ಹಿಂದೂದ್ರೋಹಿಗಳಿಂದ ಹಿಂದೂಗಳ ಪವಿತ್ರ ಧರ್ಮಗ್ರಂಥವಾದ ‘ಮನುಸ್ಮೃತಿ’ಯ ದಹನ !

• ಮನುಸ್ಮೃತಿಯು ಸ್ತ್ರೀವಿರೋಧಿಯಾಗಿದೆ ಎಂದು ಹೇಳುವವರ ಬೌದ್ಧಿಕ ದಿವಾಳಿತನ ಸ್ಪಷ್ಟವಾಗುತ್ತದೆ !

• ಮನುಸ್ಮೃತಿಯ ವಿರುದ್ಧ ಮತ್ತು ಅದನ್ನು ಬೆಂಬಲಿಸಿ ಟ್ವಿಟರ್‌ನಲ್ಲಿ ‘ಟ್ರೆಂಡ್’ !

ಯಾವುದೇ ಧರ್ಮಗ್ರಂಥವನ್ನು ಸುಡುವುದು ಕಾನೂನಿಗನುಸಾರ ಅಪರಾಧವಾಗಿದೆ. ಹಿಂದೂಗಳ ಧರ್ಮಗ್ರಂಥವನ್ನು ಸುಡುತ್ತಿರುವಾಗ ಮತ್ತು ಆ ಬಗ್ಗೆ ಸಾಮಾಜಿಕ ಮಾಧ್ಯಮಗಳಿಂದ ವೀಡಿಯೋಗಳನ್ನು ಪ್ರಸಾರ ಮಾಡುತ್ತಿರುವಾಗ ಪೊಲೀಸರು ನಿದ್ದೆ ಮಾಡುತ್ತಿದ್ದಾರೆಯೇ ?

ಹಿಂದೂಗಳ ಧಾರ್ಮಿಕ ಭಾವನೆಗಳನ್ನು ಗೌರವಿಸಲು ಧರ್ಮನಿಂದನೆ ವಿರೋಧಿ ಕಾನೂನು ತರುವುದು ಅತ್ಯಾವಶ್ಯಕವಾಗಿದೆ. ಈಗ ಭಾರತದಾದ್ಯಂತದ ಹಿಂದುತ್ವನಿಷ್ಠ ಸಂಘಟನೆಗಳು ಸಂಘಟಿತರಾಗಿ ಇದರ ಬಗ್ಗೆ ಆಗ್ರಹಿಸಬೇಕು !

ಸ್ತ್ರೀಯರನ್ನು ಗೌರವಿಸಲು ಕಲಿಸುವ ಅದ್ವಿತಿಯ ‘ಮನುಸ್ಮೃತಿ’ !

ಮನುಸ್ಮೃತಿಯಲ್ಲಿ ಸ್ತ್ರೀಯನ್ನು ಗೌರವಿಸಲು ಕಲಿಸುವ ಕೆಲವು ಶ್ಲೋಕಗಳನ್ನು ಇಲ್ಲಿ ನೀಡಲಾಗಿದೆ. ಇದರಿಂದ ಇಂದಿನ ಹಿಂದೂವಿರೋಧಿಗಳು ಮಾತ್ರವಲ್ಲದೆ ಸ್ತ್ರೀವಾದಿಯ ಗುತ್ತಿಗೆ ಪಡೆದಿರುವ ತಥಾಕಥಿತರ ಮನುಸ್ಮೃತಿ ಮತ್ತು ಒಟ್ಟಾರೆಯಾಗಿ ಹಿಂದೂ ಧರ್ಮದ ವಿರುದ್ಧದ ವಿಷಕಾರುವುದು ಹೇಗೆ ನಿರಾಧಾರ, ಕಾಲ್ಪನಿಕ ಮತ್ತು ಸುಳ್ಳು ಇದೆ, ಎಂಬುದನ್ನು ತೋರಿಸುತ್ತದೆ. ಹಿಂದೂ ಜನಜಾಗೃತಿ ಸಮಿತಿ ಪ್ರಕಟಿಸಿದ ಹಾಗೂ ಸಮಿತಿಯ ರಾಷ್ಟ್ರೀಯ ವಕ್ತಾರರಾದ ಶ್ರೀ. ರಮೇಶ ಶಿಂದೆ ಇವರು ಸಂಕಲನ ಮಾಡಿರುವ ‘ಮನುಸ್ಮೃತಿ ಸುಡಬೇಕೆ ಅಥವಾ ಅಭ್ಯಾಸ ಮಾಡಬೇಕಾ ?’ ಎಂಬ ಮರಾಠಿ ಭಾಷೆಯ ಕಿರುಗ್ರಂಥದಲ್ಲಿನ ಮಾಹಿತಿಯನ್ನು ಆಧಾರ ಸಹಿತವಾಗಿ ಪ್ರಕಟಿಸುತ್ತಿದ್ದೇವೆ.

