ಸಂವಿಧಾನದ ಪ್ರಸ್ತಾವನೆಯಿಂದ ‘ಜಾತ್ಯತೀತ’ ಮತ್ತು ‘ಸಮಾಜವಾದ’ ಶಬ್ದಗಳನ್ನು ತೆಗೆದುಹಾಕಿರಿ !

ಭಾಜಪದ ಹಿರಿಯ ಮುಖಂಡ ಡಾ. ಸುಬ್ರಹ್ಮಣ್ಯಮ್ ಸ್ವಾಮಿಯವರ ಸರ್ವೋಚ್ಚ ನ್ಯಾಯಾಲಯದಲ್ಲಿ ಅರ್ಜಿ !

ನವ ದೆಹಲಿ – ಭಾರತೀಯ ಸಂವಿಧಾನದ ಪ್ರಸ್ತಾವನೆಯಲ್ಲಿರುವ ‘ಜಾತ್ಯತೀತ’ (ಸೆಕ್ಯುಲಿರಸಂ) ಮತ್ತು ‘ಸಮಾಜವಾದ’(ಸೋಶಲಿಸಂ) ಈ ಶಬ್ದವನ್ನು ತೆಗೆದುಹಾಕಬೇಕು, ಎನ್ನುವ ಅರ್ಜಿಯನ್ನು ಭಾಜಪದ ಮಾಜಿ ಸಂಸದ ಹಾಗೂ ಹಿರಿಯ ಮುಖಂಡ ಡಾ. ಸುಬ್ರಹ್ಮಣ್ಯಂ ಸ್ವಾಮಿಯವರು ಸರ್ವೋಚ್ಚ ನ್ಯಾಯಾಲಯದಲ್ಲಿ ದಾಖಲಿಸಿದ್ದಾರೆ. ಈ ಬಗ್ಗೆ ಸಪ್ಟೆಂಬರ ೨೩ ರಂದು ಆಲಿಕೆ ಆಗಲಿದೆ. ಅದರೊಂದಿಗೆ ಇದಕ್ಕೆ ಸಂಬಂಧಿಸಿದಂತೆ ದಾಖಲಿಸಲಾಗಿರುವ ಇನ್ನಿತರೆ ಅರ್ಜಿಗಳ ಮೇಲೆಯೂ ಆಲಿಕೆ ನಡೆಯಲಿದೆ. ‘ಮಾಜಿ ಪ್ರಧಾನಮಂತ್ರಿ ಇಂದಿರಾ ಗಾಂಧಿಯವರು ತುರ್ತುಪರಿಸ್ಥಿತಿಯ ಸಂದರ್ಭದಲ್ಲಿ ಅಂದರೆ ೧೯೭೬ ರಲ್ಲಿ ೪೨ನೇ ಕಲಂನಲ್ಲಿ ಬದಲಾವಣೆ ಮಾಡಿ ಪ್ರಸ್ತಾವನೆಯಲ್ಲಿ ಈ ಶಬ್ದವನ್ನು ಸೇರಿಸಿದ್ದರು’, ಎಂದು ಈ ಅರ್ಜಿಯಲ್ಲಿ ನಮೂದಿಸಲಾಗಿದೆ.

Subramanian Swamy’s Plea To Delete “Socialism” & “Secularism” From Preamble To Constitution : Supreme Court To Hear On Sep 23https://t.co/NoCg4cuwzk

— Subramanian Swamy (@Swamy39) September 2, 2022

೧. ಡಾ. ಸ್ವಾಮಿಯವರು ಅರ್ಜಿಯಲ್ಲಿ ಕೇಶವಾನಂದ ಭಾರತಿಯವರ ಪ್ರಕರಣದ ಉದಾಹರಣೆಯನ್ನು ನೀಡಿ ‘ಪ್ರಸ್ತಾವನೆಯು ಈ ಕಲಂನ ಮೂಲ ಪ್ರತಿಯ ಒಂದು ಭಾಗವಾಗಿದೆ, ಅದರಲ್ಲಿ ಬದಲಾವಣೆ ಮಾಡುವ ಅಧಿಕಾರ ಸರಕಾರಕ್ಕೆ ಇಲ್ಲ’, ಎಂದು ಹೇಳಿದ್ದಾರೆ.

೨. ಈ ಹಿಂದೆಯೂ ನ್ಯಾಯವಾದಿ ವಿಷ್ಣು ಶಂಕರ ಜೈನರವರು ಜುಲೈ ೨೦೨೦ ರಲ್ಲಿ ಮೇಲಿನಂತೆ ಅರ್ಜಿಯನ್ನು ದಾಖಲಿಸಿದ್ದರು. ಅದರಲ್ಲಿ ‘ಜಾತ್ಯತೀತ ಮತ್ತು ಸಮಾಜವಾದವು ರಾಜಕೀಯ ವಿಚಾರವಾಗಿದ್ದು ಅದನ್ನು ನಾಗರಿಕರ ಮೇಲೆ ಹೇರಲಾಗುತ್ತಿದೆ. ಈ ವಿಚಾರ ಭಾರತದ ಐತಿಹಾಸಿಕ ಮತ್ತು ಸಾಂಸ್ಕೃತಿಕ ವಿಚಾರಗಳ ವಿರುದ್ಧವಾಗಿದೆ. ಸಂವಿಧಾನದ ಕಲಂ ೧೯(೧)(ಅ) ನಲ್ಲಿ ನೀಡಿರುವ ಅಭಿವ್ಯಕ್ತಿ ಸ್ವಾತಂತ್ರ್ಯ ಮತ್ತು ಕಲಂ ೨೫ರಲ್ಲಿ ಧರ್ಮ ಸ್ವಾಯತ್ತತೆ ಅಧಿಕಾರಗಳ ಉಲ್ಲಂಘನೆಯ ದೃಷ್ಟಿಯಿಂದಲೂ ಇದು ಅನಧಿಕೃತವಾಗಿದೆ’, ಎಂದು ಅವರು ಹೇಳಿದ್ದರು.