‘ಗುರುಕೃಪಾಯೋಗಾ’ನುಸಾರ ಸಾಧನೆಯ ಮೊದಲ ಹಂತ ಕೇವಲ ‘ಸ್ವಭಾವದೋಷ-ನಿರ್ಮೂಲನೆ’ಯಲ್ಲ ‘ಸ್ವಭಾವದೋಷ-ನಿರ್ಮೂಲನೆ ಮತ್ತು ಗುಣ-ಸಂವರ್ಧನೆ’ ಹೀಗಿದೆ’ – (ಪರಾತ್ಪರ ಗುರು) ಡಾ. ಆಠವಲೆ

ಸಾಧಕರಿಗೆ ಅವರಲ್ಲಿರುವ ಸ್ವಭಾವದೋಷಗಳು ಅವರ ಸಾಧನೆಯಲ್ಲಿನ ಅಡತಡೆಯಾಗಿರುತ್ತವೆ. ಅದರೊಂದಿಗೆ ಅವರ ಕೆಲವು ಗುಣಗಳು ಸಾಧನೆಗೆ ಸಹಾಯಕವಿರುತ್ತದೆ. ಆದ್ದರಿಂದ ಸಾಧನೆಯಲ್ಲಿ ಸ್ವಭಾವದೋಷ-ನಿರ್ಮೂಲನೆಗೆ ಇರುವಷ್ಟೇ ಮಹತ್ವ ಗುಣ-ಸಂವರ್ಧನೆಗೂ ಇದೆ. ಸ್ವಲ್ಪದರಲ್ಲಿ ಸಾಧನೆಗಾಗಿ ಈ ಎರಡು ಪ್ರಯತ್ನಗಳೆಂದರೆ, ಒಂದೇ ನಾಣ್ಯದ ಎರಡು ಮುಖಗಳಾಗಿವೆ. ಇದಕ್ಕಾಗಿ ‘ಗುರುಕೃಪಾಯೋಗಾ’ನುಸಾರ ಸಾಧನೆಯ ಎಂಟು ಹಂತಗಳ ಪೈಕಿ ಮೊದಲ ಹಂತವನ್ನು ಕೇವಲ ‘ಸ್ವಭಾವದೋಷ-ನಿರ್ಮೂಲನೆ’ ಎನ್ನದೇ ‘ಸ್ವಭಾವದೋಷ-ನಿರ್ಮೂಲನೆ ಮತ್ತು ಗುಣ-ಸಂವರ್ಧನೆ’ ಎಂದು ಉಲ್ಲೇಖಿಸಬೇಕು. ಸಾಧಕರೂ ಸ್ವಭಾವದೋಷ-ನಿರ್ಮೂಲನೆಯೊಂದಿಗೆ ‘ಗುಣ-ಸಂವರ್ಧನೆ’ ಪ್ರಕ್ರಿಯೆಯನ್ನೂ ನಿಯಮಿತವಾಗಿ ನಡೆಸಬೇಕು; ಏಕೆಂದರೆ ಗುಣಗಳಿರದೇ ಸಾಧನೆಯನ್ನು ಮಾಡಲು ಸಾಧ್ಯವಿಲ್ಲ. ಗುಣಗಳಿಂದ ಮನೋಬಲವು ಹೆಚ್ಚಾಗುತ್ತದೆ. ಗುಣವೃದ್ಧಿಯಾದರೆ, ‘ಸಾಧನೆ ಮಾಡಿದರೂ ಪ್ರಗತಿ ಏಕೆ ಆಗುತ್ತಿಲ್ಲ’, ಎಂಬ ರೀತಿಯ ವಿಚಾರ ಅಥವಾ ಈ ವಿಚಾರಗಳಿಂದ ಬರುವ ನಿರಾಶೆಯೂ ಬರುವುದಿಲ್ಲ. ಸಾಮಾನ್ಯವಾಗಿ ಒತ್ತಡ ಬರುವುದು, ಕಾಳಜಿ ಮಾಡುವುದು, ನಿರಾಶೆ, ಮನೋರಾಜ್ಯದಲ್ಲಿ ವಿಹರಿಸುವುದು ಇವುಗಳಂತಹ ಸ್ವಭಾವದೋಷಗಳನ್ನು ಪ್ರತಿಯೊಬರೂ ದೂರಮಾಡಬೇಕಾಗುತ್ತದೆ. ಆದ್ದರಿಂದ ಇವುಗಳಂತಹ ಸ್ವಭಾವದೋಷ ಬಹಳ ಇರುವವರು ಪ್ರಾಧಾನ್ಯತೆಯಿಂದ ಸ್ವಭಾವದೋಷ-ನಿರ್ಮೂಲನೆಗೆ ಒತ್ತು ನೀಡಬೇಕು ಮತ್ತು ಇವುಗಳಂತಹ ಸ್ವಭಾವದೋಷಗಳು ಕಡಿಮೆ ಇರುವವರು ಸ್ವಭಾವದೋಷ-ನಿರ್ಮೂಲನೆಯ ಪ್ರಕ್ರಿಯೆಯನ್ನು ನಡೆಸಿ ಗುಣ-ಸಂವರ್ಧನೆ ಪ್ರಕ್ರಿಯೆಗೆ ಒತ್ತು ನೀಡಬೇಕು. ಸ್ವಭಾವದೋಷ-ನಿರ್ಮೂಲನೆಯ ಪ್ರಕ್ರಿಯೆಗೆ ಸಂಬಂಧಿಸಿದಂತೆ ಈ ಹಿಂದೆ ನೀಡಲಾದ ಸೂಚನೆಗನುಸಾರ ಪ್ರತಿದಿನ ಸ್ವಯಂಸೂಚನೆಗಳ ಸತ್ರಗಳನ್ನು ಆಧ್ಯಾತ್ಮಿಕ ತೊಂದರೆ ಇಲ್ಲದವರು ೧೨, ಮಧ್ಯಮ ತೊಂದರೆ ಇರುವವರು ೧೫, ತೀವ್ರ ತೊಂದರೆ ಇರುವ ಸಾಧಕರು ೧೮ ಮಾಡಬೇಕು.

