ಕೊರೊನಾ ಲಸಿಕೆ ಪಡೆಯಲು ನಿರಾಕರಿಸಿದ ಭಾರತೀಯ ವಾಯುದಳದ ಸಿಬ್ಬಂದಿ ನೌಕರಿಯಿಂದ ವಜಾ

ನವ ದೆಹಲಿ – ಕೊರೊನಾ ನಿರೋಧಕ ಲಸಿಕೆಯನ್ನು ತೆಗೆದುಕೊಳ್ಳಲು ನಿರಾಕರಿಸಿದ ಭಾರತೀಯ ವಾಯುದಳದ ಸಿಬ್ಬಂದಿಯನ್ನು ನೌಕರಿಯಿಂದ ವಜಾಗೊಳಿಸಲಾಗಿದೆ ಎಂಬ ಮಾಹಿತಿಯನ್ನು ಕೇಂದ್ರ ಸರಕಾರವು ಗುಜರಾತ ಉಚ್ಚ ನ್ಯಾಯಾಲಯಕ್ಕೆ ನೀಡಿದೆ. ಸೇವೆಯ ನಿಯಮಾನುಸಾರ ಲಸಿಕೆ ಪಡೆಯುವುದನ್ನು ಕಡ್ಡಾಯಗೊಳಿಸಿರುವುದಾಗಿ ಸ್ಪಷ್ಟ ಪಡಿಸಲಾಗಿದೆ.

The Indian Air Force has sacked one of its personnel from service for refusing to get vaccinated against #COVID19. https://t.co/YjGKuNqCR2

— The New Indian Express (@NewIndianXpress) August 12, 2021

ದೇಶಾದ್ಯಂತ ಅಂತಹ 9 ಸಿಬ್ಬಂದಿಗಳಿಗೆ `ಕಾರಣ ನೀಡಿ’ ಎಂಬ ನೋಟಿಸ್ ಜಾರಿಗೊಳಿಸಲಾಗಿತ್ತು. ಈ ಎಲ್ಲಾ ಸಿಬ್ಬಂದಿವರ್ಗವು ಕೊರೊನಾ ಲಸಿಕೆಯನ್ನು ತೆಗೆದುಕೊಳ್ಳಲು ನಿರಾಕರಿಸಿತ್ತು. ಅವರ ಪೈಕಿ ಒಬ್ಬ ಸಿಬ್ಬಂದಿಯು ಆ ನೋಟಿಸಿಗೆ ಉತ್ತರ ನೀಡಿರಲಿಲ್ಲ. ಆದ್ದರಿಂದ ಅವರ ಮೇಲೆ ಕ್ರಮಕೈಗೊಳ್ಳಲಾಗಿದೆ. ಆ ಸಿಬ್ಬಂದಿಯ ಹೆಸರು ಅಥವಾ ಇತರ ಮಾಹಿತಿಯನ್ನು ಸರಕಾರವು ನೀಡಿಲ್ಲ.