ಬ್ಯಾಂಕ್‌ನ ತಪಾಸಣೆಯಲ್ಲೇ ಪತ್ತೆಯಾದ ಎರಡು ಸಾವಿರ ರೂಪಾಯಿಯ ೧೩ ಸಾವಿರದ ೬೦೪ ನಕಲಿ ನೋಟುಗಳು !

ನವ ದೆಹಲಿ – ಕೇಂದ್ರ ಸರಕಾರವು ಸಂಸತ್ತಿನ ಇತ್ತೀಚಿನ ಅಧಿವೇಶನದಲ್ಲಿ ಮಂಡಿಸಿದ ಮಾಹಿತಿಯ ಪ್ರಕಾರ, ೨೦೨೧-೨೦೨೨ರ ಅವಧಿಯಲ್ಲಿ ಬ್ಯಾಂಕ್‌ಗಳ ಸ್ವಯಂ ಪರಿಶೀಲನೆಯ ಸಮಯದಲ್ಲಿ ೨ ಸಾವಿರ ರೂಪಾಯಿಗಳ ೧೩ ಸಾವಿರದ ೬೦೪ ನಕಲಿ ನೋಟುಗಳು ಪತ್ತೆಯಾಗಿವೆ. ಇದಕ್ಕೆ ಹೋಲಿಸಿದರೆ, ೨೦೧೮-೧೯ ಮತ್ತು ೨೦೨೦-೨೧ರ ಅವಧಿಯಲ್ಲಿ ಈ ಅನುಪಾತವು ಕಡಿಮೆಯಿತ್ತು ಎಂದು ಸರಕಾರ ಹೇಳಿಕೊಂಡಿದೆ. ಮತ್ತೊಂದೆಡೆ ‘ನ್ಯಾಷನಲ್ ಕ್ರೈಮ್ ರೆಕಾರ್ಡ್ಸ್ ಬ್ಯೂರೊ’ದ ವಿವರಗಳ ಪ್ರಕಾರ, ೨೦೧೮ ರಿಂದ ೨೦೨೦ ರ ಅವಧಿಯಲ್ಲಿ ದೇಶದ ವಿವಿಧ ಸ್ಥಳಗಳಲ್ಲಿ ಪೊಲೀಸರು ನಡೆಸಿದ ದಾಳಿಗಳಲ್ಲಿ ನಕಲಿ ನೋಟುಗಳ ಸಂಖ್ಯೆಯಲ್ಲಿ ಹೆಚ್ಚಳ ಕಂಡುಬಂದಿದೆ. ೨೦೧೮ರಲ್ಲಿ ೫೪ ಸಾವಿರದ ೭೭೬, ೨೦೧೯ರಲ್ಲಿ ೯೦ ಸಾವಿರದ ೫೬೬, ೨೦೨೦ರಲ್ಲಿ ೨ ಲಕ್ಷ ೪೪ ಸಾವಿರದ ೮೩೪ ನಕಲಿ ನೋಟುಗಳನ್ನು ವಶಪಡಿಸಿಕೊಳ್ಳಲಾಗಿದೆ.
೨೦೧೬ ರಲ್ಲಿ ನೋಟಬಂದಿ ಮಾಡಿದ ನಂತರ, ಸರಕಾರವು ೨ ಸಾವಿರ ರೂಪಾಯಿಗಳ ಹೊಸ ನೋಟುಗಳನ್ನು ಪರಿಚಯಿಸಿತು; ಆದರೆ ಅದರಲ್ಲಿಯೂ ನಕಲಿ ನೋಟುಗಳು ಪತ್ತೆಯಾಗಿರುವುದು ಬೆಳಕಿಗೆ ಬಂದಿದೆ. ನಕಲಿ ನೋಟುಗಳ ಕಳ್ಳಸಾಗಣೆ ತಡೆಯಲು ಸರಕಾರ ಕಾನೂನು ರೂಪಿಸಿದೆ. ತನಿಖಾ ವ್ಯವಸ್ಥೆಯ ಸಹಾಯದಿಂದ ಹುಡುಕಾಟವನ್ನು ಸಹ ಮಾಡಲಾಗುತ್ತದೆ.