾ. ನಾಗೇಂದ್ರ ಪಾಂಡೆ, ಮಂಡಲ ಆಯುಕ್ತ ಕೌಶಲ ರಾಜ ಶರ್ಮ, ಸರಕಾರಿ ಅಧಿಕಾರಿ ರಾಜಲಿಂಗಮ ಉಪಸ್ಥಿತರಿದ್ದರು.

Kashi Vishwanath temple ticket price will increase ➡The ticket price will be increased from Rs.350 to Rs.500. Proposal to increase Bhog Aarti from Rs 180 to Rs 300 Increased rates will be applicable in Vishwanath temple from March 1 #Varanasi pic.twitter.com/3dz6j8uSf1

— Ashish Raj Yadav (@Raj_Ashish32) February 23, 2023

ಬೆಳಗ್ಗಿನ ಜಾವ ೩ ರಿಂದ ೪ ರ ಸಮಯದಲ್ಲಿ ನಡೆಯುವ ಮಂಗಳಾರತಿಗಾಗಿ ಈಗ ಭಕ್ತರು ೫೦೦ ರೂಪಾಯಿ ಪಾವತಿಸಬೇಕು. ಹಿಂದೆ ಈ ಶುಲ್ಕ ೩೫೦ ರೂಪಾಯಿ ಅಷ್ಟು ಇತ್ತು. ಇದರ ಜೊತೆಗೆ ಸಪ್ತರ್ಷಿ ಆರತಿ, ಶೃಂಗಾರ ಪ್ರಸಾದ ಆರತಿ ಮತ್ತು ಮಧ್ಯಾಹ್ನ ಪ್ರಸಾದ ಆರತಿಯ ಶುಲ್ಕದಲ್ಲಿ ಕೂಡ ೧೨೦ ರೂಪಾಯಿ ಹೆಚ್ಚಿಸಲಾಗಿದೆ. ಈ ಆರತಿಗಾಗಿ ಈಗ ಒಟ್ಟು ೧೮೦ ರೂಪಾಯಿಯ ಬದಲು ೩೦೦ ರೂಪಾಯಿ ಪಾವತಿಸಬೇಕಿದೆ. ಈ ಶುಲ್ಕ ಹೆಚ್ಚಳವು ಮಾರ್ಚ್ ಒಂದರಿಂದ ಜಾರಿಯಾಗುವುದು. ೫ ವರ್ಷದ ನಂತರ ಈ ಶುಲ್ಕ ಹೆಚ್ಚಳ ಮಾಡಿದ್ದಾರೆ. ಈ ಹಿಂದೆ ೨೦೧೮ ರಲ್ಲಿ ಶುಲ್ಕ ಹೆಚ್ಚಳ ಮಾಡಿದ್ದರು. ವಿಶ್ವಸ್ತ ಮಂಡಳಿಯು, ದೇವಸ್ಥಾನದಲ್ಲಿ ಭಕ್ತರ ಜನದಟ್ಟಣೆ ನೋಡಿ ಶುಲ್ಕದಲ್ಲಿ ಹೆಚ್ಚಳ ಮಾಡಲಾಗಿದೆ ಎಂದು ಹೇಳಿದೆ.

ರುದ್ರಾಭಿಷೇಕ ಮತ್ತು ಪ್ರಸಾದದ ಶುಲ್ಕದಲ್ಲಿ ಹೆಚ್ಚಳವಿಲ್ಲ !

ದೇವಸ್ಥಾನದ ವಿಶೇಷ ಕಾರ್ಯಕಾರಿ ಅಧಿಕಾರಿ ಸುನಿಲ ಕುಮಾರ ವರ್ಮ ಇವರು, ಕೇವಲ ಆರತಿಯ ಶುಲ್ಕ ಹೆಚ್ಚಿಸಿದೆ, ರುದ್ರಾಭಿಷೇಕ ಮತ್ತು ಪ್ರಸಾದದ ಶುಲ್ಕದಲ್ಲಿ ಯಾವುದೇ ಬದಲಾವಣೆ ಮಾಡಿಲ್ಲ. ಈ ವರ್ಷ ದೇವಸ್ಥಾನಕ್ಕೆ ಎಂದರೆ ೨೦೨೨ – ೨೩ ರಲ್ಲಿ ೧೦೫ ಕೋಟಿ ರೂಪಾಯ ದಾನ ದೊರೆತಿದೆ. ಇಂದಿನ ಆಯವ್ಯಯ ೪೦ ಕೋಟಿ ರೂಪಾಯಿ ಅಷ್ಟು ಇದೆ ಎಂದು ಹೇಳಿದರು.