೧. ಮನುಸ್ಮೃತಿ, ಅಧ್ಯಾಯ ೮, ಶ್ಲೋಕ ೨೬೭-೨೭೧ : ತಾಯಿ, ಸಹೋದರಿ ಮತ್ತು ಹೆಂಡತಿ ಇವರಿಗೆ ಮತ್ತು ಅವರ ಸಂದರ್ಭದಲ್ಲಿ ಇತರ ಪುರುಷರಿಗೆ ಅವಾಚ್ಯ ಪದಗಳಿಂದ ನಿಂದಿಸುವವರಿಗೆ ಇತರ ವಿಧದ ಅವಾಚ್ಯ ಪದ ಬಳಸಿದ್ದಕ್ಕೆ ನೀಡುವ ಶಿಕ್ಷೆಗಿಂತ ಎರಡು ಪಟ್ಟು ಹೆಚ್ಚು ಶಿಕ್ಷೆಯನ್ನು ಹೇಳಿದೆ.

೨. ಮನುಸ್ಮೃತಿ, ಅಧ್ಯಾಯ ೩, ಶ್ಲೋಕ ೧೧೪ : ನವವಿವಾಹಿತ ವಧು, ಅವಿವಾಹಿತ ಅನಾರೊಗ್ಯ ಹುಡುಗಿ ಮತ್ತು ಗರ್ಭಿಣಿಯರಿಗೆ ಪ್ರಸಂಗಬಂದಾಗ ಅತಿಥಿಗಳಿಗಿಂತ ಮೊದಲು ಭೋಜನವನ್ನು ನೀಡಬೇಕು.

೩. ಮನುಸ್ಮೃತಿ, ಅಧ್ಯಾಯ ೮, ಶ್ಲೋಕ ೪೦೪-೪೦೭ : ದೋಣಿಯಲ್ಲಿ ಪ್ರಯಾಣಿಸುವ ಮಹಿಳೆಯರಿಂದ ಯಾವುದೇ ಬಾಡಿಗೆಯನ್ನು ತೆಗೆದುಕೊಳ್ಳಬಾರದು.

೪. ಮನುಸ್ಮೃತಿ, ಅಧ್ಯಾಯ ೯, ಶ್ಲೋಕ ೧೬ : ಪುರುಷರು ಹಣವನ್ನು ಸಂಪಾದಿಸಬೇಕು, ಅದನ್ನು ಇಡಲು ಹೆಂಡತಿಗೆ ನೀಡಬೇಕು ಮತ್ತು ಹಣವನ್ನು ಮಹಿಳೆಯ ಮೂಲಕ (ಮಹಿಳೆಯ ಒಪ್ಪಿಗೆಯೊಂದಿಗೆ) ವಿನಿಯೋಗಿಸಬೇಕು.

