ನಿರ್ಲಕ್ಷ್ಯ ತೋರಿದ ಪ್ರಕರಣ: ನಾಸಿಕ್ ವಿಭಾಗದ ೧೧ ಅಧಿಕಾರಿಗಳು ಅಮಾನತು!

ನಾಸಿಕ್ (ಮಹಾರಾಷ್ಟ್ರ) – ಮಹಾರಾಷ್ಟ್ರ ರಾಜ್ಯ ಸಾರಿಗೆ ಸಂಸ್ಥೆಯ ನಾಸಿಕ್ ವಿಭಾಗದಲ್ಲಿ ಕರ್ತವ್ಯ ನಿರ್ಲಕ್ಷ್ಯ, ಆರ್ಥಿಕ ಅಕ್ರಮಗಳು ಮತ್ತು ಆಡಳಿತಾತ್ಮಕ ಲೋಪದೋಷಗಳ ಪ್ರಕರಣದಲ್ಲಿ ೧೧ ಹಿರಿಯ ಅಧಿಕಾರಿಗಳನ್ನು ಅಮಾನತುಗೊಳಿಸಲಾಗಿದೆ. ಈ ಅಧಿಕಾರಿಗಳಲ್ಲಿ ಪ್ರಾದೇಶಿಕ ಎಂಜಿನಿಯರ್, ವಿಭಾಗೀಯ ನಿಯಂತ್ರಣಾಧಿಕಾರಿ, ಯಾಂತ್ರಿಕ ಎಂಜಿನಿಯರ್, ಸಾರಿಗೆ ಅಧಿಕಾರಿ, ಡಿಪೋ ಮ್ಯಾನೇಜರ್, ಲೆಕ್ಕಾಧಿಕಾರಿ, ಭಂಡಾರದ ಅಧಿಕಾರಿ ಮತ್ತು ವಿಭಾಗೀಯ ಎಂಜಿನಿಯರ್‌ಗಳು ಸೇರಿದ್ದಾರೆ.

ಇವರೆಲ್ಲರೂ ಕೆಲಸದಲ್ಲಿ ಗಂಭೀರ ಲೋಪದೋಷಗಳನ್ನು ಎಸಗಿರುವುದು, ಚಾಲಕರು ಮತ್ತು ನಿರ್ವಾಹಕರ ಹಾಜರಾತಿ ಮೇಲಿನ ನಿಯಂತ್ರಣದ ಕೊರತೆ, ಶಿಸ್ತು ಉಲ್ಲಂಘನೆ ಹಾಗೂ ಪ್ರಯಾಣಿಕರ ಸೌಲಭ್ಯಗಳು ಮತ್ತು ವಾಹನಗಳ ನಿರ್ವಹಣೆಯನ್ನು ನಿರ್ಲಕ್ಷಿಸಿರುವುದು ಪ್ರಾಥಮಿಕ ತನಿಖೆಯಲ್ಲಿ ಬೆಳಕಿಗೆ ಬಂದಿದೆ.