ವಿವೇಕ್ ಅಗರ್ವಾಲ್ ಅವರು ‘ಎಫ್.ಎ.ಟಿ.ಎಫ್.’ನ (FATF) ಉಪಾಧ್ಯಕ್ಷರಾಗಿ ಆಯ್ಕೆ!

(ಎಫ್.ಎ.ಟಿ.ಎಫ್. ಎಂದರೆ ಫೈನಾನ್ಷಿಯಲ್ ಆಕ್ಷನ್ ಟಾಸ್ಕ್ ಫೋರ್ಸ್, ಅಂದರೆ ಹಣಕಾಸು ಕ್ರಿಯಾ ಕಾರ್ಯಪಡೆ)

ಪ್ಯಾರಿಸ್ (ಫ್ರಾನ್ಸ್) – ಭಾರತಕ್ಕೆ ಅಂತರರಾಷ್ಟ್ರೀಯ ಮಟ್ಟದಲ್ಲಿ ದೊಡ್ಡ ಯಶಸ್ಸು ಸಿಕ್ಕಿದೆ. ಭಾರತದ ಹಿರಿಯ ‘ಐ.ಎ.ಎಸ್.’ ಅಧಿಕಾರಿ ವಿವೇಕ್ ಅಗರ್ವಾಲ್ ಅವರು ‘ಎಫ್.ಎ.ಟಿ.ಎಫ್.’ ಜಾಗತಿಕ ಸಂಸ್ಥೆಯ ಉಪಾಧ್ಯಕ್ಷರಾಗಿ ಆಯ್ಕೆಯಾಗಿದ್ದಾರೆ. ಪ್ರಭಾವಶಾಲಿ ಜಾಗತಿಕ ಸಂಸ್ಥೆಯೊಂದರಲ್ಲಿ ಭಾರತೀಯ ಅಧಿಕಾರಿಗೆ ಇಷ್ಟು ದೊಡ್ಡ ಹುದ್ದೆ ಸಿಗುತ್ತಿರುವುದು ಇದೇ ಮೊದಲ ಬಾರಿಯಾಗಿದೆ. ಇಲ್ಲಿ ಆಯೋಜಿಸಲಾಗಿದ್ದ ಸಂಸ್ಥೆಯ ಸಭೆಯಲ್ಲಿ ಈ ನಿರ್ಧಾರ ತೆಗೆದುಕೊಳ್ಳಲಾಗಿದೆ. ಅಗರ್ವಾಲ್ ಅವರು ಮಧ್ಯಪ್ರದೇಶ ‘ಕ್ಯಾಡರ್’ನ 1994ರ ಬ್ಯಾಚ್‌ನ ‘ಐ.ಎ.ಎಸ್.’ ಅಧಿಕಾರಿಯಾಗಿದ್ದಾರೆ. ಅವರು ಸದ್ಯ ಭಾರತ ಸರಕಾರದ ಸಂಸ್ಕೃತಿ ಸಚಿವಾಲಯದಲ್ಲಿ ಕಾರ್ಯದರ್ಶಿಯಾಗಿ ಸೇವೆ ಸಲ್ಲಿಸುತ್ತಿದ್ದಾರೆ.

1. ‘ಎಫ್.ಎ.ಟಿ.ಎಫ್.’ನ ಉಪಾಧ್ಯಕ್ಷರಾಗಿ ಅವರ ಅಧಿಕಾರಾವಧಿ ಜುಲೈ 2026 ರಿಂದ ಜೂನ್ 2027 ರವರೆಗೆ ಇರಲಿದೆ. ಅಗರ್ವಾಲ್ ಅವರಿಗೆ ಆರ್ಥಿಕ ವಿಷಯಗಳು ಮತ್ತು ಅಂತರರಾಷ್ಟ್ರೀಯ ನಿಯಮಗಳ ಬಗ್ಗೆ ಅಪಾರ ಅನುಭವವಿದೆ.

2. ಅವರು ಈ ಹಿಂದೆ ಹಣಕಾಸು ಸಚಿವಾಲಯದ ಕಂದಾಯ ಇಲಾಖೆಯಲ್ಲಿ ಹೆಚ್ಚುವರಿ ಕಾರ್ಯದರ್ಶಿಯಾಗಿದ್ದರು ಮತ್ತು ‘ಎಫ್.ಎ.ಟಿ.ಎಫ್.’ನಲ್ಲಿ ಭಾರತವನ್ನು ಪ್ರತಿನಿಧಿಸಿದ್ದರು.

🔹 India to assume Vice-Presidency of the Financial Action Task Force for the first time

🔹 Vivek Aggarwal, Secretary, @MinOfCultureGoI, appointed Vice-President of FATF for the term of July 2026- June 2027

🔹 The Vice-President of the #FATF is elected by the FATF Plenary from… pic.twitter.com/WAVPfYNl3c

— PIB India (@PIB_India) June 19, 2026

3. ಈ ನೇಮಕಾತಿಯ ಬಗ್ಗೆ ಮಾತನಾಡಿದ ಅಗರ್ವಾಲ್ ಅವರು, ‘ಮನಿ ಲಾಂಡರಿಂಗ್’ (ಕಪ್ಪು ಹಣವನ್ನು ಬಿಳಿ ಮಾಡುವ ಪ್ರಕ್ರಿಯೆ) ಮತ್ತು ಭಯೋತ್ಪಾದನೆಗೆ ಸಿಗುವ ಧನಸಹಾಯದ ವಿರುದ್ಧ ಭಾರತದ ಬಲವಾದ ನೀತಿಗಳಿಗೆ ಸಿಕ್ಕ ಮನ್ನಣೆ ಇದಾಗಿದೆ ಎಂದು ಹೇಳಿದರು.

4. ಜಾಗತಿಕ ಆರ್ಥಿಕ ವ್ಯವಸ್ಥೆಯನ್ನು ಇನ್ನಷ್ಟು ಸುರಕ್ಷಿತ ಮತ್ತು ಪಾರದರ್ಶಕವಾಗಿ ಮಾಡಲು ನಾವು ಕೆಲಸ ಮಾಡುತ್ತೇವೆ ಎಂಬ ವಿಶ್ವಾಸವನ್ನು ಅವರು ವ್ಯಕ್ತಪಡಿಸಿದರು.

5. ಇತ್ತೀಚಿನ ವರ್ಷಗಳಲ್ಲಿ ಆರ್ಥಿಕ ಭದ್ರತೆ ಮತ್ತು ಡಿಜಿಟಲ್ ಪಾವತಿ ವ್ಯವಸ್ಥೆಯಲ್ಲಿ ಭಾರತದ ಅತ್ಯುತ್ತಮ ಪ್ರದರ್ಶನದಿಂದಾಗಿ ಜಗತ್ತಿನ ವಿಶ್ವಾಸ ಇನ್ನಷ್ಟು ಗಟ್ಟಿಯಾಗಿದೆ.