’ನಾನು ಭಾರತದ ವಿರೋಧಿಯಲ್ಲ !’ (ಅಂತೆ)

ನೇಪಾಳದ ನೂತನ ಪ್ರಧಾನಿ ಪುಷ್ಪ ಕಮಲ್ ದಹಲ್ ’ಪ್ರಚಂಡ’ರ ಹೇಳಿಕೆ !

ಕಠ್ಮಂಡು (ನೇಪಾಳ) – ನಾನು ಭಾರತದ ವಿರೋಧಿಯಲ್ಲ. ನಾನು ಪ್ರಧಾನ ಮಂತ್ರಿಯಾಗಿ ಆಯ್ಕೆಯಾದಾಗ ಮತ್ತು ರಾಷ್ಟ್ರಪತಿಗಳ ನಿವಾಸದಿಂದ ನಿರ್ಗಮಿಸಿದಾಗ, ಭಾರತದ ರಾಯಭಾರಿ ನನ್ನನ್ನು ಮೊದಲು ಅಭಿನಂದಿಸಿದರು. ಇದಾದ ಕೆಲವೇ ದಿನಗಳಲ್ಲಿ ಪ್ರಧಾನಿ ನರೇಂದ್ರ ಮೋದಿ ಅವರು ಟ್ವೀಟ್ ಮಾಡಿ ನನಗೆ ಅಭಿನಂದನೆ ಸಲ್ಲಿಸಿದ್ದಾರೆ. ಅವರು ನನ್ನನ್ನು ಅಭಿನಂದಿಸಿದ ಮೊದಲ ಪ್ರಧಾನಿ ಎಂದು ನೇಪಾಳದ ನೂತನ ಪ್ರಧಾನಿ ಪುಷ್ಪ ಕಮಲ್ ದಹಲ್ ’ಪ್ರಚಂಡ’ ಇವರು ಸುದ್ದಿ ವಾಹಿನಿಗೆ ನೀಡಿದ ಸಂದರ್ಶನದಲ್ಲಿ ಹೇಳಿದರು.

Exclusive: Not Against #India, Will Forget Old Disputes, Says #NepalPM #PushpaKamalDahal ‘#Prachanda‘

Read More: https://t.co/thCCjJB3hh

— ABP LIVE (@abplive) December 27, 2022

ಪ್ರಧಾನಿ ಪ್ರಚಂಡ ತಮ್ಮ ಮಾತನ್ನು ಮುಂದುವರೆಸುತ್ತಾ, ಕೊನೇಯ ಬಾರಿ ನಾನು ಭಾರತಕ್ಕೆ ಭೇಟಿ ನೀಡಿದಾಗ, ಪ್ರಧಾನಿ ಮೋದಿ ಅವರೊಂದಿಗೆ ಹಲವಾರು ಅಂಶಗಳ ಬಗ್ಗೆ ಮುಕ್ತವಾಗಿ ಚರ್ಚಿಸಿದ್ದೇನೆ. ನೇಪಾಳ ಮತ್ತು ಭಾರತದ ನಡುವಿನ ಸಂಬಂಧವನ್ನು ಮತ್ತಷ್ಟು ಬಲಪಡಿಸಲು ಎರಡೂ ದೇಶಗಳ ನಡುವೆ ಮಾತುಕತೆಗಳು ನಡೆಯಬೇಕು. ಎರಡೂ ದೇಶಗಳು ಒಟ್ಟಿಗೆ ಕೆಲಸ ಮಾಡಬೇಕಾದ ಅನೇಕ ಸೂತ್ರಗಳಿವೆ. ಮತ್ತು ನಾವು ಈಗಾಗಲೇ ಈ ವಿಷಯವನ್ನು ಭಾರತದ ನಾಯಕರೊಂದಿಗೆ ಚರ್ಚಿಸಿದ್ದೇವೆ. ಎರಡೂ ದೇಶಗಳ ನಡುವಿನ ಸಂಬಂಧವು ಸರಿಯಾದ ದಿಕ್ಕಿನಲ್ಲಿ ಸಾಗಬೇಕು ಎಂದು ನಾನು ಭಾವಿಸುತ್ತೇನೆ ಎಂದು ಹೇಳಿದರು.

ಸಂಪಾದಕೀಯ ನಿಲುವು

ಪ್ರಧಾನಿ ಪ್ರಚಂಡ ಒಬ್ಬ ಕಮ್ಯುನಿಸ್ಟ್ ಸಿದ್ಧಾಂತ ಮತ್ತು ಚೀನಾಕ್ಕೆ ನಿಕಟವರ್ತಿ. ಆದ್ದರಿಂದ, ಭವಿಷ್ಯದಲ್ಲಿ ಭಾರತದ ವಿರುದ್ಧ ಚಟುವಟಿಕೆಗಳನ್ನು ನಡೆಸಲು ಚೀನಾ ಅವುಗಳನ್ನು ಬಳಸಲು ಪ್ರಯತ್ನಿಸಿದರೆ, ಪ್ರಚಂಡ ಹಾಗೆ ಮಾಡುವುದಿಲ್ಲ ಎಂದು ಅವರು ಭಾರತಕ್ಕೆ ಭರವಸೆ ನೀಡಬಹುದೇ ?

ಭಾರತ ಪರವಾದ ನೇಪಾಳಿ ನಾಯಕ ದೇವುಬಾ ಅವರ ಪಕ್ಷದೊಂದಿಗಿನ ಮೈತ್ರಿ ನಂತರ ಮೋಸ ಮಾಡಿ ಭಾರತ ವಿರೋಧಿ ಕೆ.ಪಿ. ಓಲಿ ಶರ್ಮಾ ಅವರೊಂದಿಗೆ ಕೈ ಜೋಡಿಸುವ ಪ್ರಧಾನ ಮಂತ್ರಿಯಾಗಿರುವ ಪ್ರಚಂಡ ಅವರನ್ನು ಯಾರು ನಂಬುತ್ತಾರೆ ?