ಹಂತಕರನ್ನು ಗಲ್ಲಿಗೇರಿಸಿ ! – ಹತ್ಯೆಗೀಡಾದ ಭಾಜಪದ ನಾಯಕ ಪ್ರವೀಣ ನೆಟ್ಟಾರು ಅವರ ತಾಯಿ

ಕೊಲೆಯ ಘಟನೆಯಿಂದ ನಾವು ಆಕ್ರೋಶಗೊಂಡಿದ್ದೇವೆ ! – ಮುಖ್ಯಮಂತ್ರಿ ಬೊಮ್ಮಾಯಿ

ಬೆಂಗಳೂರು – ದಕ್ಷಿಣ ಕನ್ನಡ ಜಿಲ್ಲೆಯಲ್ಲಿ ಭಾರತೀಯ ಜನತಾ ಯುವ ಮೋರ್ಚಾದ ಜಿಲ್ಲಾ ಕಾರ್ಯದರ್ಶಿ ಪ್ರವೀಣ ನೆಟ್ಟಾರು ಅವರನ್ನು ಜಿಹಾದಿಗಳು ಹತ್ಯೆ ಮಾಡಿದ ನಂತರ ಎಲ್ಲೆಡೆ ಆಕ್ರೋಶದ ಅಲೆ ಎದ್ದಿದೆ. ‘ಪ್ರವೀಣ ನಮಗೆ ಒಬ್ಬನೇ ಮಗ ಆಗಿದ್ದ. ನನ್ನ ಆರೋಗ್ಯ ಸರಿ ಇರುವುದಿಲ್ಲ. ಅವರ ತಂದೆಗೂ ಹೃದ್ರೋಗವಿದೆ. ಅವನೊಬ್ಬನೇ ನಮಗೆ ಆಸರೆಯಾಗಿದ್ದ. ನಮ್ಮ ಅಪೇಕ್ಷೆಯನ್ನು ಈಡೇರಿಸುವವರು ಯಾರೂ ಇಲ್ಲದಂತಾಗಿದೆ’ ಎಂದು ಮೃತ ಪ್ರವೀಣರವರ ತಾಯಿ ಅಳಲು ತೋಡಿಕೊಂಡರು. ‘ಪ್ರವೀಣ ಹಂತಕರನ್ನು ಗಲ್ಲಿಗೇರಿಸಬೇಕು’, ಎಂದು ಒತ್ತಾಯಿಸಿದರು.

‘ಮಗನ ಉತ್ತರಕ್ರಿಯೆಗೆ ಮುನ್ನ ಗಲ್ಲು ಶಿಕ್ಷೆ ವಿಧಿಸಿ’: ಪ್ರವೀಣ್‌ ತಾಯಿ ಕಣ್ಣೀರು#PraveenNettaru #Rathnavati #Murder #BJP https://t.co/Pjk5sHriZC

— Asianet Suvarna News (@AsianetNewsSN) July 27, 2022

ಈ ಕೊಲೆ ಘಟನೆಯ ನಂತರ ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ ಅವರು ಜುಲೈ ೨೮ಕ್ಕೆ ತಮ್ಮ ಸರಕಾರ ಒಂದು ವರ್ಷ ಪೂರೈಸಿದ ಸಂದರ್ಭದಲ್ಲಿ ಆಯೋಜಿಸಿದ್ದ ಎಲ್ಲಾ ಕಾರ್ಯಕ್ರಮಗಳನ್ನು ರದ್ದುಗೊಳಿಸಿದ್ದಾರೆ. ಬೊಮ್ಮಯಿಯವರು, “ಈ ಕೊಲೆಯಿಂದ ನಮ್ಮಲ್ಲಿ ಆಕ್ರೋಶ ನಿರ್ಮಾಣವಾಗಿದೆ” ಎಂದು ಹೇಳಿದರು.

ಪ್ರವೀಣ್‌ ಹಂತಕರು ಎಲ್ಲೇ ಇದ್ದರೂ ಸದೆ ಬಡಿಯುತ್ತೇವೆ: ಸಿಎಂ ಬಸವರಾಜ ಬೊಮ್ಮಾಯಿ#BasavarajBommai #BJP #DakshinaKannadahttps://t.co/s5IMsz0fli

— Prajavani (@prajavani) July 27, 2022

ಇಂತಹ ಘಟನೆಗಳನ್ನು ಎದುರಿಸಲು ‘ಕಮಾಂಡೋ ಫೋರ್ಸ್’ ನಿರ್ಮಿಸುವೆವು !

ದೇಶ ವಿರೋಧಿ ಮತ್ತು ಭಯೋತ್ಪಾದಕ ಶಕ್ತಿಗಳನ್ನು ತೊಡೆದುಹಾಕಲು ವಿಶೇಷ ತರಬೇತಿ ಪಡೆದ ‘ಕಮಾಂಡೋ ಫೋರ್ಸ್’ ಅನ್ನು ರಾಜ್ಯದಲ್ಲಿ ಸ್ಥಾಪಿಸಲು ಸರಕಾರ ನಿರ್ಧರಿಸಿದೆ ಎಂದು ಬೊಮ್ಮಾಯಿ ಘೋಷಿಸಿದರು.