೫. ಮನುಸ್ಮೃತಿ, ಅಧ್ಯಾಯ ೯, ಶ್ಲೋಕ ೩ : ತಂದೆಯು ಬಾಲ್ಯದಲ್ಲಿ, ಗಂಡನು ಯೌವನದಲ್ಲಿ ಮತ್ತು ಮಗನು ವೃದ್ಧಾಪ್ಯದಲ್ಲಿ ಸ್ತ್ರೀಯನ್ನು ರಕ್ಷಿಸುತ್ತಾನೆ; ಹಾಗಾಗಿ ಆಕೆಗೆ ಸ್ವಾತಂತ್ರ್ಯ ನೀಡಬಾರದು. (ನ ಸ್ತ್ರೀ ಸ್ವಾತಂತ್ತ್ರಮರ್ಹಿತಿ !)
೨ ಸಾವಿರದ ೩೦೦ ವರ್ಷಗಳ ಹಿಂದೆ ಸ್ತ್ರೀಯರ ರಕ್ಷಣೆಗೆ ಶಾರೀರಿಕ ಸಾಮರ್ಥ್ಯ ಅತ್ಯಗತ್ಯವಾಗಿತ್ತು. ಆ ಸಮಯದಲ್ಲಿ ಸ್ತ್ರೀ ಹೆಚ್ಚು ದುರ್ಬಲಳಾಗಿದ್ದಳು; ಏಕೆಂದರೆ ಆ ಸಮಯದಲ್ಲಿ ಪಿಸ್ತೂಲುಗಳಂತಹ ಆಯುಧಗಳು ಇರಲಿಲ್ಲ. ಆ ಕಾಲದಲ್ಲಿ ಮನುವು ಸ್ತ್ರೀರಕ್ಷಣೆಯ ಈ ಮಹತ್ತರವಾದ ವಿಚಾರವನ್ನು ವ್ಯಕ್ತಪಡಿಸಿದನು. ತಂದೆ, ಪತಿ ಮತ್ತು ಮಗ ಇವರೇ ಸ್ತ್ರೀಯರಿಗೆ ರಕ್ಷಣೆ ನೀಡಬೇಕು, ಎಂದು ಮನು ಒತ್ತಿ ಹೇಳಿದರು. ಈ ಹಿನ್ನೆಲೆಯನ್ನು ಗಮನದಲ್ಲಿಡದೇ ‘ಮನುಸ್ಮೃತಿಯನ್ನು ‘ಮನು ಸ್ತ್ರೀಸ್ವಾತಂತ್ರ್ಯದ ಶತ್ರು’ ಆಗಿದ್ದನು ಎಂದು ಸುಟ್ಟು ಹಾಕಿದ್ದು, ವೈಚಾರಿಕ ದಿವಾಳಿತನಯಾಗಿದೆ !

೬. ಮನುಸ್ಮೃತಿ, ಅಧ್ಯಾಯ ೩, ಶ್ಲೋಕ ೫೭ : ಯಾವ ಕುಲದ ಸ್ತ್ರೀ ದುಃಖಿತಳಾಗಿದ್ದಾಳೆ, ಆ ಕುಲವು ನಾಶವಾಗುತ್ತದೆ.

೭. ಮನುಸ್ಮೃತಿ, ಅಧ್ಯಾಯ ೨, ಶ್ಲೋಕ ೧೪೫ : ಆಚಾರ್ಯರು ಉಪಾಧ್ಯಾಯರಿಗಿಂತ ಹತ್ತು ಪಟ್ಟು ಶ್ರೇಷ್ಠರು, ತಂದೆ ಆಚಾರ್ಯರಿಗಿಂತ ನೂರು ಪಟ್ಟು ಶ್ರೇಷ್ಠರು ಮತ್ತು ತಾಯಿ ತಂದೆಗಿಂತ ಸಾವಿರ ಪಟ್ಟು ಶ್ರೇಷ್ಠರಾಗಿದ್ದಾರೆ.

೮. ಮನುಸ್ಮೃತಿ, ಅಧ್ಯಾಯ ೩, ಶ್ಲೋಕ ೫೬ : ಎಲ್ಲಿ ಸ್ತ್ರೀಯರನ್ನು ಪೂಜಿಸಲಾಗುತ್ತದೆಯೋ, ಅಲ್ಲಿ ದೇವತೆಗಳು ನೆಲೆಸುತ್ತಾರೆ.

(ಆಧಾರ : ಹಿಂದೂ ಜನಜಾಗೃತಿ ಸಮಿತಿಯ ರಾಷ್ಟ್ರೀಯ ವಕ್ತಾರ ಶ್ರೀ. ರಮೇಶ ಶಿಂದೆಯವರು ಬರೆದ ‘ಮನುಸ್ಮೃತಿ ಸುಡಬೇಕೋ ಅಥವಾ ಅಭ್ಯಾಸ ಮಾಡಬೇಕೋ ?’ ಈ ಕಿರುಗ್ರಂಥದ ಕೃಪೆಯಿಂದ)