– (ಪರಾತ್ಪರ ಗುರು) ಡಾ. ಜಯಂತ ಆಠವಲೆ (೧೨-೪-೨೦೨೨)

ಸದ್ಯ ಮನುಷ್ಯನು ಸ್ವಾರ್ಥ ಮತ್ತು ಪೈಪೋಟಿಯನ್ನೇ ಸುಖವೆಂದು ನಂಬುತ್ತಿದ್ದಾನೆ ! ‘ಸೃಷ್ಟಿಯಲ್ಲಿನ ಮನುಷ್ಯರಲ್ಲದ ಜೀವಗಳು ಕ್ಷಣಿಕ ಜೀವನವಿದ್ದರೂ ಅವು ಆನಂದದಿಂದ ಬದುಕುತ್ತಿರುತ್ತವೆ. ಮನುಷ್ಯನು ಮಾತ್ರ ದ್ವೇಷ, ಏರಿಳಿತ, ಸ್ವಾರ್ಥ ಮುಂತಾದ ಅಹಂಕಾರಗಳಿಂದ ದುಃಖವನ್ನು ಅನುಭವಿಸುತ್ತಿದ್ದಾನೆ ಮತ್ತು ಅದರಲ್ಲಿಯೇ ಒಣಜಂಭ ಮತ್ತು ಸುಖವೆಂದು ನಂಬುತ್ತಿದ್ದಾನೆ.’ – (ಪರಾತ್ಪರ ಗುರು) ಪರಶರಾಮ ಪಾಂಡೆ ಮಹಾರಾಜರು) (೨೦-೮-೨೦೧೮)